Marku 11:24 - MUKANDA USANDU WA ZAMBI 1975

²⁴ Kashika ngunambe kuli yenu ngwami, Yuma yeswayo munwita ha kulemba, fulielenu ngwe nunayitambula, neyo kumuyikapwa kuli yenu.

Mukanda Wa Zambi 1970

²⁴ Kashika, ngunanwambulwila ngwami, yuma yeswayo munwita ha kulemba, fulielenu ngwenu, hinwayitambula kulu, kumunukayitambula.

Marku 11:24 Iomraidhean Croise

Mateu 18:19

Cheka nawa ngunambe kuli yenu ngwami, Kachi aali a kuli yenu malikunda hano hashi ha kutwala ku chikuma chimwe chize munwita, kumakaalingilacho kuli Tata yoze uli mu malilu.

Mateu 21:22

Ni yuma yeswe munwita ni Ufulielo ha kulemba, kumunukatambula.

Marku 11:25

Ni muze munumana nikulemba, konekenenu akwenu kachi chuma chimwe numuli nacho umwe; hanga Tatenu nawa yoze uli mu malilu, akanukonekene milonga yenu.

Yoano 14:13

Cheswacho munwita mu jina liami, kumunguchilinga, hanga achichimieke Tata muli mwe Mwana.

Yoano 15:7

Kachi munutwama muli yami, ni maliji jami matwama muli yenu, nukete cheswacho munuzanga, kumuchikapwa kuli yenu.

1 Korintu 14:13

Kashika yoze mahanjika mu limi, alembe hanga akahase kulilumbununa.

1 Yoano 3:22

ni cheswacho mutwita, mutuchitambula kuli iye, mumu twakufunga shimbi jenyi, twakulinga yuma yize ya kupemena kumeso jenyi.