Malaki 4:2 - MUKANDA USANDU WA ZAMBI 1975

² Alioze kuli yenu nwakuvwila woma jina liami lie tangwa lia ululi mulikavumbuka ni mapulwa jenyi mapwa akwa kuwuka. Munukatusuka, nikutumbwoka ngwe yimbembe ja ngombe ku zuwo lio.

Mukanda Wa Zambi 1970

² Alioze kuli yenu waze nwakungwononokena, tachi jami ja kulamwina mujikasoloka ngwe kuvumbuka cha tangwa, ni kunuwuka ngwe mitemite ya tangwa. Munukatusuka ni kuwahilila ngwe yimbembe ja ngombe waze anatuhuka ku tanga lio.

Malaki 4:2 Iomraidhean Croise

2 Samuel 23:4

Iye mapwa ngwe pangu lia chimenemene ha kuvumbuka cha tangwa, ni malelwa akuhi, muze mwambu wovu unasoko mu mavu, ha mwalwa upema kulutwe lia vula.

Miaso (Masamu) 103:3

Iye kakukonekena uhenge we weswe; kakuwuka misongo ye yeswe.

Miaso (Masamu) 147:3

Kakuwuka waze anafu mbunge. Kakujichika yilonda yo.

Miaso (Masamu) 61:5

Mumu yena Zambi hiwevwa yilakenyo yami, hiwangwaha chihinga cha waze akuvwila woma jina lie.

Miaso (Masamu) 67:1

Zambi atuvwile vumbi, atuwahise, apangwise meso jenyi hali yetu.(Litulike.)

Miaso (Masamu) 84:11

Mumu Yehova Zambi iye tangwa; iye lukepwe. Yehova mahana vumbi ni ulemu. Nichimwe chuma chipema mamina waze akwenda ni ululi.

Miaso (Masamu) 85:9

Chamwenemwene ulamwino wenyi hakamwihi uli ni waze akumuvwila woma, hanga ulemu ukapwe mu chifuchi chetu.

Yishima 4:18

Alioze jila ya mukwa ululi yapwa ngwe kutemuka cha kucha; chakuliwezela tachi ndo tangwa ha muchima.

Izaya 30:26

Chikwo nawa pangu lia kakweji mulikapwa ngwe pangu lia tangwa, ni pangu lia tangwa mulikaliwezela tachi yisuho shimbiali, ngwe pangu lia matangwa shimbiali ha tangwa lize Yehova majichika chilonda cha atu jenyi ni kuwuka mbandu jize iye waatwile ni kwoko lienyi.

Izaya 35:6

Henaho chilema masamba ngwe kapaji, ni limi lia kamama mulikemba mumu ha uwahililo. Mumu meya mapukukila mu puya, ni yitwetwe mu kango.

Izaya 49:6

Yehova yono kanambe ngwenyi, Chalela naye hali yena ukapwe kavumbi kami wa kuhuzulula minyachi ya Yakomba, ni kuhilwisa kuli yami waze asala a kuli A-Izalele. Mungukupwisa nawa pangu ku mavungu hanga ulamwino wami ukahete ndo ku songo lia hashi.

Izaya 50:10

Iya hakachi kenu kakuvwila woma Yehova, kakwononoka ku liji lia kavumbi kenyi, kakwenda mu milima, keshi pangu, hindu kakufuliela jina lia Yehova, kakujikijila hali Zambi yenyi?

Izaya 53:5

Alioze ha Utanguko wa yetu amulemekene. Ha uhenge wa yetu amuwondele. Lamba liamushachile lia kutunehena sambukila yetu. Ku mijiji yenyi kanatuwuku.

Izaya 9:2

Atu aze endele mu milima hamona pangu linene; waze atwamine mu chifuchi cha milima pwi, hali ayo pangu linene hilinapanguka.

Jeremia 17:14

Yehova, unguwuke mba munguhinduka, ungulamwine mba munguwaha; mumu yena uli uhaliso wami.

Jeremia 30:17

Mumu Yehova kanambe ngwenyi, Mungukwaha nawa kuhinduka che; munguwuka mbandu je, mumu hakwamba ngwe uli wa kumbila, ngwo, Mwe Zaione niumwe kanamuse mbunge.

Jeremia 33:6

Kumungukanehako kuhinduka ni kuwuka; mungwawuka nikwasolwela kulumbama cha kuwaha ni kujikiza.

Ezekiel 47:12

Ha mbumbulu, sali ni sali lia lwiji, kumukupwa milali yeswe ya mitondo ya kulia. Mafwo jayo kechi koma, chipwe mihuko* yayo kuyichi kahona, alioze muyikema mihuko ya wisu kakweji ha kakweji, mumu meya jayo anakatuka ku zuwo lisandu. Mihuko yayo muyikapwa ya kulia, ni mafwo jayo makapwa ha kuwuka.

Hosea 6:1

Tatuyenu tukahiluke kuli Yehova, mumu iye hatupapulula, mba iye matuwuka. Iye hatulamba, mba iye matukasakasa.

Hosea 6:3

Tunyingike, tuyenu kulutwe tunyingike Yehova. Kutuhuka chenyi cha pundu, ngwe kuvumbuka cha tangwa. Iye meza kuli yetu ngwe vula wa chehu; ngwe vula musazu yoze wakutuchikisa hashi.

Malaki 3:16

Henaho waze evwilile woma Yehova ahanjikile kanji umwe kuli mukwo ni mukwo; ni Yehova waapanjikile, wavwile, mba yasoneka mukanda wa kwiwuluka kumeso jenyi wa waze evwilile woma Yehova, nikunyonga ha jina lienyi.

Mateu 11:5

Tupuputa kanalaula ku meso, ni yilema kanende, akwa mbumba kanapeme, ni afwa matwi kanevu, ni afu kanahinduka; kuli yiswale kakwambujola sango lipema.

Mateu 23:37

A Yerusaleme! A Yerusaleme! Yena, wakushiha aprofeta, wakwasa mawe waze aatumine kuli yena! Yisuho yipwa haha hingunazange kukungulula ana je ngwe chali makunga ana jenyi mushi lia mapulwa jenyi, ni yenu kunwatayileko!

Luka 1:50

Keke yenyi kuyili ku yisemuko ni yisemuko kuli waze akumuvwila woma.

Luka 1:78

Mumu ha mbunge ya keke ya Zambi yetu, ku yenayo kucha cha tangwa kwilu muchikacha hali yetu,

Luka 2:32

pangu lia kutemwina akwa mavungu, ni uhenya wa atu je, A-Izalele.

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Yoano 1:4

Muli iye mwapwile mwono; ni mwono wapwile pangu lia atu.

Yoano 1:8

Iye kapwile lie pangu, alioze hanga akashindakenye ha pangu.

Yoano 12:40

Iye hanapupuchisa meso jo, iye hanakalisa mbunge jo; Kuchina mamona ni meso jo, manyingika ni mbunge jo, akalumuke, Ni yami mungwahindwisa.

Yoano 8:12

Kashika Yesu wahanjikile cheka nawa kuli ayo ngwenyi, Pangu lia hashi yami: yoze wakungukaula, kechi kenda mu milima, alioze kumakapwa ni pangu lia mwono.

Yoano 9:4

Changutamba kulinga yitanga ya yoze wangutumine shimbu kuchili mwalwa: ufuku muwiza muze niumwe mahasa kulinga.

Yilinga 13:26

Mandumbu, ana ja munyachi wa Apalahama, ni waze hakachi kenu akwivwa woma wa Zambi, kuli yetu liji lia ulamwino uno linatumiwa.

Yilinga 13:47

Mumu chocho Mwene watuhele shimbi ngwenyi, Hingunakusela pangu lia akwa mavungu, hanga ukapwe ulamwino ndo ku kusula songo lia hashi.

Yilinga 26:18

Mukulawisa meso jo, hanga akatewuluke ku milima ndo ku pangu, ku tachi ja Satana ndo kuli Zambi, hanga akatambule ukonekeno wa milonga, ni chihinga hakachi ka waze hanaasela ku usandu ku Ufulielo kuli yami.

2 A-TESALONIKA 1:3

Chatutamba kusakwila kuli Zambi matangwa eswe hali yenu, mandumbu, ngwe chinalite, mumu Ufulielo wenu kuwakutatuka kuhiana, ni zango umwe kuli mukwo ni mukwo hakachi ka yenu eswe kuliakuiumbama.

2 Petulu 1:19

Ni yetu, liji lia uprofeto tuli nalio, hanalikolesa kuhiana chikolo; munulinga kanawa nuliononokene ngwe ku ndeya ya kupanguka mu milima, ndo tangwa mulicha, ni mukwa pangu mavumbuka mu mbunge jenu.

2 Petulu 3:18

Alioze tatukenu mu vumbi ni yinyingi ya Mwene wetu kanda Chilamwina chetu Yesu Kristu. Uhenya ukapwe kuli iye, ni haliapwila, ni ndo ku miaka ya mutolo. Amene.

1 Yoano 2:8

Cheka nawa shimbi yaha ngunasoneka kuli yenu; chenacho chamwenemwene muli iye ni muli yenu; mumu milima yinapalika, ni pangu liamwenemwene linapanguka kulu.

Usolwelo 11:18

Ni mavungu atenukine, ni utenu we hiuneza, ni mwaka wa kupatwila afu, ni wa kwononona ndungo je, aprofeta ni asandu, ni waze akwivwa woma wa jina lie, ni akepe ni anene, mukwonwona waze akwonwona hashi.

Usolwelo 2:28

Mba mungukamwaha mutumbu.

Usolwelo 22:16

Yami Yesu hingunatumu mungelo wami mukushindakenya yino yuma kuli yenu mu yikungulwila. Yami nguli che chikota, mwe Mwana wa David, we mutumbu wa kutemuka.

Usolwelo 22:2

Mukachi ka tapalo lialio, ni ha sali lino lia lwiji, ni ha sali lize, mutondo wa mwono wakwima kumi lia mihuko ni mihuka yiali, wakwima mihuko yawo kakweji ha kakweji: mafwo ja mutondo a kuwuka no mavungu.

Rute 2:12

Yehova akukundulule yize yeswe walinga; akakwehe kwononona cheswe cha muwundu kuli Yehova Zambi ya Izalele, se hiweza kuswamina mushi ha mapulwa jenyi.