Marku 1:40 - MUKANDA USANDU WA ZAMBI 1975

⁴⁰ Mukwa mbumba yeza kuli iye, nikuliumba kuli iye, nikuliondela hashi, ngwenyi, Nyi mupala, muhasa kungupemesa.

Mukanda Wa Zambi 1970

⁴⁰ Mukwa mbumba yeza kuli Yesu, yaliumba ha makungunwa ku meso jenyi ngwenyi: “Nyi unazange, muuhasa kama kungubemesa.”

Marku 1:40 Iomraidhean Croise

Ubutukilo 18:14

Chuma chimwe muchipwa chikomokeso kuli Yehova nyi? Ha kangonde wa kutesa kumungwiza nawa kuli yena muze mwaka hiwaheta mba Sara makasema mwana.

2 Samuel 3:29

Akashate ha mutwe wa Joabe ni akwa munyachi wa tato eswe. Ndo ku miaka ya mutolo ku munyachi wa Joabe kanda kuhona umwe mukwa mashina, hanji mukwa mbumba, hanji mukwa kwenda ni pango, hanji yoze mafwa ni katana, hanji yoze mahona kulia!

1 MIANANGANA 15:5

Yehova yalamba Azaria, wapwile mukwa mbumba ndo tangwa lia kufwa chenyi nikutwama mu zuwo lia kumukwasa. Yotame mwana wa mwanangana wapwile helu lia zuwo nikuyula akwa chifuchi.

1 MIANANGANA 7:3

Achi kwapwile malunga awana akwa mbumba mwe mu unjililo wa chikolo; o aliambile umwe kuli mukwo ni mukwo ngwo, Kuchi te tunatwama kuno ndo mutufwa?

2 Sango Ja Mianangana 6:13

(Mumu Solomone te hatunga ndondelo ya unengu, kusuha chayo mbandu jitano, kutoha chayo mbandu jitano, Chizundamo chayo mbandu jitatu; hayisa muchima lia yize. Yamanaho, mba yaliumba ha makungunwa jenyi kumeso ja chikungulwila cheswe cha A-Izalele, nikuzoza moko jenyi kwilu.)

Mateu 11:5

Tupuputa kanalaula ku meso, ni yilema kanende, akwa mbumba kanapeme, ni afwa matwi kanevu, ni afu kanahinduka; kuli yiswale kakwambujola sango lipema.

Mateu 17:14

Muze ahetele ku mbunga, mutu wejile kuli iye, nikuliondela kuli iye ngwenyi,

Marku 1:41

Yesu nikumuvwila keke, wolwele kwoko lienyi, wamusele minwe, ngwenyi, Ngunapale; pwako mupema.

Marku 10:17

Shimbu machituhuka mukuya mu jila, umwe wazombokele kuli iye, waliendelele kuli iye, nikumuhula ngwenyi, Longeshi mupema, kuchi mungulinga, hanga ngukahinge mwono wa mutolo?

Luka 22:41

Iye wasosolokele kuli ayo chipinji ngwe kukonga cha liwe; iye waliumbile ha makungunwa nikulemba ngwenyi,

Yilinga 7:60

Mba waliumbile makungunwa, wakololokele ni liji linene ngwenyi, Mwene, kanda uatwika mulonga uno. Muze te hamba chino wayile tulo.

Efesu 3:14

Ha chikuma chino nakuumba makungunwa jami kuli Tato ya Mwene wetu Yesu Kristu,