Malaki 4:4 - MUKANDA USANDU WA ZAMBI 1975

⁴ Iwulukenu shimbi ja kavumbi kami Mose; maliji ni yiyulo yize namutumine ku Horepe hali A-Izalele eswe.

Mukanda Wa Zambi 1970

⁴ “Iwulukenu longeso lia kavumbi kami Mose, Shimbi ni yiyulo yize namuhele ha mulundu wa Sinai mumu hali Aisraele eswe.

Malaki 4:4 Iomraidhean Croise

Izaya 42:21

Yehova wevwile kuwaha mumu ha ululi wenyi, ha kufumanyisa shimbi yenyi nikuyipwisa ya uhenya.

Izaya 8:20

Tuyenu ku lie longeso ni ye Shindakenyo! Nyi kahanjikile nikulita ni liji lino mba kuvumbuka cha tangwa kuchishiko kuli ayo.

Jeremia 6:16

Yehova kanambe ngwenyi, Manenu ku sesa lia matapalo nutale, nukahule majila a ku shakulu, kukuli jila yipema nwendemo, nukawane uhwimino ha mbunge jenu. Alioze o ambile ngwo, Kutuchi kwendamo.

A-ROMA 3:31

Mba hinapwisa shimbi yamokomoko ku Ufulielo, nyi? Ka, pundu: Shinaho tunakolesa shimbi.

Shimbi 4:10

Nwalweze tangwa nwamanyine kumeso ja Yehova Zambi yenu mu Horepe muze ambile Yehova kuli yami ngwenyi, Ngukungulwile atu, mungwavwisa maliji jami, akalilongese kunguvwila woma matangwa eswe matwama hashi, akalongese ana jo.

Shimbi 4:23

Nukanyame ngwami, Kuchina munuvulama usendo wa Yehova Zambi yenu, aukolesele ni yenu, ha kulisongela kaponya mu kulifwa cha chuma cheswacho Yehova Zambi yenu anukanjishilecho.

Shimbi 5:2

Yehova Zambi yetu yakolesa usendo ni yetu mu Horepe.

Shimbi 8:11

Nukanyame kuchina munukavulama Yehova Zambi yenu ha kulituna kufunga maliji jenyi a shimbi, ni upatwilo wenyi, ni yiyulo yenyi, ngunanwambeyo musono.

Shimbi 8:19

Kachi munuvulama Yehova Zambi yenu, nikukaula tuzambi tweka, ni kutuvumbika, ni kutuwayila, chamwenemwene ngunanushindakenya musono ngwami, Kumunukakuwa.