Malaki 3:3 - MUKANDA USANDU WA ZAMBI 1975

³ Iye makatwama ngwe mukwa kuwahisa ni kupemesa prata. Makapemesa ana ja Levi, nikwawahisa ngwe oru ni prata ndo maneha milambu yize yinalite kuli Yehova.

Mukanda Wa Zambi 1970

³ Makeza ni kusopesa ngwe yoze unabemesa prata. Ngwe chize mukwa utotombo akubemesa prata ni oru, Chenacho kanganda ka Mwene Zambi makabemesa mahako hanga akanehe milambu yize yinalite.

Malaki 3:3 Iomraidhean Croise

Miaso (Masamu) 116:17

Munguhana kuli yena mulambu wa kusakwila. Mungusanyika ha jina lia Yehova.

Miaso (Masamu) 4:5

Lambulenu yitapo ya ululi, fulielenu muli Yehova.

Miaso (Masamu) 4:6

Anji kakwamba ngwo, Iya matulweza chuma chipema? Yehova, hetula pangu lia meso je hali yetu.

Miaso (Masamu) 50:14

Lambulenu kuli Zambi chitapo cha kusakwila. Fwetenu yilakenyo yenu kuli mwe Chitunda.

Miaso (Masamu) 50:23

Mweswawo malambula chitapo cha kusakwila kakunguchichimieka. Yoze malulika kanawa kwenda chenyi mungumusolwela ulamwino wa Zambi.

Miaso (Masamu) 51:19

Henaho muwahilila ni yitapo ya ululi, ni milambu ya kulumba, ni milambu ya muwundu ya kulumba: henaho makalambula ngombe ha chilumbilo che.

Miaso (Masamu) 66:10

Mumu yena Zambi, hiwatweseka; hiwatutomesa ngwe akweseka prata.

Yishima 17:3

Ndeho ya kupemesena prata ni lutengo wa kupemesena oru; alioze Yehova kakweseka mbunge.

Yishima 25:4

Chiza yinganga ku prata mba mukusoloka musenge uze muulita ni mwe fuli.

Izaya 1:25

Mungutalikisa kwoko liami likalimike ni yenu, mba mungusangununa yinganga ye ngwe ni sabau nikuchiza yuma yeswe ya kuchinga.

Izaya 48:10

Hinanupemesa, alioze hi ngwe prata ko, hinanweseka mu lutengo wa luyinda.

Izaya 61:6

Alioze yenu manutongola ngwo, Asasedote ja Yehova, atu manufumanyisa ngwo, Tuvumbi twa Zambi yetu. Munukalia upite wa mavungu, nikulisamba mu yikumba yo.

Jeremia 9:7

Kashika chocho kanambe Yehova-wa-Tujita, Mungwapemesa ni kahia, mungwaeseka. Chikwo chika munguhasa kulinga kuli atu jami?

Ezekiel 20:38

Mungukachiza akwa kukolema hakachi kenu ni waze eswe akunguvulumuna; mungukaachiza ku chifuchi kuze atwamine njize, alioze kechi kanjila mu chifuchi cha Izalele. Henaho munukanyingika yami nguli Yehova.

Daniel 11:35

Amwe akwa mana makalimbuka hanga akaeseke nikwapemesa ni kwatomesa chipwe ndo ku mwaka wa kusula. Hindu che chuma muchitwaminyina mwaka wa kufunjika.

Daniel 12:10

Anji malipemesa, ni kulitomesa, ni kulieseka; alioze yingulungulu malinga ungulungulu; mba yino yuma kuyichi kulumbunuka kuli niumwe chingulungulu. Alioze muyilumbunuka kuli waze ali ni mana.

Hosea 14:2

Twalenu maliji nukahiluke kuli Yehova nukambe kuli iye ngwenu, Chiza kama uhenge weswe; tambula kama chize chinapeme mba mutukwaha mihuko ya mivumbo yetu.

Zakaria 13:9

Mba chino chihanda chamuchitatu mungukachisa mu kahia nikwapemesa chize atu kakupemesa prata. Mungukaeseka ngwe akweseka oru. Kumakatambika ha jina liami, mba mungukaakumbulula. Mungukamba ngwami, O atu jami. O makamba ngwo, Yehova iye Zambi yami.

Malaki 4:1

Mumu Yehova-wa-Tujita kanambe ngwenyi, Talenu, tangwa kulineza nikuyila ngwe lutengo, muze akwa kulizata eswe, ni eswe akwa kulinga yipi makapwa ngwe mwambu, ni tangwa lize lineza mulikaaocha mba kechi kalisalaho chipwe muji chipwe mutango.

Kwalula 8:6

Ukachize A-Levi hakachi ka A-Izalele; ukaapemese.

Luka 3:16

Yoano waakumbulwile eswe, ngwenyi, Yami chamwenemwene, nakunupapachisa mu meya; alioze kumeza yoze wakangana kuhiana yami, yoze lusapo wa ku haku jenyi chatelele kumujitula; iye kumakanupapachisa muli Spiritu Musandu ni mu kahia.

A-ROMA 12:1

Kashika, ngunaliumbu kuli yenu mandumbu, ku keke ya Zambi, nutumbikile mijimba yenu chitapo cha mwono, chisandu, chakupemena chikolo kuli Zambi, uno we uvumbiko wenu wakulita ni kunyonga cha mana.

A-ROMA 15:16

Hanga ngukapwe kavumbi ka Kristu Yesu kuli akwa mavungu, nikulinga ngwe uvumbiko wa sasendote mu sango lipema lia Zambi, hanga akwa mavungu akapwe mulambu wa kupemena chikolo, kanausela ku usandu kuli Spiritu Musandu.

Filipu 2:17

Ewa, nyi kachi mangutehuna ngwe mulambu wa kunwa ha chitapo cha kulingila cha Ufulielo wenu, kachi munguwahilila, mungulikwiza hamwe ni yenu eswe.

Filipu 4:18

Alioze yuma yeswe nguli nayo; nguli nayo ya kulumbama: ngunazala tò, se natambwile kuli Epafwonditu yuma yize nwatumine, lupembo mupema, chitapo cha kupemena chikolo kuli Zambi.

2 Timoteu 4:6

Mumu himungutehuka, mwaka wa kutusuka chami hiweza.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

Hebreu 12:10

Mumu o chamwenemwene, atulambile ha kutufumba ha matangwa akehe nikulita ngwe chaawahilile, aiioze iye hanga tukafumbuke, hanga tukaliangane ha usandu wenyi.

1 Petulu 1:7

hanga kweseka cha Ufulielo wenu, ulemu wahiana chikolo oru yize ya kutoka, chipwe mayeseka ni kahia, akauwane wa uhaliso ni uhenya ni ulemu ha usolwelo wa Yesu Kristu:

1 Petulu 2:5

Ni yenu nawa, ngwe mawe a mwono, kananutungu kupwa zuwo lia uspiritu, kupwa asasendote asandu, mukulambula yitapo ya uspiritu, ya kupemena chikolo kuli Zambi ku tachi ja Yesu Kristu.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa:

Usolwelo 1:6

watupwishile wanangana, asasendote kuli Zambi yenyi kanda Tato; uhenya ni ndundo yikapwe kuli iye ndo ku miaka ya mutolo. Amene.

Usolwelo 3:18

Ngunakwehe mana ngwami, Ulande kuli yami oru ya kusaya ku kahia, hanga ukapwe pichi, ni mahina atoma hanga uzale, hanga sonyi ja uselesele we kujichi kusoloka; ni yitumbo ya meso ya kukwita meso je, hanga umone.

Usolwelo 5:10

mba Waapwishile kuli Zambi yetu wanangana ni asasendote, o kumakayula hashi.