Marku 1:13 - MUKANDA USANDU WA ZAMBI 1975

¹³ Iye wapwile mu puya makumi awana a matangwa, kanamweseka kuli Satana; wapwile hamwe ni ngongo; angelo amuvumbikile.

Mukanda Wa Zambi 1970

¹³ Neye yabwa mu puya matangwa makumi awana. Sakwonga yamweseka. Yesu yabwa hamwe ni tushitu a mu yambu. Tunganda a mwilu yaamulingila.

Marku 1:13 Iomraidhean Croise

Kutuhuka 24:18

Mose yanjila mwe muchima lia lelwa. Yakanduka ha mulundu. Mose wapwile ha mulundu makumi awana a matangwa ni makumi awana a ufuku.

Kutuhuka 34:28

Iye wapwile kuze hamwe ni Yehova makumi awana a matangwa ni makumi awana a ufuku. Kalile, chipwe kunwa, kanwine. Iye yasoneka ha mawe maliji a usendo, e maliji kumi.

Mateu 26:53

Hanji unashinginyeka ngwe Chahashile haliapwila kuliumba kuli Tata, neye mangutumina ahiana kumi lia tununu ni tununu aali a mbunga ja angelo nyi?

Mateu 4:1

Hohene amutwalile ku puya ku tachi ja Spiritu, hanga akamweseke kuli Ndiapu.

Luka 4:1

Yesu wa tò ni Spiritu Musandu, yakatuka ku Yordau yahiluka, yamutwala muli Spiritu ku puya;

Shimbi 9:11

Mba muze makumi awana a matangwa ni makumi awana a ufuku ahwile, Yehova yangwaha ye mikanda yiali ya mawe, te ye mikanda ya usendo.

Shimbi 9:18

Yingufulamana hashi kumeso ja Yehova, ngwe nalingile kunyima, makumi awana a matangwa ni makumi awana a ufuku. Chalile, chipwe chanwine, mumu ha mulongo wenu weswe nwavulumwine ha kulinga chize chapwa chipi kumeso ja Yehova, mukumwihia.

Shimbi 9:25

Chocho yingufulamana hashi kumeso ja Yehova makumi awana a matangwa ni makumi awana a ufuku yingufulamanako, mumu te Yehova wambile ngwenyi, Mungwaonwona.

1 Timoteu 3:16

Ni kutayiza cheswe, chijimbikilo cha uwayilo chinene; yoze amusolwele mu musunya, amusambishile muli Spiritu, wamonekene kuli angelo, amwambujotele hakachi ka mavungu, a mufulielele hano hashi, amutambwile mwilu mu uhenya.

Hebreu 4:15

Mumu sasendote mukwa lutwe kutushi nenyi yoze keshi kuhasa kwivwa keke ha kukokoloka chetu; aiioze yoze hanamweseka ha yuma yeswe chizechene ngwe yetu, hindu shili, ka.