Marku 10:51 - MUKANDA USANDU WA ZAMBI 1975

⁵¹ Yesu wamukumbulwile ngwenyi, Kuchi unazange ngukulingile? Kapuputa wambile kuli iye ngwenyi, Longeshi yami, ngulaule ku meso.

Mukanda Wa Zambi 1970

⁵¹ Yesu yamuhula ngwenyi: “Yika unazange ngukulingile?” Mwe kapuputa ngwenyi: “Longeshi, ngulaule kama ku meso.”

Marku 10:51 Iomraidhean Croise

2 Sango Ja Mianangana 1:7

Ufuku uze Zambi yasoloka kuli Solomone; yamba kuli iye ngwenyi, Tongola chize mungukwaha.

Mateu 23:7

ni kwameneka ku yitanda, ni kwavulwoka kuli atu ngwo, Longeshi.

Mateu 23:8

Alioze yenu kanda akanuvuluka ngwo, Longeshi; mumu umuwika Longeshi yenu, ni yenu eswe nuli mandumbu.

Mateu 6:8

Kashika kanda nukalifwa no: mumu Tatenu kananyingika yuma yize nwakufupafupa, shimbu kanda nwita kuli iye.

Mateu 7:7

Etenu, mba kumanwaha; fupenu, mba kumunuwana; ngongwelenu, mba kumanwazulwila.

Marku 10:36

Iye wambile kuli ayo ngwenyi, Kuchi nunazange ngukanulingile?

Marku 10:50

Iye nikumbila hina lienyi, wanyangumukine, wakundamine kuli Yesu.

Yoano 20:16

Yesu yamba kuli iye ngwenyi, Maria! Iye yatewulukila, yamba kuli iye mu limi lia Hepreu ngwenyi, Rabonai; Unalumbunuka ngwo, Longeshi yami.

Yilinga 23:19

Manjolo wamukwachile ku kwoko, amutwale ku tenga ukawo, wamuhulile ngwenyi, Chika uli nacho kungwambulwila?

Filipu 4:6

Kanda nukalipikala ha nichimwe; alioze ha yuma yeswe ku kulemba ni kuliumba hamwe ni kusakwila, kwita chenu akachinyingike kuli Zambi.