Marku 11:17 - MUKANDA USANDU WA ZAMBI 1975

¹⁷ Iye waalongesele, ngwenyi, Kuchasonewene, nyi? Ngwo, Kumakavuluka zuwo liami ngwo, Zuwo lia kulembela hali mavungu eswe? Alioze yenu hinunalipwisa chivwenge cha mihuza.

Mukanda Wa Zambi 1970

¹⁷ Yesu yaalongesa ni maliji wano ngwenyi: “Kuliasonewene mu Mukanda wa Zambi ngwo: ‘Zuwo liami makalivuluka ngwo, zuwo lia kuwayila lia mavungu eswe,’ nyi? Alioze yenu hinunalipwisa chivwenge cha eji.”

Marku 11:17 Iomraidhean Croise

Izaya 56:7

wano mungwaneha ku mulundu wami lisandu, ni kwaaha uwahililo mu zuwo liami lia kulembela. Milambu yo ya kulumba ni yitapo yo mungutambula ha chilumbilo chami; mumu zuwo liami malitongola ngwo, Zuwo lia kulembela lia mavungu eswe.

Izaya 60:7

Mbunga jeswe ja mapanga ja Keta mujikakungulukila kuli yenu, ni kuji a mapanga a Nepayote kumakanuvumbika. Kumakeza ku chilumbilo chami mba mungukaatambula. Mungukahana uhenya ku zuwo liami lia uhenya.

Jeremia 7:11

Zuwo lino hanaliluku jina liami hilialumuka kumeso jenu chivwenge cha mihuza? Chipwe yami hinachimona, chocho kanambe Yehova.

Hosea 12:7

Aye kapwa mukwa kusepa wa mbalansa ja kwonga, kakuzanga kupinjisa.

Marku 11:16

Katayijile umwe kumbata chikwachilo ndusu mu tembele.

Luka 19:46

Ngwenyi, Chinasonewa ngwo, Zuwo liami kumulikapwa zuwo lia kulembela: alioze yenu hinunalipwisa chivwenge cha mihuza.

Yoano 2:14

Iye wawanyine mu tembele waze alanjishile ngombe ni mapanga ni tutele, ni akwa kusumbakenya mbongo kanatwamamo:

Yoano 2:16

wambile kuli waze alanjishile tutele ngwenyi, Twalenu yino yuma haze; kanda nukapwisa zuwo lia Tata zuwo lia chitanda.