Marku 12:2 - MUKANDA USANDU WA ZAMBI 1975

² Ha mwaka wa kuhela, watumine ndungo kuli njimi, hanga akatambule kuli njimi mihuko yimwe ya munda.

Mukanda Wa Zambi 1970

² Muze mwaka wa kuhela hiwaheta, yatuma kavumbi kuli njimi hanga akatambule yimwe mihuko ya ku munda.

Marku 12:2 Iomraidhean Croise

1 MIANANGANA 17:13

Alioze Yehova washindakenyene kuli A-Izalele ni kuli A-Yunda kuli profeta mweswe ni kuli mukwa kumona mweswe ngwenyi, Alumukenu ku ndako jenu jipi nukafunge shimbi jami ni yiyulo yami nikulita ni shimbi jami jeswe jize natuminyine tulamba twenu, te jize nanutumine kuli tuvumbi twami aprofeta.

2 Sango Ja Mianangana 36:15

Yehova Zambi ya tulamba two yaatuma tunganda twenyi, che kulimeneka ni kutumatuma mumu keke ya atu jenyi ni zuwo lienyi.

Ezra 9:11

jize watumine kuli tuvumbi twe aprofeta ngwe, Chifuchi chize nunayi kutambula, chifuchi cha luchisa mumu ha luchisa wa atu a yifuchi, ni yizelwokeso yo yize hiyachizalisa ni luchisa, chize ku songo limwe ndo ku songo likwo.

Miaso (Masamu) 1:3

Iye kumapwa ngwe mutondo wa kutumba ku tupila twa meya, uze wakwima mihuko yawo ha tungonde twayo. Lifwo liawo kulishi kuma. Cheswacho malinga muchiwaha.

Jeremia 35:15

Hinatuma tuvumbi twami aprofeta eswe ni kulitwamina ka, ngwami, Alumukenu yenu eswe nukahichike mutu mweswe ndako jenyi jipi. Pemesenu yitanga yenu; kanda nukaula mazambi akwo nukaalingile, hanga nukatwame mu chifuchi chino nahanyine kuli yenu ni kuli tulamba twenu. Alioze kunwatelele matwi jenu, chipwe kungwivwa.

Jeremia 44:4

Hindu natuminetumine kuli yenu tuvumbi twami eswe aprofeta ngwami, Kanda nulinga chuma chino cha kuzelwokesa cha kunguvwisa lwaji.

Mika 7:1

Lamba liami mumu hinapwa ngwe muze mihuko ya lwiza hayihela; muze uva hayihela, kukushi chichakata cha kulia, chipwe kuyu litangu kuhia, lize mbunge yami yakuzanga.

Zakaria 7:7

Shimbu machitwama mu Yerusaleme ni kuwaha ni yihunda yeswe ya kujingilika, ni chifuchi cha ku Sule ni chifuchi cha ku mwanda yeswe ni atu, te Yehova kambile maliji wano ene kuli aprofeta jenyi a kushi?

Mateu 21:34

Muze mwaka wa mihuko wakundamine, watumine ndungo kuli njimi mukutambula mihuko yenyi.

Marku 12:1

Iye waputukile kuhanjika kuli ayo ni yishima ngwenyi, Mutu watumbile munda wa uva, waujingulwile ni chipaka, watalile wina wa ukamino, watungile kaposhi, waukunjikile kuli njimi, mba wayile ku chifuchi chikwo.

Marku 12:3

O yamukwata, yamulamba, yamukatwisa mokomoko.

Luka 12:48

Alioze yoze kanyingikineko, walingile yuma ya kutela lamba, kumamulamba ni mijiji yikepe. Ni mweswawo mamwaha yinji, kuli iye kumafwetesa yinji: ni kuli yoze makunjika yinji, kuli iye maketa yinji yahiana.

Luka 20:10

Ni ha mwaka wa kuhela, watumine ndungo kuli njimi, akamwehe yimwe ya ku mihuko ya munda; alioze njimi amulambile, amukatwishile mokomoko.

Hebreu 1:1

Zambi, se wahanjikile ha shakulu kuli tulamba ni makanwa ja aprofeta ku yihanda yeka ni yeka, ni ndako jeka ni jeka,