Malaki 3:8 - MUKANDA USANDU WA ZAMBI 1975

⁸ Mutu mahasa kwiya kuli Zambi? Hindu yenu nunangwiyi. Alioze nunambe ngwenu, Tunakwiyi kuchi? Ha yihanda yenu ya kumi, ni milambu yenu.

Mukanda Wa Zambi 1970

⁸ Ngunanuhula ngwami, chinalite umwe mutu kwiya Zambi, nyi? Ka! Hindu nwakufunga. Ngwenu: ‘Ngwe kuchi twakukwiya?’ Ngwami hakutwala ku milambu ya Chihanda chimuwika ku yihanda kumi, ni milambu yikwo.

Malaki 3:8 Iomraidhean Croise

Miaso (Masamu) 29:2

Hanenu kuli Yehova ulemu uze unalite ni jina lienyi. Wayilenu Yehova mu upeme wa usandu.

Yishima 11:24

Kwali chihanyi kakuliwezela upite; kwali mukwa kumina chize chamutamba kuhana, hindu chatwala ku uswale wika.

Izaya 43:23

Kunwanehene kuli yami mapanga ha milambu ya kulumba. Kunwangulemesene ni yitapo yenu. Ami chanuvwishile kulema ni milambu, chanukatalishile ni libano.

Alevi 19:25

Alioze ha mwaka wamuchitano munukalia mihuko hanga yikeme ya kulumbama kuli yenu. Yami Yehova Zambi yenu.

Zakaria 5:3

Henaho yamba kuli yami ngwenyi, Lie shingo lienalio linayi chifuchi cheswe, mumu kulutwe mweswawo meya chuma mamusuma nikulita ni mukanda, ni mweswawo malishinga ni mahuza mamusutula nikulita nawo.

Malaki 1:13

Nwakwamba ngwenu, Ayi yikatalo yipwa haha. Mba nwakunyekununa. Chocho kanambe Yehova-wa-Tujita. Nwakuneha waze akwachika hanji yitonji, hanji akwa misongo; chenacho nwakuneha mulambu! Te munguchitambula ku kwoko lie? Chocho kanambe Yehova.

Malaki 1:8

Ha kulambula yimuna afwa-meso, achi hi chipi ko? Ha kulambula waze apwa yitonji, ni akwa misongo, achi hi chipi ko? Hanenu milambu yino kuli nguvulu yenu. Mawaha ni yenu? Manuvwila vumbi? Chocho kanambe Yehova-wa-Tujita.

Mateu 22:21

Ngwo, Cha Sesare. Hohene yamba kuli ayo ngwenyi, Hanenu kevwe kuli Sesare yuma ya Sesare; ni kuli Zambi yuma ya Zambi.

Marku 12:17

Yesu wambile kuli ayo ngwenyi, Hanenu kuli Sesare yuma ya Sesare, ni kuli Zambi yuma ya Zambi. O amukomokene chikolo.

Luka 20:25

Iye wambile kuli ayo ngwenyi, Mba hanenu kuli Sesare yuma ya Sesare, ni kuli Zambi yuma ya Zambi.

A-ROMA 13:7

Hanenu kashika kuli eswe yize Chanutamba kuhana kuli ayo; milambu kuli akwa kutela milambu; lijimu kuli akwa lijimu; woma kuli waze chatamba kwavwila woma; ulemu kuli akwa kutela ulemu.

A-ROMA 2:22

Yena wakwamba ngwe, Kanda ulinga utanji, yena wakulinga utanji, nyi? Yena wakuvwila kole mahamba, yena wakuhupa matembele, nyi?

Yoshua 7:11

A-Izalele hanavulumuna. Hanatangula usendo wami uze naatumine. Hanande yimwe ya yuma yajila. Haneyi, hahanjika mahuza, hayisweka hakachi ka yuma yo.