Marku 10:48 - MUKANDA USANDU WA ZAMBI 1975

⁴⁸ Anji amukanjishile akahole kulungunga kwenyi, alioze watetele kuhiana chikolo ngwenyi, Yena, mwana David, nguvwile kama keke.

Mukanda Wa Zambi 1970

⁴⁸ Anji yaamukanjisa ngwo: “Hola!” Alioze yakololoka kuhiana ngwenyi: “Mwana wa David, nguvwile kama keke!”

Marku 10:48 Iomraidhean Croise

Miaso (Masamu) 62:12

Chikwo nawa, utu wa zango wapwa wa mbala wa yena mwe Mwene, mumu wakuhana kuli mutu mweswe nikulita ni milimo yenyi.

Jeremia 29:13

Munungufupa mba mununguwana, nyi munungufupa ni mbunge jenu jeswe.

Mateu 19:13

Mba anehene kuli iye ana akepe, hanga asayike moko jenyi hali ayo, alembe; alioze tumbaji aakanjishile.

Mateu 20:31

Alioze mbunga aámbilile, hanga ahole; alioze akololokele kuhiana ngwo, Mwene, yena mwana David, tuvwile kama keke.

Mateu 9:27

Muze Yesu apalikile kuze kulutwe, tupuputa aali amukawile, nikukololoka ngwo, Tuvwile kama keke, yena, mwana David.

Marku 10:13

O anehene kuli iye ana akepe, hanga akaasayike moko: ni tumbaji aakanjishile.

Marku 5:35

Shimbu achili nikuhanjika, amwe a ku zuwo lia mukwa kuyula sunangonga yeza, yamba ngwo, Mwané hafwa, kuchi te mukatalisa Longeshi nawa?

Luka 18:39

Waze atetekelele amukanjishile, hanga ahole kulungunga kwenyi; alioze watetele kuhiana chikolo ngwenyi, Mwana David, nguvwile kama keke.

Efesu 6:18

Lembenu matangwa eswe ni kuliumba cheswe ni kuliondela cheswe muli Spiritu, nikulayilako, ni kunyongonona cheswe, nikuliumba hali asandu eswe.

Hebreu 5:7

Mwenawo ha matangwa ja musunya wenyi hashi, se walambwile yilemba ni kuliumba hamwe ni kuteta cha ngolo ni masoji kuli yoze te wahasa kumulamwina ku kufwa; apanjikile kuli iye mumu ha uwayilo wenyi.