Marku 11:27 - MUKANDA USANDU WA ZAMBI 1975

²⁷ O yaheta cheka nawa ku Yerusaleme. Shimbu machenda mu tembele, asasendote akwa lutwe, ni akwa kusonyeka, ni makulwana yeza kuli iye;

Mukanda Wa Zambi 1970

²⁷ No yaahiluka nawa ku Yerusaleme. Shimbu lize te Yesu anende mu zuwo lia Zambi lia Ayuda, mahako a lutwe ni alongeshi a Shimbi, ni makulwana yaamukundama,

Marku 11:27 Iomraidhean Croise

Malaki 3:1

Ngunatumu kanganda kami akalulike jila yami kulutwe liami, mba Mwene yoze nunamufupu meza susumuku mu tembele yenyi. Yehova-wa-Tujita kanambe ngwenyi, Kanganda ka usendo yoze nunawahilila nenyi, kumanyi kaneza.

Marku 11:28

o yamba kuli iye ngwo, Ni chiyulo chika wakulinga yino yuma? Iya wakuhele chiyulo chino cha kulinga yino yuma?

Marku 14:1

Achi, kulutwe lia matangwa aali, Chizomboka ni chiwanyino cha mbolo kuyishi futunwiso muchipwa. Asasendote akwa lutwe ni akwa kusonyeka te kanafupu ngwe chize mahasa kumukwata ni kalimbalimba, akamushihe.

Yoano 10:23

kwapwile mwaka wa chishika; ni Yesu te kanende mu tembele mu senge lia Solomone.

Yoano 18:20

Yesu wamukumbulwile ngwenyi, Nahanjikile mwazu kuli akwa hashi; nalongesele matangwa eswe mu masunangonga ni mu tembele, muze akukungama A-Yunda eswe; ni ku tenga chahanjikile nichimwe.