Marku 10:30 - MUKANDA USANDU WA ZAMBI 1975

³⁰ kumakatambula kulakaji lia yisuho haliapwila ha mwaka uno, mazuwo, hanji ayayo, ni ana-akwo, ni mapangi, ni anaye, ni ana, ni minda, hamwe ni yihungumiona; ni ha mwaka uze muwizaho mwono wa mutolo.

Mukanda Wa Zambi 1970

³⁰ makatambula yisuho kulakaji haliabwila mu mwakono: mazuwo, ni ayayo, ni anakwo, ni mandumbu, ni anaye, ni ana, ni minda, hamwe ni yihungumiona. Mba ha mwaka uze muwizaho, mwono wa miaka yeswe makatambula.

Marku 10:30 Iomraidhean Croise

2 Sango Ja Mianangana 25:9

Amazia yamba kuli mutu wa Zambi ngwenyi, Alioze kuchi mutulinga ha kulakaji lia *talentu hinahana kuli maswalale a Izalele. Mutu wa Zambi yakumbulula ngwenyi, Yehova kanahase kukwaha upite kuhiana uno.

Miaso (Masamu) 84:11

Mumu Yehova Zambi iye tangwa; iye lukepwe. Yehova mahana vumbi ni ulemu. Nichimwe chuma chipema mamina waze akwenda ni ululi.

Yishima 16:16

Kuzuka mana chawaha kuhiana oru. Ewa kutongola malinjekela chawaha kuhiana prata.

Malaki 3:10

Nehenu yihanda yeswe ya kumi ku zuwo lia kutulikila hanga mukapwe kulia mu zuwo liami, nukangweseke nacho nyi chanwazulwilile manjanela a malilu nikunuzukwila yiwape ya kulumbama. Chocho kanambe Yehova-wa-Tujita.

Mateu 12:32

Mweswawo mahanjika liji lia kulimika ni mwe Mwana Mutu, kumakamukonekenalio; alioze mweswawo mahanjika cha kulimika ni Spiritu Musandu, kechi kamukonekenacho, chipwe ha mwaka uno, chipwe ha uze muwizaho.

Mateu 13:8

Ni yikwo yaholokelele ha mavu apema, yemine mbuto, yimwe kulakaji, yikwo makumi asambano, yikwo makumi atatu.

Mateu 6:33

Alioze liangenu kufupa wanangana wenyi ni ululi wenyi mba kumanuwezela yino yuma yeswe.

Luka 18:30

yoze kechi katambula yisuho yinji yikwo, ha mwaka uno, ni ha mwaka uze muwizaho, mwono wa mutolo, ngwami, Niumwe.

Yoano 10:23

kwapwile mwaka wa chishika; ni Yesu te kanende mu tembele mu senge lia Solomone.

Yilinga 14:22

Nikutakamisa tumbaji, nikwashinjila kunyongonona mu Ufulielo, ngwo, Ku luyinda munji chatutamba kunjila mu wanangana wa Zambi.

Yilinga 16:25

Alioze ha muchima ufuku Paulu ni Saila apwile nikulemba, nikwimba miaso kuli Zambi, ni funge aapanjikile;

Yilinga 5:41

O kashika akatukile kumeso ja akwa kuyula, nikuwahilila se Zambi aanyongene akwa kutela kusauka ha lie Jina.

A-ROMA 5:3

Hi chize wika ko, alioze twakulisamba mu luyinda wetu nawa, se tunanyingika luyinda kakulinga kunyongonona;

A-ROMA 6:23

Mumu fweto ya shili kufwa; alioze chawana cha vumbi lia Zambi, mwono wa mutolo muli Kristu Yesu Mwene wetu.

2 Korintu 6:10

Ngwe akwa yinyengo, hindu nikuwahilila matangwa eswe; ngwe yiswale, hindu nikupwisa anji pichi; ngwe kutushi chuma nichimwe, hindu twapita yuma yeswe.

Filipu 3:8

Ewa, chamwenemwene nakunyonga nawa yuma yeswe kupwa ngwe kufulwa ha ulemu wa yinyingi ya Kristu Yesu, Mwene wami; hali iye natokesele yuma yeswe, nakuyinyonga yiswaswa lume, hanga ngukazuke Kristu,

2 A-TESALONIKA 2:16

Alioze Mwene wetu Yesu Kristu iye mwene, ni Zambi Tata yetu, yoze hanatuzange, yoze hanatwehe kulembejeka cha mutolo, ni kutalatala chipema ku vumbi,

1 Timoteu 4:8

Mumu kulifumba cha mujimba chinawaha hakepe; alioze uwayilo unawaha ha yuma yeswe, se uli ni chilakenyo cha mwono uze wa haliapwila ni cha uze muwizaho.

1 Timoteu 6:6

Alioze uwayilo hamwe ni kuyuka, che kufumbuka chinene:

Tiangu (Jake) 1:12

Kawaha mutu yoze manyongonona mu cheseko; mumu muze hamusela Shindakenyo yipema, makatambula chipangula cha mwono, chize Mwene hanalakenya kuli waze akumuzanga.

Tiangu (Jake) 5:11

Twakwavuluka ngwetu, Akwa kuwaha, waze anyongonwene; hinunevu ha kunyongonona cha Jo, hinunamono songo lia mwe Mwene, ngwe chize Mwene iye wa tò ni vumbi, mukwa keke.

1 Yoano 2:25

Ni chino che chilakenyo chize hanatulakenya, te mwono wa mutolo.

1 Yoano 3:1

Nyongenu zango lipwa haha hanatwehe mwe Tata atuvuluke ngwo, Ana a Zambi. Ha chikuma chino akwa hashi katunyingikineko, mumu kamunyingikineko iye.

Usolwelo 2:9

Ngunanyingika luyinda we, ni uswale we; (alioze yena uli pichi); ni kutuka cha waze akwamba ngwo, Yetu tuli A-Yunda, aiioze hi A-Yunda ko, aiioze kapwa sunangonga ya Satana.

Usolwelo 3:18

Ngunakwehe mana ngwami, Ulande kuli yami oru ya kusaya ku kahia, hanga ukapwe pichi, ni mahina atoma hanga uzale, hanga sonyi ja uselesele we kujichi kusoloka; ni yitumbo ya meso ya kukwita meso je, hanga umone.