Marku 10:29 - MUKANDA USANDU WA ZAMBI 1975

²⁹ Yesu wambile ngwenyi, Pundu ngunambe kuli yenu ngwami, Mweswe mahichika zuwo, hanji ayayo, hanji ana-akwo, hanji mapangi, hanji tato, hanji naye, hanji ana, hanji minda, mumu hali yami, ni ha sango lipema;

Mukanda Wa Zambi 1970

²⁹ Yesu yaamba ngwenyi, “Chamwenemwene ngunanwambulwila ngwami, nyi umwe mahichika zuwo lienyi chibwe ayayo, ni anakwo hanji mandumbu, Chipwe naye, hanji tato, Chipwe ana, hanji minda, mumu hali yami ni ha Sango Jibema,

Marku 10:29 Iomraidhean Croise

Ubutukilo 45:20

Kanda nusa mbunge ha upite wenu se yipema yeswe ya chifuchi cha Engitu hiyapwa niyenu.

Mateu 10:18

No kumakanuneha kumeso ja manguvulu ni mianangana mumu hali yami, hanga nukapwe Shindakenyo kuli ayo, ni kuli akwa mavungu.

Mateu 19:29

Ni mweswe hanahichika mazuwo, hanji ana-akwo, hanji mandumbu, hanji tato, hanji naye, hanji mukwo-pwo, hanji ana, hanji minda, mumu ha jina liami, kumakatambula kulakaji lia yisuho, mba makahinga mwono wa mutolo.

Mateu 6:33

Alioze liangenu kufupa wanangana wenyi ni ululi wenyi mba kumanuwezela yino yuma yeswe.

Marku 8:35

Mumu mweswawo mazanga kulamwina mwono wenyi kumakautokesa; mweswawo matokesa mwono wenyi mumu hali yami ni ha sango lipema, kumakaulamwina.

Luka 18:29

Iye wambile kuli ayo ngwenyi, Pundu, ngunambe kuli yenu ngwami, Mutu wakuhi yoze hanahichika zuwo, hanji yisemi, hanji usoko, hanji mukwo-pwo, hanji ana, mumu ha wanangana wa Zambi,

1 Korintu 9:23

Nakulinga yuma yeswe mumu ha sango lipema, hanga nalio ngukapwe mukwa kuliangana-ni-mukwo.

Usolwelo 2:3

ni chize wakunyongonona, ni chize wevwile lamba mumu ha jina liami, ni chize kwevwile yikatalo.