Marku 12:35 - MUKANDA USANDU WA ZAMBI 1975

³⁵ Yesu wakumbulwile, wambile shimbu alongesele mu tembele ngwenyi, Ngwe kuchi akwa kusonyeka akwamba ngwo, Kristu iye mwana David?

Mukanda Wa Zambi 1970

³⁵ Yesu, muze te analongesa mu zuwo lia Zambi lia Ayuda, yahula atu ngwenyi: “Ngwe kuchi alongeshi a Shimbi maahasa kwamba ngwo: ‘Chilamwina yoze Zambi alakenyene kali mwana wa David’?

Marku 12:35 Iomraidhean Croise

Mateu 26:55

Ha ola yize yene Yesu wambile ku mbunga ngwenyi, Nunatuhuka ngwe hali muhuza ni tutana ni mbwechi mukungukwata, nyi? Natwamine tangwa ha tangwa hamwe ni yenu nikulongesa mu tembele, mba kunwangukwachile.

Mateu 9:27

Muze Yesu apalikile kuze kulutwe, tupuputa aali amukawile, nikukololoka ngwo, Tuvwile kama keke, yena, mwana David.

Marku 10:1

Iye wakatukile kuze, yaheta ku manjiza ja Yundeya ni kuze kanda lia Yordau: ni mbunga yakungama kuli iye cheka nawa; iye ngwe ndako yenyi waalongesele cheka nawa.

Marku 11:27

O yaheta cheka nawa ku Yerusaleme. Shimbu machenda mu tembele, asasendote akwa lutwe, ni akwa kusonyeka, ni makulwana yeza kuli iye;

Marku 14:49

Napwile tangwa ha tangwa hamwe ni yenu nikulongesa mu tembele, hindu kunwangukwachile: alioze yisoneko yikamanunuke.

Luka 19:47

Iye wapwile nikulongesa tangwa ha tangwa mu tembele, ni asasendote akwa lutwe ni akwa kusonyeka ni akwa lutwe ja atu afupile kumwonwona.

Luka 20:1

Ha tangwa limwe shimbu machilongesa atu mu tembele, nikwambujola sango lipema, asasendote akwa lutwe ni akwa kusonyeka hamwe ni makulwana ejile kuli iye.

Luka 21:37

Ni tangwa ha tangwa, wapwile nikulongesa mu tembele; ni ufuku ha ufuku wapwile nikutuhwoka nikuuhwisa ha mulundu uze ngwo, Olevwe.

Yoano 18:20

Yesu wamukumbulwile ngwenyi, Nahanjikile mwazu kuli akwa hashi; nalongesele matangwa eswe mu masunangonga ni mu tembele, muze akukungama A-Yunda eswe; ni ku tenga chahanjikile nichimwe.

Yoano 7:42

Chisoneko kuchambile ngwo, Kristu makatuka ku munyachi wa David, ni ku Mbeteleme, chihunda kuze apwile David, nyi?