Marku 11:33 - MUKANDA USANDU WA ZAMBI 1975

³³ O akumbulwile kuli Yesu, ngwo, Kutwanyingikine. Yesu yamba kuli ayo ngwenyi, Chipwe ni yami nawa chishi kunwambulwila chiyulo chize nakulinga nacho yino yuma.

Mukanda Wa Zambi 1970

³³ Mba yaamukumbulula ngwo: “Kutwanyingikine.” Yesu yaamba ngwenyi: “Ni yami nawa, chichi kunwambulwila ni chiyulo chaya nakulinga nacho yino yuma.”

Marku 11:33 Iomraidhean Croise

Jobe 5:13

Kakukwata akwa mana ha kukanyama cho; kakusulisa nikawashi kuhala cha akwa malinjekela.

Izaya 1:3

Ngombe kananyingika kakó, ni chimbulu kananyingika chililo cha yoze wamuyula; alioze A-Izalele kanyingikine, kuchalumbunukine kuli atu jami.

Izaya 56:10

Tulayi twenyi eswe tupuputa. Eswe keshi mana; eswe kapwa tuwa tumama, kahashile kupwoza. Akwa kulota, akwa kupomba, kakuzanga kufungunuka mu tulo.

Hosea 4:6

Atu jami hanaonwona mumu ha kuhona yinyingi. Se hinwambila yinyingi, kashika ni yami ngunanumbila ku usasendote wami. Se hinwavulama shimbi ya Zambi yenu, ni yami nawa munguvulama ana jenu.

Mateu 15:14

Ahichikenu: tupuputa kanafupu kusongwela tupuputa, nyi kachi kapuputa masongwela kapuputa, eswe aali kumakalimbukila mu wina.

Mateu 16:4

Chisemuko cha ungulungulu kanda cha utanji muchifupa chilayi: ni chilayi kechi kaahacho, shina chilayi cha profeta Yona, mba waahichikile, wakatukileko.

Mateu 21:27

Kashika akumbulwile kuli Yesu, ngwo, Kutwanyingikine. Iye nawa ngwenyi, Chipwe ni yami nawa chichi kunwambulwila chiyulo chize nakulinga nacho yino yuma.

Marku 11:32

Alioze kachi mutwamba ngwetu, Kuli atu, mumu te evwile woma wa atu: mumu eswe amwene Yoano profeta wamwenemwene.

Marku 12:1

Iye waputukile kuhanjika kuli ayo ni yishima ngwenyi, Mutu watumbile munda wa uva, waujingulwile ni chipaka, watalile wina wa ukamino, watungile kaposhi, waukunjikile kuli njimi, mba wayile ku chifuchi chikwo.

Yoano 3:10

Yesu wamukumbulwile ngwenyi, Yena uli mwe longeshi wa A-Izalele hindu kwanyingikine yino yuma, nyi?

Yoano 9:27

Waakumbulwile ngwenyi, Hinanwambulwila kulu, kunwapanjikileko; kuchi te nunazange kuchivwa cheka nawa? Yenu nawa nunazange kupwa tumbaji twenyi?

A-ROMA 1:28

Mba chizechene ngwe katayile kupwa ni Zambi mu kunyonga cho, Zambi waakunjikile ku manyonga a kulumbuka, mukulinga yuma yize kuyatele:

2 Korintu 3:15

Alioze ndo tangwa lino, heswaho matanga mikanda ya Mose, wanda hindu kuuli ha mbunge jo.