Marku 10:21 - MUKANDA USANDU WA ZAMBI 1975

²¹ Yesu, ha kumutala wamuzangile, wambile kuli iye ngwenyi, Chuma chimuwika unahono: yako, ulanjise yeswayo uli nayo, uhane kuli yiswale, mba Kumukapwa ni upite mwilu: wize, Ungukalile.

Mukanda Wa Zambi 1970

²¹ Yesu yamutala ni zango, yamwamba ngwenyi: “Hindu Chuma chimuwika unahono. Yako, ulanjise yeswe yize uli nayo, utetele yiswale mbongo jize, muukabwa ni ubite mwilu. Mba Wize ungukaule.”

Marku 10:21 Iomraidhean Croise

Ubutukilo 34:19

Chipwe mwe mukweze kakwachile pami ha kulinga chuma chino, mumu ha kuwaha chize apwile nacho kuli mwana wa pwo wa Yakomba. Iye wapwile ni ulemu helu lia akwo eswe mu munyachi wa tato.

Yishima 23:23

Landa umwenemwene, kanda uulanjisa; chipwe mana, ni lufumbo, ni malinjekela.

Mateu 16:24

Hohene Yesu wambile kuli tumbaji twenyi ngwenyi, Kachi umwe mazanga kwiza kunyima yami, akalikale iye mwene, akazundule kulusu yenyi, angukaule.

Mateu 19:21

Yesu ngwenyi, Kachi unazange kupwa mungunu, yako, ulanjise yize uli nayo, Ukahane kuli yiswale, mba kumuopwa ni upite mwilu; wize, ungukaule.

Marku 10:22

Alioze wavutukile ku meso ha liji lino, wakatukile ni chinyengo: mumu wapwile ni upite wunji.

Marku 8:34

Watambikile kuli iye mbunga hamwe ni tumbaji twenyi, wambile kuli ayo ngwenyi, Kachi umwe mazanga kungukaula, akalikale liakulu iye mwene, akazundule kulusu yenyi, akangukaule.

Luka 10:42

Alioze chuma chimuwika chinahono, Maria hanatongola chihanda chipema, chize kechi kachichiza kuli iye.

Luka 12:33

Lanjisenu chize nuli nacho, hanenu yawana kuli yiswale; litungilenu yipakumuna yize kuyishi kupapujoka, upite mu malilu uze kuushi kuhwa, muze mwiji keshi kukundama chipwe ndulu keshi kupihisa.

Luka 16:9

Mba ngunambe kuli yenu ngwami, Litengelenu tusendo a ku upite wa uhenge, hanga muze januhwa, o akanutambule muma mwa kutwama mwa mutolo.

Luka 18:22

Muze Yesu evwile chino, wambile kuli iye ngwenyi, Hindu chuma chimuwika unahono; lanjisa yize yeswe uli nayo, ukapangile kuli yiswale, ukapwe ni upite mwilu; wize, ungukaule.

Luka 19:41

Muze akundamine, watalile limbo, walilililile,

Luka 9:23

Iye wambile kuli eswe ngwenyi, Kachi umwe mazanga kungukaula, akalikale iye mwene, akazundule kulusu yenyi tangwa ha tangwa, akangukaule.

Yoano 12:26

Kachi umwe manguvumbika, kachi akangukaule; ni kuze yami nguli, kuze kwene nawa kumakapwa kavumbi kami: kachi umwe manguvumbika, kachi Tata kumakamulemesa.

Yoano 16:33

Yino yuma hinahanjika kuli yenu, hanga muli yami nukapwe ni sambukila. Hano hashi munukapwa ni luyinda: alioze hamukenu chikolo; hingunakumbu hashi.

Yilinga 2:45

O alanjishile upite wo ni yikumba yo, ayanyinyine kuli eswe, nikulita ngwe mutu ni mutu wahonene.

2 Korintu 12:15

Ni kuwaha chahiana mungwecha yuma yami, ewa munguliecha yami mwene hali yenu. Kachi mungunuzanga kuhiana nawa, kachi mununguzanga chikepe nawa, nyi?

2 Timoteu 3:12

Ewa, ni waze eswe mazanga kwenda ni uwayilo muli Kristu Yesu kumakamona yihungumiona.

Hebreu 10:34

Mumu nwevwile keke hali funge, nwatambwile ni uwahililo kupunda cha yikumba yenu, te nunanyingika nuli nayo yikumba yahiana ya kulinduluka.

Tiangu (Jake) 2:10

Mumu mweswe mafunga shimbi jeswe lukombo, hindu matangula chihanda chimuwika, hahia ha jeswe.

Usolwelo 2:14

Alioze yuma yikehe ngukuli nayo, mumu uli no koko waze akulalaminya ku longeso lia Mbalau, yoze walongesele Mbalake kutela chitalingiso kulutwe lia ana ja Izalele, mukulia yuma yize hanayitambula yitapo ku mahamba, mukulinga utanji.

Usolwelo 2:20

Alioze chino ngukuli nacho ngwami, Wakutayiza yoze pwo Jezebele kulongesa, yoze wakulivuluka profeta-wa-pwo; kakulongesa, kakupiangula ndungo jami mukulinga utanji, mukulia yuma yize hanayitambula yitapo ku mahamba.

Usolwelo 2:4

Alioze chino ngukuli nacho ngwami, Hiunahichika zango lie litangu.