Malaki 4:5 - MUKANDA USANDU WA ZAMBI 1975

⁵ Mungunutuma profeta Eliya shimbu tangwa lize linene lia mwongo lia Yehova kanda Uchiheta.

Mukanda Wa Zambi 1970

⁵ “Alioze shimbu tangwa lize linene lia Mwene Zambi kanda lichiheta, mungukanutumina mukwa munanyi Eliya.

Malaki 4:5 Iomraidhean Croise

Izaya 40:3

Liji limwe linatambika ngwo, Lulikenu jila ya Yehova mu puya, lulamisenu tapalo lia Zambi yetu ha kango.

Joele 2:31

Tangwa mulikalumuka milima; kakweji makalumuka manyinga sltimbu kanda likaheta tangwa lia Yehova, linene, kole ni mwongo.

Zefania 1:14

Tangwa linene lia Yehova linakundama; linakundama fuji-fuji. Chizungozungo cha tangwa lia Yehova chisasu; kwenako akwa ndundo mateta ni lijilinene.

Malaki 3:1

Ngunatumu kanganda kami akalulike jila yami kulutwe liami, mba Mwene yoze nunamufupu meza susumuku mu tembele yenyi. Yehova-wa-Tujita kanambe ngwenyi, Kanganda ka usendo yoze nunawahilila nenyi, kumanyi kaneza.

Malaki 4:1

Mumu Yehova-wa-Tujita kanambe ngwenyi, Talenu, tangwa kulineza nikuyila ngwe lutengo, muze akwa kulizata eswe, ni eswe akwa kulinga yipi makapwa ngwe mwambu, ni tangwa lize lineza mulikaaocha mba kechi kalisalaho chipwe muji chipwe mutango.

Luka 1:17

Kumakaya kulutwe lia meso jenyi ni spiritu ni tachi ja Eliya, mukutewulwila mbunge ja atato kuli ana, ni yihulia ku ukanyame wa akwa ululi; mukululikila Mwene amwe atu aalulikile.

Luka 9:30

Kumanyi, malunga aali ahanjikile nenyi, Mose ni Eliya;

Yoano 1:21

O amuhulile ngwo, Mba kuchi, yena uli Eliya, nyi? Iye yamba ngwenyi, Hi yami ko. Ngwo, Yena uli mwe profeta, nyi? Iye wakumbulwile ngwenyi, Ka.

Yoano 1:25

Amuhulile, ngwo, Mba kuchi te wakupapachisa atu, kachi yena hi uli mwe Kristu ko, chipwe Eliya, chipwe mwe profeta?

Usolwelo 6:17

Mumu tangwa linene lia utenu wenyi hilineza, mba iya mahasa kumana?