Marku 1:1 - MUKANDA USANDU WA ZAMBI 1975

¹ Uputukilo wa sango lipema lia Yesu Kristu, mwe Mwana Zambi.

Mukanda Wa Zambi 1970

¹ Uno we Ubutukilo wa Sango Jibema jize jinahanjikila Yesu Kristu, Mwana Zambi.

Marku 1:1 Iomraidhean Croise

Miaso (Masamu) 2:7

Kumungwambulula ye shimbi: Yehova hanambe kuli yami ngwenyi, Yena uli mwanami; tangwa lino hinakusema.

Mateu 14:33

Ni waze apwile mu ulungu amuwayilile ngwo, Chamwenemwene yena uli mwe Mwana Zambi.

Mateu 17:5

Shimbu te machihanjika, lelwa lia kutemuka liaazulaminyine Chizulie, ni liji liatuhukile mu lelwa ngwo, Yono mwe Mwanami, ngunamuzange chikolo, muli iye ngunawahilila; mwivwenu.

Mateu 3:17

Ni liji liatuhukile mu malilu ngwo, Yono mwe Mwanami, ngunamuzange chikolo, muli iye ngunawahilila.

Mateu 4:3

Mukwa kweseka wejile nikwamba ngwenyi, Kachi yena uli mwe Mwana Zambi, amba mawe ano alumuke mbolo.

Luka 1:35

Mungelo wamukumbulwile ngwenyi, Spiritu Musandu kumeza hali yena, ni tachi ja mwe Chitunda kumujikuzulamina Chizulie; kashika nawa chuma chisandu chize muchikasemuka, kumakamuvuluka ngwo, Mwe Mwana Zambi.

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Yoano 1:34

Hingunamono; hingunashindakenya ngwami, Yono mwe Mwana Zambi.

Yoano 1:49

Natanele wamukumbulwile ngwenyi, Longeshi, mwe Mwana Zambi yena; mwe Mwanangana wa Izalele yena.

Yoano 20:31

Alioze yino yinasonewa, hanga nukafuliele Yesu iye mwe Kristu, mwe Mwana Zambi; hanga ha kufuliela, nukapwe ni mwono mu jina lienyi.

Yoano 3:16

Mumu chocho Zambi wazangile akwa hashi, wechele Mwanenyi wa wika, hanga mweswawo mamufuliela, kechi katoka, alioze akapwe ni mwono wa mutolo.

Yoano 6:69

Hitunafuliela, kutunanyingika mwe Musandu wa Zambi yena.

Yilinga 1:22

putu ku upapachiso wa Yoano ndo ku tangwa lize amuchijile kuli yetu amutambule mwilu, chatamba umwe wa kuli wano akapwe chela hamwe ni yetu cha Uhindukilo wenyi.

Yilinga 13:24

Shimbu kandeza, Yoano hatangu ambujolele upapachiso wa kulikonyeka kuli atu eswe a Izalele.

A-ROMA 8:3

Mumu chize shimbi kuyahashile kulinga se yalelele ku musunya, Zambi nikutuma Mwanenyi mwene mukulifwa cha musunya wa shili, mumu ha shili, wahishile shili mu musunya.

A-ROMA 8:32

Yoze kaywilile keke Mwanenyi mwene, alioze wamukunjikile hali yetu eswe, ngwe kuchi kechi katwaha hamwe nenyi yuma yeswe chawana?