Marku 10:1 - MUKANDA USANDU WA ZAMBI 1975

¹ Iye wakatukile kuze, yaheta ku manjiza ja Yundeya ni kuze kanda lia Yordau: ni mbunga yakungama kuli iye cheka nawa; iye ngwe ndako yenyi waalongesele cheka nawa.

Mukanda Wa Zambi 1970

¹ Yesu yakatuka ko, yaheta ku chifuchi cha Yudea, yazauka Yordau. Mbunga jinene yaamukunguluka nawa. Neye yaalongesa nikulita ni ndako yenyi.

Marku 10:1 Iomraidhean Croise

Longeshi 12:9

Chilumbununyi wapwile mukwa mana, alioze chikwo nawa walongesele mana kuli e atu, nikupezalisa, ni kulilongesa, ni kululika yishima ni malinjekela anji.

Jeremia 32:33

Manyima jo hangutalikisa hi meso jo ko, mba chipwe hinaalongiesalongiesa hindu kapanjikile akatambule longeso liami.

Mateu 26:55

Ha ola yize yene Yesu wambile ku mbunga ngwenyi, Nunatuhuka ngwe hali muhuza ni tutana ni mbwechi mukungukwata, nyi? Natwamine tangwa ha tangwa hamwe ni yenu nikulongesa mu tembele, mba kunwangukwachile.

Mateu 4:23

Yesu wayile nikujingajinga mu Ngalileya mweswe, nikulongesa mu masunangonga jo, nikwambujola sango lipema lia wanangana, nikuwuka misongo yeswe, ni weji weswe hakachi ka atu.

Marku 1:21

Ayile ku Kafwanaume, ni haze hene ha tangwa lia Sambata, wanjilile mu sunangonga akalongese.

Marku 10:2

A-Fwariseu ejile kuli iye, amuhulile, nikumweseka ngwo, Muchilita ni shimbi hali lunga kulakula mukwo-pwo, nyi?

Marku 12:35

Yesu wakumbulwile, wambile shimbu alongesele mu tembele ngwenyi, Ngwe kuchi akwa kusonyeka akwamba ngwo, Kristu iye mwana David?

Marku 14:49

Napwile tangwa ha tangwa hamwe ni yenu nikulongesa mu tembele, hindu kunwangukwachile: alioze yisoneko yikamanunuke.

Marku 2:13

Iye watuhukile cheka nawa mukuya ku sesa lia Chitende, ni mbunga ejile kuli iye, waalongesele.

Marku 4:2

Iye waalongesele yuma yinji ni yishima. Wambile kuli ayo mu longeso lienyi ngwenyi,

Marku 6:2

Muze tangwa lia Sambata hiliaheta, waputukile kulongesa mu sunarigonga: ni anji ha kwivwa alishimwokene ngwo, Kulihi yono hanatambula yino yuma? Mana aka hanamweho? Yipupu yipwa haha nawa kakuyilinga ku moko jenyi.

Marku 6:34

Iye watuhukile, wamwene mbunga yinene, iye waavwilile keke, mumu apwile ngwe mapanga waze keshi kafunga: iye waputukile kwalongesa yuma yinji.

Marku 6:6

Wakomokene mumu te kafulieleleko. Iye wapwile nikujingajinga ku yihunda nikulongesa.

Yoano 10:40

Wayile kuze kanda lia Yordau, kuma kuze Yoano apwile nikupapachisa hatangu: kuze Watwamine.

Yoano 11:7

Mba kulutwe yamba kuli tumbaji twenyi, ngwenyi, Tatuyenu ku Yundeya cheka nawa.

Yoano 18:20

Yesu wamukumbulwile ngwenyi, Nahanjikile mwazu kuli akwa hashi; nalongesele matangwa eswe mu masunangonga ni mu tembele, muze akukungama A-Yunda eswe; ni ku tenga chahanjikile nichimwe.