Malaki 3:4 - MUKANDA USANDU WA ZAMBI 1975

⁴ Henaho mulambu wa Yunda ni Yerusaleme muuwahila Yehova ngwe ha matangwa a shakulu, miaka ya kushi.

Mukanda Wa Zambi 1970

⁴ Hohene milambu yize mahako ni akwa Yerusaleme akuneha kuli Mwene Zambi muyikamuwahila ngwe mwaka wali.

Malaki 3:4 Iomraidhean Croise

1 Sango Ja Mianangana 15:26

Zambi wakwashile A-Levi waze ambachile mushete wa usendo wa Yehova kashika alambwile yitapo ya kuji a ngombe shimbiali ni kuji a mapanga shimbiali.

1 Sango Ja Mianangana 21:26

Mba David yatungako chilumbilo kuli Yehova. Yalambulako milambu ya kulumba, ni milambu ya sambukila nikutambika ha jina lia Yehova. Aye mwilu yamukumbulula ni kahia ha chilumbilo cha mulambu wa kulumba.

2 Sango Ja Mianangana 1:6

Solomone wakandukile ku chilu mbilo cha unengu kumeso ja Yehova ku mbalaka ya chikungulwila. Yalambwilaho kanunu ka milambu ya kulumba.

Miaso (Masamu) 51:17

Yitapo ya Zambi, spiritu yize yinamakuka. Yena Zambi kushi kulelesa mbunge yize ya kulimakuna nikulikehesa.

Miaso (Masamu) 51:19

Henaho muwahilila ni yitapo ya ululi, ni milambu ya kulumba, ni milambu ya muwundu ya kulumba: henaho makalambula ngombe ha chilumbilo che.

Izaya 56:7

wano mungwaneha ku mulundu wami lisandu, ni kwaaha uwahililo mu zuwo liami lia kulembela. Milambu yo ya kulumba ni yitapo yo mungutambula ha chilumbilo chami; mumu zuwo liami malitongola ngwo, Zuwo lia kulembela lia mavungu eswe.

Zakaria 8:3

Yehova kanambe ngwenyi, Mungukahiluka ku Zaione, mungukatwama hakachi ka Yerusaleme, mba makatongola Yerusaleme ngwo, Chihunda cha jika, ni mulundu wa Yehova-wa-Tujita, makautongola ngwo, Mulundu usandu.