Malaki 4:3 - MUKANDA USANDU WA ZAMBI 1975

³ Kumunukaliata yingulungulu mumu mapwa ngwe uto mushi lia yiliato yenu ha tangwa lize mungukalinga. Chocho kanambe Yehova-wa-Tujita.

Mukanda Wa Zambi 1970

³ Ha tangwa lize mungukasolola tachi jami, munukaliata yingulungulu, no maakabwa ngwe fufuta kushi lia yiliato yenu.

Malaki 4:3 Iomraidhean Croise

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

2 Samuel 22:39

Naakuwishile nikwatuwa ndusu, kechi kuhinduka nawa. Alimbukile kushi lia yiliato yami.

2 Samuel 22:43

Mba naafwenyene ngwe fufuta ya hashi. Naaliachile ngwe malowa ha tapalo nikwamwanga.

Jobe 40:12

Tala mweswe mukwa kulengumuka umukehese; uliate yingulungulu he ha umanyino wo.

Miaso (Masamu) 147:6

Yehova kakujikijisa yimbovu. Yingulungulu kakwalimbula hashi.

Miaso (Masamu) 49:14

Ngwe mapanga Zambi hanaasela Shiole. Kufwa muchipwa kafunga ko. Mu kucha akwa ululi makaayula. Upeme wo muuhwa mu Shiole; chihela chawo chakuhi.

Miaso (Masamu) 91:13

Kumukaliata hali ndumba ni fwiji. Mwevu wa ndumba ni kapela kumukaawonda kushi lia yiliato ye.

Izaya 25:10

Mumu kwoko lia Yehova kumulikatula ha mulundu uno ni A-Moape mapwa a kuliata kuma kwo ngwe kakuliata mwambu mu wina wa wilo.

Izaya 26:6

Chaliachiwa ni yiliato, yiliato ya yiswale, ngano ja akwa kuhona.

Lungungu 1:15

Mwene walelesele malunga jami eswe a ndundo hakachi kami. Wasanyikine chikungulwila cha kulimika ni yami akafwenye akweze jami. Mwene haliata mwe mwana-pwo virgem Yunda ngwe ukamino wa uva.

Ezekiel 28:18

Ha kwoka cha uhenge we, ni kupiha cha kwendangana che wajilwile matembele je. Kashika nachijile kahia muchima lie, mba kakulalishile. Nakupwishile uto hashi kumeso ja waze eswe akumwene.

Daniel 7:18

Alioze asandu ja mwe Chitunda makatambula we wanangana, ni kuzuka we wanangana ndo ku miaka, ni miaka ya mutolo.

Daniel 7:27

Alioze wanangana ni chiyulo ni unene wa mawanangana kushi lia lilu lieswe kumakakunjika kuli atu ja asandu ja mwe Chitunda. Wanangana wo kumuukapwa wanangana wa mutolo, mba akwa yiyulo yeswe kumakaavumbika ni kwaononokena.

Mika 5:8

Masalila ja Yakomba makapwa hakachi ka mavungu. Makapwa hakachi ni hakachi ka mavungu anji, ngwe ndumba hakachi ka tushitu a mu musenge; ngwe mwevu wa ndumba hakachi ka mbunga ja mapanga, yoze ha kupalika kakuliata nikupapulula, ni yoze mapulula wakuhi.

Mika 7:10

Mba mukwa kole yami makamona, ni sonyi mujikafuka yoze wangwambile ngwenyi, Yehova Zambi ye kuli ali? Meso jami kumakamutala ni kulikwiza; mba makamuliata ngwe malowa a mu tapalo.

Zakaria 10:5

Hamuwika makapwa ngwe yitakame mu jita, nikuliachila akwa kulinwa no mu malowa a ha matapalo. Makasa jita mumu Yehova hwali hamwe no, mba makakomwesa akwa kwenda hali tuvwalu.

Malaki 3:17

Yehova-wa-Tujita kanambe ngwenyi, Kumakapwa ninyami, a kupita ni kulemesa yami mwene ha tangwa lize mungukalinga. Mungukaavwila keke ngwe mutu kakuvwila keke mwanenyi wa lunga yoze wakumuvumbika.

A-ROMA 16:20

Alioze Zambi ya sambukila kumakafwenya Satana kushi lia yiliato yenu kamunomuno. Vumbi lia Mwene wetu Yesu Kristu likapwe hamwe ni yenu eswe. Amene.

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.

Usolwelo 14:20

Mba aliachile ukamino haze lia limbo, ni manyinga atuhukile mu ukamino, ndo ku makanwa ja tuvwalu, ndo ku kulakaji atatu a kilometro.