Marku 1:5 - MUKANDA USANDU WA ZAMBI 1975

⁵ Kwatuhukile kuli iye akwa chifuchi cheswe cha Yundeya, ni waze eswe a ku Yerusaleme, iye waapapachishile mu lwiji Yordau, o nikushikisa milonga yo.

Mukanda Wa Zambi 1970

⁵ Chifuchi cheswe cha Yudea ni atu eswe a mu limbo lia Yerusaleme te kaakwiza kuli Yoano nikushikisa milonga yo. Neye kakwapapachisa mu lwiji Yordau.

Marku 1:5 Iomraidhean Croise

Miaso (Masamu) 32:5

Natayile shili yami kuli yena, uhenge wami chauswekele. Nambile ngwami, Mungushikisa uvulumunyi wami kuli Yehova mba yena wakonekenene uhenge wa shili yami.(Litulike.)

Yishima 28:13

Mweswe masweka uvulumunyi wenyi kechi kawaha; alioze mweswe maushikisa nikuumbila mawana keke.

Mateu 4:25

Ni mbunga jinji amukawile ja ku Ngalileya, ni ja ku Ndekapole, ni ja ku Yerusaleme, ni ja ku Yundeya, ni ja kuze kanda lia Yordau.

Marku 1:4

Yoano wejile, yoze wapapachishile mu puya, wambujolele upapachiso wa kulikonyeka chize chaneha ukonekeno wa milonga.

Marku 1:6

Yoano wazalile mazalo a wona wa kamelu, ni muya wa lambu kujingilika mu zalilo yenyi, walile makumbi ni wuchi wa mu musenge.

Yoano 1:28

Alingile yino yuma mu Mbetaniya kuze-kanda lia Yordau, kuze apwile Yoano nikupapachisa.

Yoano 3:23

Ni Yoano nawa wapwile nikupapachisa mu Enone hakamwihi ni Salini, mumu kwapwile meya anji kuze, ni atu apwile nikuyaya nikutambula upapachiso.

Yoano 5:35

Iye wapwile ndaya ya kuyila, ya kupanguka; ni yenu nwapalile ha shimbu kulikwiza mu pangu lienyi.

Yilinga 19:18

Anji a kuli waze afulielele, ejile nikushikisa, nikwambulula yitanga yo.

Yilinga 2:38

Petulu wambile kuli ayo ngwenyi, Likonyekenu, anupapachise mutu ni mutu wa kuli yenu mu jina lia Yesu Kristu, ha ukonekeno wa milonga; mba kumunukatambula chawana cha Spiritu Musandu.

Tiangu (Jake) 5:16

Kashika shikisenu milonga yenu umwe kuli mukwo ni mukwo, lilembelenu umwe mukwo ni mukwo, hanga nukahinduke. Kuliumba cha mukwa ululi kuchakutakama chikolo ha kulinga chacho.

Yoshua 7:19

Henaho Yoshua yamba kuli Akane ngwenyi, Mwanami lemesa Yehova Zambi ya Izalele, ukashikise kuli iye. Ngwambulwile chize walinga. Kanda unguswekelacho.