Marku 11:1 - MUKANDA USANDU WA ZAMBI 1975

¹ Muze akundamine ku Yerusaleme, ku Mbetefweje ni Mbetaniya, ku mulundu wa Olevwe, yatuma aali a kuli tumbaji twenyi.

Mukanda Wa Zambi 1970

¹ Muze haakundama ku Yerusaleme, ku yihunda ya Betfaje ni Betania, ha mwanda wa mulundu wa Olive, Yesu yatuma tumbaji twenyi aali kulutwe, ngwenyi:

Marku 11:1 Iomraidhean Croise

2 Samuel 15:30

David yakandukila ku jila ya ku mulundu wa Olevwe, nikwenda nikulila. Yafuka mutwe, yazula haku. Mba waze eswe endele hamwe nenyi afukile mitwe yo. Yakanduka nikulila shimbu machenda.

Zakaria 14:4

Ha tangwa lize yiliato yenyi muyikamana ha mulundu wa Olevwe uze uli kulutwe lia Yerusaleme sali lia ku Chivumbuko. Mulundu wa Olevwe muukapulika yihanda yiali chize ku sali lia Chivumbuko ndo ku sali lia Chitokelo ngwe mungulunga unene chikolo, chocho chihanda chimuwika cha mulundu muchisetuka ku Norte ni chihanda chikwo ku Sule.

Mateu 21:17

Mba waahichikile, watuhukile mu limbo akaye ku Mbetaniya, mba wapombeleko ufuku uze.

Mateu 24:3

Shimbu machitwama ha mulundu wa Olevwe, tumbaji twenyi ejile kuli iye ukawo, nikwamba ngwo, Twambulwile kama, mwiji muka yuma yino muyikapwa? Chilayi cha kuheta che chika, ni cha kumanunuka cha mwaka?

Mateu 26:30

Mba muze te hemba mwaso, atuhukile kuya ku mulundu wa Olevwe.

Marku 11:2

Ngwenyi, Yénu ku chihunda chize chalitalangana ni yenu: ni haze hene ha kunjilamo, munukawana mwana-chimbulu wa kukasa, hali iye niumwe kanda achitwamaho nilimwe tangwa; nukamujitule, nukamunehe kuno.

Marku 13:3

Mba shimbu atwamine ha mulundu wa Olevwe, hatalanganyi ni tembele, Petulu ni Tiangu ni Yoano ni Andeleu amuhulile ukawo ngwo,

Marku 14:13

Iye yatuma aali a kuli tumbaji twenyi, yamba kuli ayo ngwenyi, Yénu ku limbo, mba lunga makatakana ni yenu kanambata sapa ya meya: nukamukaule;

Marku 6:7

Yatambika kuli iye kumi ni aali, waputukile kwatuma aali ni aali; nikwaaha chiyulo helu lia maspiritu a luchisa;

Yoano 8:1

alioze Yesu wayile ku mulundu wa Olevwe.

Yilinga 1:12

Hohene ahilukile ku Yerusaleme, ku mulundu uze Olevwe, uze uli hakamwihi ni Yerusaleme, wenyi wa Sambata kuhetako.