Malaki 4:1 - MUKANDA USANDU WA ZAMBI 1975

¹ Mumu Yehova-wa-Tujita kanambe ngwenyi, Talenu, tangwa kulineza nikuyila ngwe lutengo, muze akwa kulizata eswe, ni eswe akwa kulinga yipi makapwa ngwe mwambu, ni tangwa lize lineza mulikaaocha mba kechi kalisalaho chipwe muji chipwe mutango.

Mukanda Wa Zambi 1970

¹ Mwene Zambi Mukwa Ndundo Jeswe kanambe ngwenyi: “Tangwa kulineza lize mulikabwa ngwe lutengo wa kahia. Mba akwa kulengumuka ni yingulungulu maakawema ngwe mwambu. Mitango ni miji niyimwe muyikasala.

Malaki 4:1 Iomraidhean Croise

Jobe 18:16

Miji yenyi yinomu kushi; mitango yenyi yinomu kwilu.

Miaso (Masamu) 119:119

Wakuhwisa yingulungulu eswe a hano hashi ngwe yinganga, kashika kunazanga Shindakenyo je.

Miaso (Masamu) 37:9

Mumu akwa kutanga yipi kumakaapatula, alioze waze akutwaminyina Yehova kumakahinga chifuchi.

Kutuhuka 15:7

Mba ni unene we wa kuhiana kuwakupupa waze makukatukila. Kuwakutuma utenu we, wene wakwamanuna ngwe shachi jumu.

Izaya 40:24

Machiatumba, machiakuwa mu mavu, machisoka miji, mba iye mafuza hali ayo mba malela, ni kangonga maambata ngwe yizungu.

Izaya 41:2

Iya wanehene mukwa Chivumbuko mukwa kuwana kukumba mu kwenda chenyi cheswe? Kakumukunjika mavungu, kashika kakuliachila mianangana hashi; ni katana kenyi kakwafwenya ngwe fufuta, ni uta wenyi kakwahehula ngwe yizungu.

Izaya 47:14

Kumanyi hapwa ngwe mwambu. Kahia kakwalalisa, alioze o kahashile kulilamwina ku tachi ja milengi. Kahia kano hi makala ko a kwota, hanji jiko kuze muhasa kutwamako.

Izaya 5:24

Kashika chizechene ngwe mulengi wa kahia kuwakulalisa mwambu umu, chizechene ngwe mwambu umu muunonga mu mulengi, chocho muji wo muupwa kupola, ni yitemo yo muyihehuka ngwe fufuta. Mumu hanalitunu shimbi ya Yehova-wa-Tujita, hanalelesa liji lia mwe Musandu wa Izalele.

Izaya 9:18

Mumu ungulungulu kuunalekwoka ngwe kahia, unamanununa mikalale ni mingonga, unachocheka usaki wa mu musenge, unafwinjila mwilu ngwe nguji lia mwishi.

Izaya 9:19

Ku ufwatulo wa Yehova-wa-Tujita chifuchi chinaweme, ni atu hanalumuka kunyi ja ha jiko; mutu niumwe mavwila keke usoko wenyi.

Ezekiel 20:38

Mungukachiza akwa kukolema hakachi kenu ni waze eswe akunguvulumuna; mungukaachiza ku chifuchi kuze atwamine njize, alioze kechi kanjila mu chifuchi cha Izalele. Henaho munukanyingika yami nguli Yehova.

Ezekiel 21:32

Enu munukapwa ngwe kunyi ja kusa ha kahia; manyinga jenu makapwa hakachi ka chifuchi. Kechi kanwiwuluka nawa, mumu yami Yehova hinachamba.

Ezekiel 24:11

Hi alikenuyo yamokomoko ha makala yikapwe ni kahia kanji unengu wayo ukaweme, hanga luchisa wayo akasangunukemo, ni ngengeya yayo yikahwe.

Ezekiel 34:17

Alioze Mwene Yehova kanambe ngwenyi, Ha kutwala kuli yenu mapanga jami, nakupatula hakachi ka panga ni panga; hakachi ka kuji a mapanga ni kuji a pembe.

Ezekiel 7:10

Talenu lie tangwa! Talenu, lineza! Kuji-ni-tomo lienu hilieza. Mbwechi hiyatemuna yitemo; kulengumuka hichasoka.

Joele 2:1

Humunenu chitavwi mu Zaione. Tambikenu mutambi mu mulundu wami usandu. Akwa chifuchi eswe achikime, mumu tangwa lia Yehova kulineza, hihapwa hakamwihi.

Joele 2:31

Tangwa mulikalumuka milima; kakweji makalumuka manyinga sltimbu kanda likaheta tangwa lia Yehova, linene, kole ni mwongo.

Amose 2:9

Alioze nanongesene A-Amore aze aaliangile; Chizundamo cho chapwile ngwe cha misedru, ni tachi jo ngwe tachi ja mitondo ya carvalho. Nanongesene mihuko yenyi kwilu ni miji yenyi kushi.

Obadia 1:18

Munyachi wa Yakomba muupwa kahia; munyachi wa José muupwa mulengi; mba munyachi wa Esau muupwa mwambu umu. Kumakalengenya hakachi ko ni kwalalisa. Kukuchi kasala niumwe wa ku munyachi wa Esau, mumu Yehova hachamba.

Nahume 1:10

Kakwalalisa ngwe mikalale ya kuliselieka. Shimbu machizengewa makaalalisa ngwe mwambu umu.

Zefania 1:14

Tangwa linene lia Yehova linakundama; linakundama fuji-fuji. Chizungozungo cha tangwa lia Yehova chisasu; kwenako akwa ndundo mateta ni lijilinene.

Zefania 1:18

Ha tangwa lia ufwatulo wa Yehova kechi kahasa kulipulula chipwe ni prata yo, chipwe ni oru yo. Mu kahia ka ufwatulo wenyi wa ukwa hashi heswe muhaliwa, mumu makasulisa akwa hashi eswe liakulu, susumuku lume.

Zakaria 14:1

Limwe tangwa lia Yehova kulineza muze upite wenu wa kupupa makaupangila hakachi kenu.

Malaki 3:15

Haliapwila mutumona ngwe kawaha akwa kulizata. Akwa kulinga chipi kakuwaha, ni chikwo nawa muze meseka Zambi kakulilamwina.

Malaki 3:18

Henaho mba munuhandununa hakachi ka akwa ululi ni yingulungulu; hakachi ka mukwa kulingila Zambi ni yoze kamulingilile.

Malaki 3:2

Alioze iya mahasa kumana ha tangwa lia kwiza chenyi? Iya mahasa kujikiza ha kusoloka chenyi? Mumu iye kapwa ngwe kahia ka mukwa kupemesa oru; ngwe sabau ya kutomesa.

Malaki 3:3

Iye makatwama ngwe mukwa kuwahisa ni kupemesa prata. Makapemesa ana ja Levi, nikwawahisa ngwe oru ni prata ndo maneha milambu yize yinalite kuli Yehova.

Malaki 4:5

Mungunutuma profeta Eliya shimbu tangwa lize linene lia mwongo lia Yehova kanda Uchiheta.

Mateu 3:12

chifujilo chenyi mu kwoko lienyi chili, kumakapemesa liakulu chizungwilo chenyi, kumakakungila tiliku lienyi mu chila, alioze yizungu makayocha ni kahia kaze kukeshi kuhasa kujima.

Luka 19:43

Mumu matangwa kumakeza hali yena, muze akwa kole je makakutambika mulumba wa mavu ha kukujingilika, makakuseleka, makakukwata ha malumbu eswe.

Luka 21:20

Alioze muze munumona Yerusaleme hayijingilika ni yilombo ya maswalale, hohene nukanyingike ngwenu, Kukuwa chayo hichakundama.

Luka 6:23

Wahililenu ha tangwa lize, tumbwokenu ni uwahililo; mumu kwononona chenu chinene mwilu, mumu chizechene akako alingile kuli aprofeta.

2 A-TESALONIKA 1:8

mu kahia ka kulekwoka, akakale milonga ya waze kanyingikine Zambi, ni waze keshi kwononoka ku sango lipema lia Mwene wetu Yesu.

2 Petulu 3:7

Alioze malilu aze a haliapwila, ni hashi, ku liji limuwika hanayitulikila kahia, kanayifungu ndo ku tangwa lia upatwilo ni kwonwona cha yitanganyani.