Marku 12:31 - MUKANDA USANDU WA ZAMBI 1975

³¹ Ni liamuchiali kuliakulifwa nalio ngwo, Ukazange mwenyembo we ngwe yena mwene. Liji likwo lia shimbi liahiana wano liakuhi, nilimwe.

Mukanda Wa Zambi 1970

³¹ Shimbi ya muchaali yino ngwo: ‘Zanga mwenyembo we ngwe chize wakulizanga yena mwene.’ Kukushi Shimbi yikwo yahiana jino jaali.”

Marku 12:31 Iomraidhean Croise

Alevi 19:13

Kanda nupinjisa mukwenu hanji kumupupa. Fweto ya ngamba kanda yitwama mu kwoko lie ndusu ufuku ndo chimene.

Alevi 19:18

Kanda ukakala mulonga. Kanda ukapwa ni kakucha mu mbunge kuli atu je, alioze ukazange mukwenu ngwe wakulizanga yena mwene. Yami Yehova.

Mateu 22:39

Ni liamuchiali Yinalifu nalio, lino ngwo. Ukazange mwenyembo we ngwe wakulizanga yena mwene.

Mateu 7:12

Yuma yeswe kashika nunazange atu akanulinge, chizechene lingenu kuli ayo: mumu chino ye shimbi ni ye yiyulo ya aprofeta.

Marku 12:32

Mukwa kusonyeka wambile kuli iye ngwenyi, Chamwenemwene, Longeshi, hiwamba kanawa ngwe iye umuwika, ni mukwo wakuhi, niumwe shina iye.

Luka 10:27

Iye wakumbulwile ngwenyi, Ngwo, Ukazange Mwene Zambi ye ni mbunge ye yeswe, ni mwono we weswe, ni ngolo je jeswe, ni kunyonga che cheswe, ukazange mwenyembo we ngwe wakulizanga yena mwene.

Galashia 5:14

Mumu shimbi yeswe yinamanunuka mu liji limuwika, ngwo, Ukazange mwenyembo we ngwe unalizange yena mwene.

1 Yoano 4:21

Ni shimbi yino tuli nayo ya kuli iye, ngwo, yoze wakuzanga Zambi, akazange ndumbwenyi nawa.