Marku 10:17 - MUKANDA USANDU WA ZAMBI 1975

¹⁷ Shimbu machituhuka mukuya mu jila, umwe wazombokele kuli iye, waliendelele kuli iye, nikumuhula ngwenyi, Longeshi mupema, kuchi mungulinga, hanga ngukahinge mwono wa mutolo?

Mukanda Wa Zambi 1970

¹⁷ Muze Yesu hakatuka ha kuya mu wenyi, umwe lunga yazomboka, yafulamana ku meso jenyi, yahula ngwenyi: “Longeshi mubema, Chuma chika Changutamba kulinga hanga ngukabwe ni mwono wa miaka yeswe?”

Marku 10:17 Iomraidhean Croise

Daniel 6:10

Daniel muze hanyingika ngwenyi, Hasa jina ku mukanda uze, yaya ku zuwo lienyi kuze te kali ni njanela mu chipatulo cha mwilu ya washi ya kutalikisa ku Yerusaleme. Yazondama ha makungunwa jenyi ni kulemba ni kusakwila kuli Zambi yenyi katatu ha tangwa chizechene ngwe wapwile nikulinga kulu.

Mateu 17:14

Muze ahetele ku mbunga, mutu wejile kuli iye, nikuliondela kuli iye ngwenyi,

Mateu 25:34

Hohene Mwanangana makamba kuli waze ali ku chindume ngwenyi, Tweyenu, kunwawaha kuli Tata, nutunge wanangana anululikililewo chize ku kusela cha fundamentu ya hashi:

Mateu 28:8

O akatukile nikawashi ku fuka, ni woma ni uwahililo unene, azombokele mukwambulwila tumbaji twenyi.

Marku 1:40

Mukwa mbumba yeza kuli iye, nikuliumba kuli iye, nikuliondela hashi, ngwenyi, Nyi mupala, muhasa kungupemesa.

Marku 10:18

Alioze Yesu wambile kuli iye ngwenyi, Kuchi te unanguvuluka ngwe, Mupema? Mupema wakuhi niumwe shina umuwika, iye Zambi.

Marku 12:14

O muze ahetele, yamba kuli iye ngwo, Longeshi, tunanyingika yena uli wamwenemwene, kushi kuvwila woma niumwe; mumu kushi ni katonde kuli atu, alioze kuwakulongesa jila ya Zambi ni umwenemwene, ngwetu, Muchilita ni shimbi shina kuhana lijimu kuli Sesare, nyi? Shina ka?

Marku 9:25

Muze Yesu amwene mbunga azombokele nikulikungulula, Wámbilile Spiritu ya luchisa ngwenyi, Yena spiritu ya kamama kanda ya kafwamatwi, ngunakwambe ngwami, Tuhuka muli iye, kanda ukanjila nawa muli iye.

Luka 10:25

Mba umwe mukwa shimbi wakatukile nikumweseka, ngwenyi, Longeshi, kuchi mungulinga hanga ngukahinge mwono wa mutolo?

Yoano 3:2

Iye wayile kuli Yesu ha ufuku, wambile kuli iye ngwenyi, Longeshi, tunanyingika yena uli longeshi unakatuka kuli Zambi; mumu niumwe mahasa kulinga yilayi yize yena wakulinga shina Zambi mapwa hamwe nenyi.

Yoano 5:39

Hengulenu mu yisoneko, mumu mwe muze nunashinginyeka nuli ni mwono wa mutolo; neyo yize yakushindakenya hali yami;

Yoano 6:40

Mumu uno we upale wa Tata, mweswawo mamona mwe Mwana, akamufuliele, akapwe ni mwono wa mutolo; mungukamuhindwisa ha tangwa lia kusula.

Yilinga 16:30

waanehene haze, wambile ngwenyi, Malunga, kuchi changutamba kulinga hanga angulamwine?

Yilinga 2:37

Achi, muze evwile chino alichokele mu mbunge, o ambile kuli Petulu ni apostolo ngwo, Mandumbu, kuchi mutulinga?

Yilinga 20:32

Haliapwila ngunanukunjika kuli Zambi, ni ku liji lia vumbi lienyi, lize Unahase kunukolesa, nikunwaha chihinga hakachi ka waze hanaasela ku usandu.

Yilinga 9:6

Iye, nikuchikima, nikulishikishila, wambile ngwenyi, Mwene, kuchi unazange yami ngulinge? Mwene wambile kuli iye ngwenyi, Katuka, uye, ukanjile mu limbo, makakwambulwila chize Chakutamba kulinga.

A-ROMA 2:7

mahana mwono wa mutolo kuli waze akunyongonona nikulinga yipema nikufupa uhenya, ni ulemu, ni ungunu;

A-ROMA 6:23

Mumu fweto ya shili kufwa; alioze chawana cha vumbi lia Zambi, mwono wa mutolo muli Kristu Yesu Mwene wetu.

Efesu 1:18

meso ja mbunge jenu akapanguluke, hanga nukanyingike chize chapwa kutalatala cha kutambika chenyi, chize chapwa kulumbama cha uhenya wa chihinga chenyi muli asandu;

Titu 3:7

hanga, se hanatusambisa ku vumbi lienyi, tukapwe maswana nikulita ni kutalatala cha mwono wa mutolo.

Hebreu 1:14

O eswe te hi maspiritu a kuvumbika ko, a kutumiwa mukuvumbika, mumu hali waze makahinga ulamwino, nyi?

1 Petulu 1:4

tukapwe ni chihinga chingunu, kuchishi luchisa, ni chize kuchishi kujimuka, kanachifungu mu malilu hali yenu.

1 Yoano 2:25

Ni chino che chilakenyo chize hanatulakenya, te mwono wa mutolo.