Marku 12:14 - MUKANDA USANDU WA ZAMBI 1975

¹⁴ O muze ahetele, yamba kuli iye ngwo, Longeshi, tunanyingika yena uli wamwenemwene, kushi kuvwila woma niumwe; mumu kushi ni katonde kuli atu, alioze kuwakulongesa jila ya Zambi ni umwenemwene, ngwetu, Muchilita ni shimbi shina kuhana lijimu kuli Sesare, nyi? Shina ka?

Mukanda Wa Zambi 1970

¹⁴ No yeeza nikumwamba ngwo: “Longeshi, tunanyingika ngwetu, yena kuuli wamwenemwene. Kuushi woma ha yize akunyonga atu, kuushi kutala ulemu wo, alioze wakulongesa Shimbi ja Zambi ni umwenemwene. Twambulwile, muchilita ni Shimbi jetu kulambula mwanangana wa Aroma lijimu, nyi ka? Chatamba kulambula, nyi ka?”

Marku 12:14 Iomraidhean Croise

2 Sango Ja Mianangana 18:13

Alioze Mikaia yamba ngwenyi, Ni mwono wa Yehova chize Zambi yami mahanjika chenacho mungwamba.

2 Sango Ja Mianangana 19:7

Kashika pwenu ni woma wa Yehova. Talenu kanawa nukachilinge, mumu uhenge kuushiko kuli Yehova Zambi yenu, chipwe katonde, hanji kutambula yijiko.

Nehemia 9:37

Kuchakwima mbuto ya kulumbama kuli mianangana waze hiwasela helu lietu mumu ha milonga yetu. O kakuyula mijimba yetu, ni yimuna jetu nikulita ni upale wo mba tuli ni luyinda munji.

Miaso (Masamu) 120:2

Yehova, pulula kama mbunge yami ku mivumbo ya mahuza ni ku limi lia kwonga.

Miaso (Masamu) 55:21

Kanwa lienyi liasenenene ngwe maji a yamwa, alioze mbunge yenyi yapwile jita. Maliji jenyi ovulile kuhiana maji hindu apwile poko ja kutomona.

Jeremia 42:20

ngwami, Hinwapiasuka nukatokese mwono wenu. Nwangutumine kuli Yehova Zambi yenu ngwenu, Nutulembele kuli Yehova Zambi yetu, mba cheswacho Yehova Zambi yetu mamba, hinutulweze mba mutuchilinga.

Mika 3:8

Alioze ha kutwala kuli yami hananguzalisa ni tachi, ni Spiritu wa Yehova, ni ululi, ni ndundo, ngukalumbunwine Yakomba uvulumunyi wenyi ni kuli Izalele shili yenyi.

Mateu 22:16

Atumine kuli iye tumbaji two, hamwe ni A-Heronde, ngwo, Longeshi, tunanyingika yena uli wamwenemwene, wakulongesa jila ya Zambi nikulita ni umwenemwene, kushi kuvwila woma niumwe: mumu kushi katonde kuli atu.

Mateu 22:17

Twambulwilenu kashika chize yena unashinginyeka ngwetu, Muchilita ni shimbi shina kuhana lijimu kuli Sesare nyi, shina ka?

Marku 12:13

O atumine kuli iye amwe a kuli A-Fwariseu ni a kuli A-Heronde, hanga akamutete ha kuhanjika chenyi.

Marku 12:15

Shina mutuhana, nyi? Shina kutuchi kuhana? Alioze iye se kananyingika ulembekese wo, wambile kuli ayo ngwenyi, Kuchi te nunangweseka? Ngunehene lumbongo, ngumutale.

Marku 14:45

Muze te heza, haze hene wakundamine kuli iye, yamba ngwenyi, Longeshi; wamumbejele chikolo.

Luka 20:22

Ngwetu, Muchilita ni shimbi hali yetu shina kuhana lijimu kuli Sesare, nyi? Shina ka?

Luka 23:2

O aputukile kumusuma ngwo, Twawanyine yono mutu nikuhengesa vungu lietu, nikukanjisa kufweta lijimu kuli Sesare, chikwo ngwenyi, Kristu mwanangana yami mwene.

Yoano 7:18

Yoze wakuhanjika cha kuli iye mwene kakufupa uhenya wenyi mwene: alioze yoze wakufupa uhenya wa yoze wamutumine, mwenawo wamwenemwene, ni uhenge kuushimo muli iye.

A-ROMA 13:6

Mumu ha chino nwakuhana milambu nawa; mumu o akwa kulingila Zambi, kakuhondangana matangwa eswe ku chuma chino.

2 Korintu 2:17

Mumu yetu kutwapwile ngwe anji, nikusepa liji lia Zambi: alioze ngwe akwa kutuwika ku mbunge, alioze ngwe a kuli Zambi, kumeso ja Zambi, twakuhanjika muli Kristu.

2 Korintu 2:2

Mumu kachi mungunuvwisa chinyengo, iya kevwe yoze manguvwisa chiseke, shina yoze namuvwishile chinyengo yami?

2 Korintu 4:1

Kashika se uvumbiko uno tuli nawo, nikulita ni keke yino hitunawane, kutushi kulezumioka:

2 Korintu 5:11

Kashika se tunanyingika woma wa Mwene, twakukununa atu; alioze kanatusolola kuli Zambi; mba ngunatatatata tukalumbunuke ku mbunge jenu.

2 Korintu 5:16

Kashika, chize ku haliapwila ndo ku miaka, kutushi kunyingika niumwe nikulita ni musunya: chipwe kachi twanyingikine Kristu nikulita ni musunya, hindu haliapwila kutwamunyingikine chocho nawa.

Galashia 1:10

Mumu haliapwila ngunafupu shina kuwahila atu nyi, shina kuwahila Zambi? Shina ngunafupu kupemena kuli atu, nyi? Kachi nguchili nikupemena kuli atu, kachi hi nguli ndungo ya Kristu ko.

Galashia 2:6

Alioze kuli waze afumanyine kupwa chimwe (cheswacho apwile kunyima, chamokomoko kuli yami: Zambi keshi katonde), waze a lufuma kanguwezele nichimwe.

Shimbi 16:19

Kanda nuhengesa upatwilo; kanda nupwa ni katonde; chipwe kanda nutambula chindo, mumu chindo kuchapupuchisa meso ja mukwa mana, kuchahengesa chikuma cha mukwa ululi.

1 Tesalonika 2:4

Alioze chizechene ngwe hanatusela Shindakenyo yipema kuli Zambi, akatukunjike sango lipema, chocho twakuhanjika; hi ngwe mutupemena kuli atu ko, alioze tukapemene kuli Zambi, yoze wakweseka mbunge jetu.