Malaki 3:5 - MUKANDA USANDU WA ZAMBI 1975

⁵ Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Mukanda Wa Zambi 1970

⁵ Mwene Zambi Mukwa Ndundo Jeswe kanambe ngwenyi: “Mungukasoloka mukachi kenu ni kunubatwila, mungukalimika ni akwa kupanda wanga, ni yitanji, ni akwa kulenya, ni waze akwiya fweto ya akwa milimo, ni waze akubinjisa mapwo waze haanafwisa malunga ni ana a shiwa ni yilambala, eswe waze keeshi kungulemesa.

Malaki 3:5 Iomraidhean Croise

Ubutukilo 20:11

Apalahama yamba ngwenyi, Mumu nanyonga ngwami, Akuno kukushi woma wa Zambi, kashika mangushiha mumu hali pwo liami.

Ubutukilo 42:18

Ha tangwa liamuchitatu José yamba kuli ayo ngwenyi, Lingenu chino hanga nutwame ni mwono, mumu ni yami woma wa Zambi nguli nawo.

Nehemia 5:15

Alioze akwa kuyula a kushi shimbu kanda ngwiza, o yaalisa kuli atu. Yatambula kuli ayo mbolo ni vinyu helu lia makumi awana a shekele ja prata. Chipwe tuvumbi two alumukine akwa kuyula atu. Alioze yami chalingile chocho mumu ha woma wa Zambi.

Jobe 31:12

muupwa kahia kakulalisa ndo ku Apandone, nikuwemena ndo ku chikota cha upite wami weswe.

Jobe 7:2

Aye kapwa ngwe ndungo yoze kanatalatala chihuhumuke, ngwe ngamba yoze unatalatala fweto yenyi.

Miaso (Masamu) 36:1

Utanguko wa chingulungulu kuunambe mu mbunge yami ngwo, Kukushi woma wa Zambi kumeso jenyi.

Miaso (Masamu) 81:8

Ivwenu atu jami mba mungukushindakenya Izalele! Nyi kachi wakungwivwa yami!

Miaso (Masamu) 96:13

kumeso ja Yehova mumu kaneza. Kaneza mukupatwila akwa hashi, kumakapatwila muno-muze ni ululi, ni mavungu kumakaapatwila ni umwenemwene.

Miaso (Masamu) 98:9

kumeso ja Yehova, mumu kaneza mukupatwila hashi. Kumakapatwila muno-muze ni ululi. Kumakapatwila mavungu ja atu nikulita.

Kutuhuka 1:17

Alioze yifunguji avwilile woma Zambi, kalingile ngwe mwanangana wa Engitu ambile kuli ayo, ka. Yatunga ni mwono ana a malunga.

Kutuhuka 18:21

Chikwo nawa ukalitalile malunga yitakame a kuli atu, a kuvwila woma Zambi, malunga amwenemwene, a kuvwila lwaji chipululu. Ukaapwise miata jo; akapwe akwa kuyula tununu twa atu, akwa kuyula makulakaji, akwa kuyula makumi atano, akwa kuyula kumi lia atu.

Kutuhuka 20:7

Kanda ukavuluka ni mahuza jina lia Yehova Zambi ye, mumu Yehova kechi kusambisa yoze mavuluka ni mahuza jina lienyi.

Kutuhuka 22:20

Yoze matambula kuli kazambi keswako shina Yehova wika, akamwonwone liakulu.

Yishima 16:6

Utu wa zango ni umwenemwene kuyakufwetela uhenge; ku woma wa Yehova atu kakuchina yipi.

Yishima 8:13

Woma wa Yehova unalumbunuka kulinwa ni chipi. Kunakulinwa ni kulengumuka, ni kulizata, ni ndako jipi, ni kanwa liapiya.

Izaya 57:3

Alioze kundamenu enu, ana ja nganga wa pwo; enu nwasemukine kuli chitanji ni chikoi.

Jeremia 23:10

Mumu chifuchi hichazala ni yitanji. Mumu chifuchi chinalinyenge ha mukunda wa shingo; kelo ja ku puya hijoma. Jila yo yipi; ngolo jo kujalulamine.

Jeremia 27:10

Mumu yize anaprofeteza kuli yenu mahuza kashika manuchiza ku chifuchi chenu ni yami mungukanuhumako, munukakuwa.

Jeremia 27:9

Kashika kanda nupanjika kuli aprofeta jenu, ni tahi jenu, ni akwa yilota jenu, hanji akwa munanyi jenu, hanji yimbanda jenu, waze anambe kuli yenu ngwo, Kunuchi kalingila mwanangana wa Babilonia.

Jeremia 29:23

Mumu halinga uhepuke mu Izalele; halinga utanji ni mapwo ja akwo, hanahanjika mu jina liami maliji a mahuza aze chaatumine. Yami ngunachinyingika ni yami nguli chela. Chocho kanambe Yehova.

Jeremia 42:5

O yamba kuli Jeremia ngwo, Yehova apwe chela wamwenemwene wa kushishika kutushindakenya nyi kutwalingile nikulita ni liji lieswe Yehova Zambi yenu manutuma nalio kuli yetu.

Jeremia 5:2

Chipwe akwamba ngwo, Ni mwono wa Yehova, hindu hanalishingi ni mahuza.

Jeremia 5:29

Kashika Yehova kanambe ngwenyi, Te chichi kwalamba mumu ha yino yuma? Chichi kukala milonga ha vungu limwe Hapwa ngwe lino nyi?

Alevi 19:13

Kanda nupinjisa mukwenu hanji kumupupa. Fweto ya ngamba kanda yitwama mu kwoko lie ndusu ufuku ndo chimene.

Alevi 20:10

Nyi umwe lunga malinga utanji ni pwo lia mukwo, eswe ni aali, lunga ni pwo, akaashihe.

Alevi 20:27

Lunga hanji pwo mukwa mahamba, hanji mukwa tufutafuta, munushiha. Munumwasa mawe. Manyinga jo akapwe hali ene.

Alevi 20:6

Nyi umwe mutu makatewulukila kuli akwa mahamba ni akwa tufutafuta nikulipwisa ngwe chikoi kuli ayo, mungusa meso jami a kulimika nenyi. Mungukamuteta hakachi ka atu jenyi.

Mika 1:2

Ivwenu enu eswe akwa mavungu; panjika ena hashi ni yuma yeswe yiliho, hanga Mwene Yehova akapwe chela wa kunushindakenya, mwe Mwene ku tembele yenyi yisandu.

Habakuke 1:12

Yehova Zambi yami! Mwe Musandu wami! Hi uli wa mutolo ko? Kashika kutuchi kufwa. Yehova hiunaatongola akapwe kastigu; yena lwe Luliwe, hiunaakolesa atufumbe.

Zakaria 11:12

Yingwamba ngwami, Nyi chanupemena-ngwehenu fweto yami. Nyi ka litwaminenu. Chocho yangupezalishila ha fweto yami makumi atatu a mbongo ja prata.

Malaki 1:6

Mwana kakulemesa tato; ni kavumbi kakuvwila woma mwata wenyi. Nyi nguli tatenu ulemu wami ulihiwo? Nyi nguli mwata woma nwakunguvwila ulihiwo? Chocho kanambe Yehova-wa-Tujita kuli yenu asasendote nwakulelesa jina liami. Enu nunambe ngwenu, Kuchi twalelesa jina lie?

Malaki 2:14

Nwakwamba ngwenu, Kuchi te kautambwile? Mumu Yehova wapwile chela cha usendo hakachi ka yena ni pwo lia ukweze we. Kwalalaminyine kuli iye, chipwe wapwile sepa lie ni pwo lie wa usendo.

Malaki 2:17

Hinwakatalisa Yehova ni maliji jenu. Hindu nwakwamba ngwenu, Twamukatalisa kuchi? Ha kwamba ngwenu, Mweswe kanalingi chipi, kanapeme kumeso ja Yehova, aye kakuwahilila no. Hanji ha kuhula ngwenu, Zambi ya upatwilo wa kulita kuli ali?

Luka 23:40

Alioze mukwo nikukumbulula wamukanjishile ngwenyi, Yena kushi woma chipwe wa Zambi, nyi? Se uli ni uhiso umuwika.

A-ROMA 3:8

Kuchi te kutushi kwamba (ngwe kanatusanyina, nikulita ngwe amwe kakushindakenya yetu twakwamba) ngwo, Tulingenu yipi hanga yipema yikeze? Upatwilo wo kuunalite ni ululi.

Shimbi 15:13

Ha kumutusula kuli yena, kanda umutusula mokomoko.

Shimbi 18:10

Kanda awana kuli yenu niumwe yoze masa mu kahia mwanenyi wa lunga hanji mwanenyi wa pwo, chipwe tahi, chipwe mukwa munanyi, chipwe mukwa kupanda, chipwe chimbanda,

Shimbi 24:17

Kanda nuhengesa upatwilo wa chilambala, chipwe wa shiwa, chipwe kanda nuchiza mazalo a twamishi kupwa chifungo,

Shimbi 27:19

Kashingiwa mutu yoze mahengesa upatwilo wa chilambala, ni wa shiwa, ni wa twamishi. Atu eswe até ngwo, Amene.

Shimbi 5:11

Kanda ukavuluka ni mahuza jina lia Yehova Zambi ye, mumu Yehova kechi kusambisa yoze mavuluka ni mahuza jina lienyi.

1 Tesalonika 4:6

Niumwe kanda ahiana akavulumune ndumbwenyi ha chuma chino: mumu Mwene iye mukwa kukala yino yuma yeswe, chizechene ngwe twanwambulwilile kulu twashindakenyene chikolo.

Hebreu 13:4

Umbachiso akaulemese kuli eswe, ni muhela kanda akausela ku luchisa: mumu mapangala ni yitanji Zambi kumakaapatwila.

Tiangu (Jake) 5:12

Alioze kuhiana yuma yeswe, mandumbu jami, kanda nulishinga, chipwe ni lilu, chipwe ni hashi, chipwe ni shingo likwo nilimwe: aiioze “ewa” yenu yikapwe “ewa”, ni “ka” yenu yikapwe “ka”; hanga kunuchi kulimbukila mu upatwilo.

Tiangu (Jake) 5:4

Talenu, fweto ya akwa milimo jenu waze hanachi minda yenu, yize nwaalimwine, kuyakuteta; ni miteto ya waze hanachi hiyinanjila mu matwi ja Mwene wa yizavu ya tujita.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.

Usolwelo 22:15

Haze atwama tuwa ni akwa kupanda, ni yitanji, ni yingalwe, ni akwa kukombelela mahamba, ni mweswawo wakufwila, wakutomba mahuza.