Malaki 4:6 - MUKANDA USANDU WA ZAMBI 1975

⁶ Kumakatalikisa mbunge ja atato kuli ana jo, ni mbunge ja ana kuli atato, kuchina mungwiza nikulamba chifuchi ni shingo.

Mukanda Wa Zambi 1970

⁶ Neye makakwasa atata ni ana jo kulivwa nawa. Nyi ka, kachi mungukeza ni kwonona chifuchi chenu.”

Malaki 4:6 Iomraidhean Croise

Izaya 11:4

alioze makayula yiswale ni ululi, makapatwila yimbovu a hashi, ni katonde ka. Kumakalamba hashi ni mbwechi ya mu kanwa lienyi, kumakashiha yingulungulu ni mwiku wa mivumbo yenyi.

Izaya 24:6

Kashika shingo linawumbula he hashi, ni akwa hashi kanamono lamba mumu ha uhie wo. Kashika akwa hashi kanapapiwa ni malunga akehe wika asala.

Izaya 40:3

Liji limwe linatambika ngwo, Lulikenu jila ya Yehova mu puya, lulamisenu tapalo lia Zambi yetu ha kango.

Izaya 43:28

Kashika najilwile alemu a muma musandu; nakunjikile Yakomba akanonge liakulu, nakunjikile Izalele ku sau.

Izaya 61:2

Hanangutumu kwambujola mwaka wa vumbi lia Yehova, ni tangwa lia Zambi lia kukala milonga, hanga ngukawumbijeke waze eswe analinyenge;

Izaya 65:15

Munukahichika jina lienu ngwe shingo kuli waze naatongwele, mba Mwene Yehova makanushiha; alioze matuka tuvumbi twenyi jina lieka.

Daniel 9:11

A-Izalele eswe Hahambuluka, hatangula shimbi je, kasolo kupanjika ku liji lie. Kashika lie shingo ni che chilakenyo asonekene mu shimbi ja kavumbi ka Zambi Mose, hanayizukula hali yetu, mumu hitwamuvulumuna.

Zakaria 11:6

Mumu Yehova kanambe ngwenyi, Chichi kapwa nawa ni keke hali akwa chifuchi chino. Nyingikenu, mungukalimbwisa mutu mweswe mu kwoko lia kafunga kenyi. Mutu mweswe mungukamukunjika mu kwoko lia mwanangana wenyi mba makafwenya hashi. Chichi kapulula niumwe ku moko jo.

Zakaria 13:8

Yehova kanambe ngwenyi, Mu chifuchi cheswe, yihanda yiali mayitetaho, manonga. Chihanda chamuchitatu muchikasala ni mwono.

Zakaria 14:12

Yehova makalamba ni musongo mavungu aze eswe makasa jita ni Yerusaleme. Musunya wo muukapola shimbu anachimana ha molu jo; meso jo makapola mu mitwe yo; malimi jo makapola mu makanwa jo.

Zakaria 14:2

Mumu mungukakonga mavungu eswe akungulukile kulimika ni Yerusaleme ni jita. Makatambula che chihunda; makapupa mazuwo nikupikapika mapwo. Chihanda cha ha muchima cha chihunda muchiya ku unjize alioze masalila ja atu kechi kaateta ku chihunda.

Zakaria 5:3

Henaho yamba kuli yami ngwenyi, Lie shingo lienalio linayi chifuchi cheswe, mumu kulutwe mweswawo meya chuma mamusuma nikulita ni mukanda, ni mweswawo malishinga ni mahuza mamusutula nikulita nawo.

Mateu 22:7

Muze mwanangana achivwile, watenukine, watumine mbunga ya maswalale jenyi, wonwene yingalwe aze, mba wochele limbo lio.

Marku 11:21

Petulu ha kwiwuluka chize ambile Yesu, yamba kuli iye ngwenyi, Longeshi, tala, mukuyu uze unakashinga, hiunomu chau.

Luka 1:76

Ewa, ni yena mwana, kumakakuvuluka ngwo, Profeta wa mwe Chitunda: mumu kumukaya kulutwe lia meso ja Mwene mukululika majila jenyi;

Hebreu 6:8

Alioze kachi mema mbimbo ni mazo-a-lunoka, kachi mapwa amokomoko, mapwa hakamwihi ni shingo; songo lio kuwema.

Usolwelo 19:15

Mu kanwa lienyi mwatuhuka katana kanambuka, hanga akalambe nenyi mavungu: iye kumakaayula ni mbwechi ya utale; iye yaliata ukamino wa vinyu ya ufwatulo wa utenu wa Zambi ya Ndundo-Jeswe.

Usolwelo 22:3

Ni kukuchi kapwa nawa shingo; ni ngunja ya Zambi ni mwe Mwanapanga kumuyikapwamo: ni ndungo jenyi kumakamulingila.