Marku 1:27 - MUKANDA USANDU WA ZAMBI 1975

²⁷ Eswe akomokene, nikulihula hakachi ko ngwo, Chino chika? Longeso lino liaha kuchi liapwa? Mumu ni chiyulo mamba chipwe maspiritu a luchisa, no mamwononokena.

Mukanda Wa Zambi 1970

²⁷ Atu yaalishimwoka kuhiana! Yaalihula ngwo: “Chino chika? Longeso liaha, Mumu chiyulo akwete. Chibwe mwiku wa luchisa muumwononokena!”

Marku 1:27 Iomraidhean Croise

Mateu 15:31

chocho mbunga akomokene muze amwene tumama kanahanjika, yitonji angunu, yilema kanende, tupuputa kanalaula ku meso: no achichimiekene Zambi ya Izalele.

Mateu 8:9

Mumu yami nguli mutu mushi lia chiyulo, nguli no mushi lia yami mwene maswalale: mungwamba kuli yono ngwami, Yako, mba maya; kuli mukwo ngwami, Tweya, mba meza; kuli ndungo yami ngwami, Linga chino, mba machilinga.

Mateu 9:33

Mba muze te hatuhwisa ndemoniu, kamama wahanjikile: ni mbunga alishikishilile ngwo, Kuchasolokele chocho nilimwe tangwa mu Izalele.

Marku 1:26

Mba Spiritu ya luchisa, nikumutunyisa, nikukololoka ni liji linene, watuhukile muli iye.

Marku 1:28

Haze hene lufuma wenyi wafumanyine kweswe ku chifuchi cheswe cha kujingilika Ngalileya.

Marku 10:24

Tumbaji akomokene ha maliji jenyi. Alioze Yesu yakumbulula cheka nawa ngwenyi, Ana jami, chikalu Chichize hali waze akukolela ha upite, kunjila mu wanangana wa Zambi!

Marku 10:32

Apwile mu jila ya kukanduka ku Yerusaleme; ni Yesu waatetekelele: o akomokene; ni waze akawile, evwile woma. Iye watwalile cheka nawa kumi ni aali hamwe nenyi, waputukile kwaambulwila yuma yize muyimuwana.

Marku 16:5

O ha kunjila mu fuka, amwene mukweze kanatwama ha chindume, kanazala hina lia mukambo litoma, no akomokene chikolo, nikwivwa woma.

Marku 16:6

Iye yamba kuli ayo ngwenyi, Kanda nukomoka: nunafupu Yesu, Ka-Nazare, yoze anakamuhachila ha kulusu: hahinduka; amuno keshimo: talenu, homa haze anakamusa!

Marku 7:37

Mba alishimwokene kuhiana chikolo, ngwo, Hanalingi kanawa yuma yeswe, kakuvwisa chipwe afwa-matwi, kakuhanjikisa tumama.

Luka 4:36

Mba eswe akomokene, o ahanjikile umwe kuli mukwo ngwo, Liji lino lika, mumu ni chiyulo ni tachi mamba maspiritu a luchisa, o matuhuka?

Luka 9:1

Iye wakungulwile kumi ni aali, waahele tachi ni chiyulo helu lia andemoniu eswe, ni cha kuwuka misongo.

Yilinga 17:19

O yamukwata, yamutwala ku mulundu wa Mare, ngwo, Mutuhasa kunyingika longeso lino liaha unahanjika yena, nyi?