Marku 10:38 - MUKANDA USANDU WA ZAMBI 1975

³⁸ Yesu wambile kuli ayo ngwenyi, Kunwanyingikine chize nunechi. Munuhasa kunwa musenge uze mungunwa yami, nyi? Munuhasa kutambula upapachiso uze mangupapachisa nawo, nyi?

Mukanda Wa Zambi 1970

³⁸ Alioze Yesu ngwenyi: “Kunwanyingikine chize nunechi. Munuhasa kunwa musenge wa lamba uze mungunwa yami, nyi? Munuhasa kutayiza upapachiso uze mangupapachisa nawo yami, nyi?”

Marku 10:38 Iomraidhean Croise

1 Yitanga Ya Mianangana 2:22

Mwanangana Solomone yamba kuli naye ngwenyi, Kuchi te nunechi Abishaga wa ku Shuneme hali Adonija? Numwichile nawa wanangana, se iye yaya; hali iye ni sasendote Abiatare, ni Joabe mwana Zeluia.

Miaso (Masamu) 75:8

Mumu musenge muuli mu kwoko lia Yehova ni vinyu yamo yinafuluka. Wapwa wa tò ni kuchinga, neye kumakautehuna. Chamwenemwene yisele yayo mayitehuna kuli yingulungulu a hashi akayinwe.

Izaya 51:22

Mwene we, Yehova Zambi ye, mukwa kuhakwila atu jenyi kanambe ngwenyi, Hinachiza ku kwoko lie we musenge wa kupiepietesa, musenge wa ufwatulo wami kuchi kuunwa nawa.

Jeremia 25:15

Yehova Zambi ya Izalele kanambe kuli yami ngwenyi, Tambula ku kwoko liami musenge uno wa vinyu ya ufwatulo ukanwise mavungu eswe kuze ngunakutumu.

Jeremia 45:5

Mba yena unalifupila yuma yilemu yena mwene nyi? Kanda uyifupa, mumu Yehova kanambe ngwenyi, Mungukoka yuma yikalu hali atu eswe, hindu mungukwaha mwono we ngwe upite wa jita kweswako muoya.

Mateu 26:39

Wasosolokele kulutwe hakepe, wafulamanyine nikulemba ngwenyi, Tata, nyi muchitá, musenge uno ukatuke kuli yami: hindu kanda chikapwa ngwe yami ngunapale, alioze ngwe yena unapale.

Mateu 3:6

waapapachishile mu lwiji Yordau, o nikushikisa milonga yo.

Marku 14:36

Iye wambile ngwenyi, Ta-ta, Tata, yena unahase yuma yeswe; Chiza kama musenge uno kuli yami: hindu kanda chikapwa chize ngunapale yami, alioze chize yena unapale.

Luka 12:50

Alioze upapachiso nguli nawo akangupapachise nawo; ngunalishinyika Chichize ndo muumanunuka!

Luka 22:42

Tata, kachi unapale, Chiza kama musenge uno kuli yami, hindu hi upale wami ko, alioze niwe, ukalingiwe.

Yoano 18:11

Yesu kashika wambile kuli Petulu ngwenyi, Tomeka katana ke mu chindalo: musenge uze anguhele Tata chichi kuunwa, nyi?

A-ROMA 8:26

Chizechene Spiritu nawa kakukwasa ulelu wetu: mumu kutwanyingikine kulemba ngwe chinalite; alioze Spiritu iye mwene kakutuhakwila ni mikuma yize keshi kuhasa kuyihanjika;

Tiangu (Jake) 4:3

Nwakwita aiioze kunushi kutambula, mumu nwakwita ha yipi, hanga nukachihwise ha usolo wenu.