Marku 11:23 - MUKANDA USANDU WA ZAMBI 1975

²³ Pundu ngunambe kuli yenu ngwami, Mweswawo mamba ku mulundu uno ngwenyi, Tutuluka, ulimbile mu kalunga-lwiji; nyi kechi kayambashana mu mbunge yenyi, alioze mafuliela chize mamba muchipwa; cheswacho mamba, kumuchikapwa kuli iye.

Mukanda Wa Zambi 1970

²³ Chamwenemwene ngunanwambulwila ngwami, yoze mamba ku mulundu uno ngwenyi: ‘Tangumuka, ulimbile mu kalunga lwiji,’ nyi kechi kuyambashana mu mbunge yenyi, alioze mafuliela, cheswacho mamba kumuchikabwa.

Marku 11:23 Iomraidhean Croise

Miaso (Masamu) 37:4

Wahilila nawa muli Yehova, iye kumakwaha cheswe unazange mu mbunge ye.

Mateu 14:13

Achi, muze Yesu achivwile, wakatukile kuze akaye mu ulungu ku puya kwa ukawenyi. Muze mbunga achivwile, akatukile ku membo, amukawile hashi.

Mateu 17:20

Aye yamba kuli ayo ngwenyi, Mumu ha Ufulielo wenu ukepe: mumu pundu ngunambe kuli yenu ngwami, Kachi munupwa ni Ufulielo ngwe lunona wa mosetate, munukamba ku mulundu uno ngwenu, Tutuluka kuno, uye kuze; newo kumuukatutuluka: kunuchi kachisa kenu nichimwe.

Mateu 21:21

Yesu wakumbulwile, ngwenyi, Pundu ngwami, Kachi munupwa ni Ufulielo, kunushi kuyambashana, hi chino ko wika halinga ku mukuyu munulinga, alioze chipwe kachi munwamba ku mulundu uno ngwenu, Tutuluka, ulimbile mu kalunga-lwiji, kumuchikapwa.

Luka 17:6

Mwene wambile ngwenyi, Kachi munupwa ni Ufulielo ngwe lunona wa mosetate; kachi munwamba ku musuwa uno ngwenu, Tangumuka, ulitumbe mu kalunga-lwiji; kumuunwononokena.

Yoano 14:13

Cheswacho munwita mu jina liami, kumunguchilinga, hanga achichimieke Tata muli mwe Mwana.

Yoano 15:7

Kachi munutwama muli yami, ni maliji jami matwama muli yenu, nukete cheswacho munuzanga, kumuchikapwa kuli yenu.

1 Korintu 13:2

Chipwe mungupwa nikuprofeteza, chipwe mungunyingika yijimbikilo yeswe, ni yinyingi yeswe; chipwe mungupwa ni Ufulielo weswe, chocho munguhasa kututulula milundu, alioze kachi chishi zango, ngunapu wamokomoko.