Marku 1:32 - MUKANDA USANDU WA ZAMBI 1975

³² Ha chingoloshi, ha kunjila cha tangwa, anehene kuli iye waze eswe ayijile, ni akwa ndemoniu,

Mukanda Wa Zambi 1970

³² Chingoloshi, muze tangwa hilianjila kulu, atu yaamunehena mieji eswe ni akwa mwiku wa luchisa.

Marku 1:32 Iomraidhean Croise

Mateu 4:24

Lufuma wenyi wafumanyine mu Seria mweswe; anehene kuli iye waze eswe ayijile, a kukwachika ni misongo yeka ni yeka ni yipupilo, ni akwa ndemoniu, ni akwa musongo wa ngulu, ni akwa kalepa, waawukile.

Mateu 8:16

Muze hapwile chingoloshi, anehene kuli iye akwa andemoniu anji; neye watuhwishile maspiritu ni liji lienyi; wawukile waze eswe ayijile.

Mateu 8:17

Hanga chikamanunuke chize ahanjikile ku kanwa lia profeta Izaia ngwenyi, Iye mwene wanjile kukokoloka chetu, wambachile misongo yetu.

Marku 1:21

Ayile ku Kafwanaume, ni haze hene ha tangwa lia Sambata, wanjilile mu sunangonga akalongese.

Marku 1:31

Iye wakundamine, wamukwachile ku kwoko, amuhindwise; ni kachiki wamukatukile, iye waavumbikile.

Marku 3:2

O amulayilile kachi mamuwuka ha tangwa lia Sambata; hanga akamusume mutonga.

Luka 4:40

Muze tangwa mulichinjila, waze eswe apwile ni mieji a kuyiza ni misongo yeka ni yeka, aanehene kuli iye; neye wasayikile moko jenyi hali eswe, waawukile.

Luka 4:41

Ni andemoniu nawa atuhukile muli anji, nikukololoka, ngwo, mwe Kristu yena, mwe Mwana Zambi. Iye nikwakanjisa, kaatayijile kuhanjika, mumu anyingikine ngwo, Iye Kristu.