Marku 11:18 - MUKANDA USANDU WA ZAMBI 1975

¹⁸ Asasendote akwa lutwe ni akwa kusonyeka achivwile, no afupile ngwe chize mahasa kumwonwona: mumu amuvwilile woma, mumu mbunga yeswe alishimwokene ha longeso lienyi.

Mukanda Wa Zambi 1970

¹⁸ Muze mahako a lutwe a Zambi ni alongeshi a Shimbi haachivwa, yaafupafupa mana a kumushiha. Alioze yaamuvwila woma, mumu mbunga yeswe yaalishimwoka kuhiana ha longeso lienyi.

Marku 11:18 Iomraidhean Croise

1 Yitanga Ya Mianangana 21:20

Ahabe yamba kuli Eliya ngwenyi, Ena mukwa kole, hiwanguwana nyi? Aye yakumbulula ngwenyi, E, hinakuwana mumu hiwalilanjisa kulinga chipi kumeso ja Yehova.

1 Yitanga Ya Mianangana 22:18

Mwanangana wa Izalele yamba kuli Yehosofate ngwenyi, Chambile ngwami, Yono maprofeteza chipi kuli yami, kechi kuprofeteza chipema nyi?

1 Yitanga Ya Mianangana 22:8

Mwanangana wa Izalele yamba kuli Yehosofate ngwenyi, Kwali mutu umuwika mutuhasa kumuhula liji lia Yehova, Mikaia mwana Imala alioze kole ngunamuvwila mumu kakuprofeteza chipi hali yami hi chipema ko. Yehosofate ngwenyi, Kanda wambamo mwanangana.

Izaya 49:7

Yehova, mwe Mukwa-Kukula Izalele, kanda Musandu wenyi, kanambe kuli yoze amulelesele chikolo, yoze amuvwilile lwaji ku mavungu, yoze wapwile kavumbi ka akwa kuyula, ngwenyi, Mianangana mamona mba makatuka; alemu mamona mba mafulamana hashi, ha mukunda wa Yehova, mwe mukwa jika, mwe Musandu wa Izalele yoze waatongwele.

Mateu 21:15

Mba muze asasendote akwa lutwe ni akwa kusonyeka amwene yikomokeso yize alingile, ni ana aze akololokele mu tembele ngwo, Vulie! Mwana David; evwile kupiha.

Mateu 7:28

Muze te Yesu hamanununa maliji ano, mbunga alishimwokene ha longeso lienyi.

Marku 1:22

O alishimwokene ha longeso lienyi: mumu waalongesele ngwe umwe ukwete chiyulo, hi ngwe akwa kusonyeka ko.

Marku 11:32

Alioze kachi mutwamba ngwetu, Kuli atu, mumu te evwile woma wa atu: mumu eswe amwene Yoano profeta wamwenemwene.

Marku 12:12

O afupile kumukwata; alioze evwile woma wa mbunga; mumu anyingikine wahanjikile chishima cha kwahisa: kashika yamuhichika, yakatuka.

Marku 3:6

A-Fwariseu atuhukile, ni haze hene hamwe ni A-Heronde amutwamine punga hamuwika, ngwe chize mahasa kumwonwona.

Marku 6:20

Mumu Heronde wevwile woma wa Yoano, mumu kananyingika iye mukwa ululi, kanda musandu. Mba wamufungile kanawa, ni muze amuvwile, wakakashanyine chikolo, alioze wamuvwile ni kuwaha.

Luka 19:47

Iye wapwile nikulongesa tangwa ha tangwa mu tembele, ni asasendote akwa lutwe ni akwa kusonyeka ni akwa lutwe ja atu afupile kumwonwona.

Luka 2:47

Ni waze eswe amuvwile, alishikishilile ha malinjekela jenyi ni makumbululo jenyi.

Luka 20:19

Asasendote akwa lutwe ni akwa kusonyeka afupile ha ola yize yene kumukwata; o evwile woma wa atu, mumu anyingikine ngwo, Watele chishima chino cha kutuhisa.

Luka 4:22

Eswe amushindakenyene, nikukomoka ha maliji a vumbi aze atuhukile mu kanwa lienyi; no ambile ngwo, Yono hi mwana José ko, nyi?

Yoano 7:1

Kulutwe lia yino yuma, Yesu wendele mu Ngalileya; mumu kazangile kwenda mu Yundeya, mumu A-Yunda afupile kumushiha.

Yoano 7:19

Mose wanuhele shimbi, nyi? Hindu niumwe wa kuli yenu wakulinga shimbi. Kuchi te nunafupu kungushiha?

Yoano 7:46

Tupita akumbulwile ngwo, Mutu kahanjikile chocho niumwe mwaka.

Yilinga 24:25

Shimbu ahanjikile kuli ayo ha kutwala ku ululi, ni kusúla, ni upatwilo uze muwizaho, Fwelishia wazalile tò ni woma, wakumbulwile ngwenyi, Yénu haliapwila; ni muze munguwana mwaka upema, mungukakutambika.