Marku 10:52 - MUKANDA USANDU WA ZAMBI 1975

⁵² Yesu wambile kuli iye ngwenyi, Yako kwe; Ufulielo we hiwakupwisa mungunu. Haze hene walawile ku meso, wamukawile mu jila.

Mukanda Wa Zambi 1970

⁵² Yesu ngwenyi: “Yako kwe, ufulielo we hiwakuwuka.” Hazehene kapuputa yalaula, yakaula Yesu mu jila.

Marku 10:52 Iomraidhean Croise

Miaso (Masamu) 146:8

Yehova kakulawisa meso ja tupuputa. Yehova kakuhetula akwa kufumbama. Yehova kakuzanga akwa ululi.

Miaso (Masamu) 33:9

Mumu iye wahanjikile mba chalingiwile. Watuminyine mba chakolele.

Izaya 35:5

Henaho meso ja tupuputa malaula, matwi ja afwa-matwi majikuka.

Mateu 11:5

Tupuputa kanalaula ku meso, ni yilema kanende, akwa mbumba kanapeme, ni afwa matwi kanevu, ni afu kanahinduka; kuli yiswale kakwambujola sango lipema.

Mateu 12:22

Hohene anehene kuli iye umwe mukwa ndemoniu, kapuputa kanda kamama, wamuwukile, chocho kapuputa kanda kamama wahanjikile, wamwene.

Mateu 15:28

Hohene Yesu wamukumbulwile ngwenyi, Yena pwo, Ufulielo we unene, chikapwe kuli yena chizechene ngwe unazange. Mwanenyi wa pwo wahindukile chize ku ola yize.

Mateu 21:14

Ni tupuputa ni yilema ejile kuli iye mu tembele; neye waawukile.

Mateu 8:3

Yesu wolwele kwoko lienyi, wamusele minwe, ngwenyi, Ngunapale; pwako mupema. Haze hene wapemene ku mbumba yenyi.

Mateu 9:22

Alioze Yesu ha kutewuluka, yamumona, wambile ngwenyi, Hamuka, mwanami, Ufulielo we hiwakupwisa mungunu. Mba mwe pwo wapwile mungunu chize ku ola yize.

Marku 1:31

Iye wakundamine, wamukwachile ku kwoko, amuhindwise; ni kachiki wamukatukile, iye waavumbikile.

Marku 5:34

Iye wambile kuli pwo ngwenyi, Mwanami, Ufulielo we hiwakupwisa mungunu, uye kanawa ukahinduke ku upupilo we.

Marku 8:25

Mba cheka nawa wasayikile moko jenyi ha meso jenyi; iye wahetwishile meso, walawile, wamwene yuma yeswe zwalala.

Luka 7:50

Iye wambile kuli pwo ngwenyi, Ufulielo we hiwakulamwina; uye kanawa.

Luka 9:48

Wambile kuli ayo ngwenyi, Mweswawo matambula yono mwana mukepe mu jina liami, mangutambula yami: ni mweswawo mangutambula yami, matambula yoze wangutumine: mumu yoze mukepe Wahiana eswe hakachi kenu, mwenawo munene.

Yoano 9:32

Chize ku miakulwila kachivwile nilimwe tangwa ngwo, Umwe wapwishile meso ja mutu wasemukine kapuputa.

Yoano 9:39

Yesu wambile ngwenyi, Ha upatwilo hinguneza hano hashi, hanga waze keshi kumona, akamone; hanga waze akumona, akapwe tupuputa.

Yilinga 26:18

Mukulawisa meso jo, hanga akatewuluke ku milima ndo ku pangu, ku tachi ja Satana ndo kuli Zambi, hanga akatambule ukonekeno wa milonga, ni chihinga hakachi ka waze hanaasela ku usandu ku Ufulielo kuli yami.