Malaki 3:2 - MUKANDA USANDU WA ZAMBI 1975

² Alioze iya mahasa kumana ha tangwa lia kwiza chenyi? Iya mahasa kujikiza ha kusoloka chenyi? Mumu iye kapwa ngwe kahia ka mukwa kupemesa oru; ngwe sabau ya kutomesa.

Mukanda Wa Zambi 1970

² Alioze iya makahasa kujikiza ha tangwa lize? Iya makahasa kubwa ni mwono muze makasoloka? Kumakabwa ngwe savo (sabau) ya tachi, hanji ngwe kahia kaze kakubemesa utale.

Malaki 3:2 Iomraidhean Croise

Ubutukilo 19:28

Yatala ku Sondome ni Ngomora, ni ku chifuchi cheswe cha chana. Kumanyi mwishi wa chifuchi unafwinji ngwe mwishi wa lutengo.

Jobe 28:1

Kuuli mungochi kuze akuchiza prata; Kukuli kuma kwa oru yize akupemesa.

Miaso (Masamu) 130:3

Nyi yena Yehova mufunjika uhenge, Mwene! iye majikiza?

Miaso (Masamu) 2:7

Kumungwambulula ye shimbi: Yehova hanambe kuli yami ngwenyi, Yena uli mwanami; tangwa lino hinakusema.

Miaso (Masamu) 76:7

Yena, yena mwene chatamba kukuvwila woma. Iya mamana kumeso je nyi hiwatenuka?

Yishima 25:4

Chiza yinganga ku prata mba mukusoloka musenge uze muulita ni mwe fuli.

Izaya 1:18

Yehova kanambe ngwenyi, Tweyenu tulishimwinye hamuwika. Chipwe milonga yenu yachila nge, kumuyipwa yitoma ngwe neve. Chipwe yahiana kuchila, muyalumuka ngwe wanda utoma.

Izaya 33:14

Woma hiweza hali yivulumunyi mu Zaione; yitanganyanyi kanachikima. Iya hakachi ketu mahasa kutwama ni kahia ka kulalisa? Iya hakachi ketu mahasa kutwama ni mbwemena ya miaka yeswe?

Izaya 4:4

Muze te Mwene hanasanyisa luchisa wa mapwo a mu Zaione ni kuchiza yipeka ya manyinga ku Yerusaleme hakachi ko ni Spiritu ya upatwilo ni Spiritu ya kwocha;

Jeremia 2:22

Chipwe musana ni soda ni sabau yinji hindu luchisa wa uhie we kwali kumeso jami. Chocho kanambe Mwene Yehova.

Ezekiel 22:14

Hamu lienu mulihasa kulinduluka, hanji moko jenu mahasa kujikiza ha matangwa aze muze mungusopa ni yenu? Yami Yehova hinachamba, mba mungukachilinga.

Daniel 11:35

Amwe akwa mana makalimbuka hanga akaeseke nikwapemesa ni kwatomesa chipwe ndo ku mwaka wa kusula. Hindu che chuma muchitwaminyina mwaka wa kufunjika.

Joele 2:11

Mba Yehova kakuhanjika lundunjila kulutwe lia tujita twenyi. Mumu chizavu chenyi cha tujita chinene, ni waze mamanununa shimbi jenyi akwa tachi. Mumu tangwa lia Yehova linene; kole ni mwongo! Iya malihasa?

Nahume 1:6

Iya mahasa kulikoleza ku ufwatulo wenyi? Iya mahasa kujikiza mu chivukuminya cha utenu wenyi? Kakuzukula ufwatulo wenyi ngwe kahia; kakupula ndusu yimawe.

Zakaria 13:9

Mba chino chihanda chamuchitatu mungukachisa mu kahia nikwapemesa chize atu kakupemesa prata. Mungukaeseka ngwe akweseka oru. Kumakatambika ha jina liami, mba mungukaakumbulula. Mungukamba ngwami, O atu jami. O makamba ngwo, Yehova iye Zambi yami.

Malaki 4:1

Mumu Yehova-wa-Tujita kanambe ngwenyi, Talenu, tangwa kulineza nikuyila ngwe lutengo, muze akwa kulizata eswe, ni eswe akwa kulinga yipi makapwa ngwe mwambu, ni tangwa lize lineza mulikaaocha mba kechi kalisalaho chipwe muji chipwe mutango.

Mateu 25:10

Alioze shimbu ayile mukulanda, sandungi wejile; ni waze alulikile anjilile hamwe nenyi ku ulungi; mba ajilile pito.

Marku 9:3

mahina jenyi alumukine a kupeyima, atoma ahiana ngwe neve, ngwe mukwa kutomesa mahina hano hashi niumwe mahasa kwatomesa.

Luka 2:34

Semone waawahishile, wambile kuli naye Maria ngwenyi, Yono hanamusela ha kulimbuka ni ha kukatuka cha anji mu Izalele; akapwe chilayi chize anachihamikina.

Luka 21:36

Alioze lenu ha shimbu lieswe, nikuliumba, hanga nukakumbe, nupuluke ku yino yuma yeswe kumuyikapwa, nukamane kumeso ja mwe Mwana Mutu.

Luka 3:17

Chifujilo chenyi mu kwoko lienyi chili, kumakapemesa liakulu chizungwilo chenyi; iye kumakakungika tiliku mu chila yenyi; alioze yizungu kumakayocha ni kahia kaze kukeshi kuhasa kujima.

Luka 3:9

Chipwe haliapwila hanase njimbu ku miji ya mitondo; kashika mitondo yize yeswe kuyishi kwima mihuko yipema, mayipakula, mayimbila mu kahia.

Luka 7:23

Kawaha mweswawo kechi kanguvwila sonyi.

Yoano 8:55

Kunwamunyingikine: alioze yami nakumunyingika; kachi mungwamba ngwami, Chamunyingikine, kachi mungupwa mukwa mahuza ngwe yenu; alioze nakumunyingika, nakufunga liji lienyi.

Hebreu 12:25

Talenu kanda nulituna yoze unahanjika. Mumu kachi kapulukile muze alitunyine yoze waatumbile hano hashi, kachi kuhiana chikolo yetu kutuchi kuputuka kachi mutumba manyima kuli yoze unafumbu mwilu:

Usolwelo 19:8

Mba amuhelecho azale linyu lia kutemuka, lipema; mumu hina lia linyu lipema, ye yitanga ya ululi ya asandu.

Usolwelo 2:23

Mungukashiha ana jenyi ni kufwa; ni yikungulwila yeswe kumanyingika yami nguli yoze wakuhengula muchima ni mu mbunge: mba mungukahana kuli mweswe wa kuli yenu nikulita ni yitanga yenu.

Usolwelo 6:17

Mumu tangwa linene lia utenu wenyi hilineza, mba iya mahasa kumana?

Usolwelo 7:14

Nambile kuli iye ngwami, Mwene wami, yena unanyingika. Iye wambile kuli yami ngwenyi, Waze anatuhuka mu luyinda munene, hanakoso mahina jo ja ngungu, hanaatomesa mu manyinga ja mwe Mwanapanga.

1 Samuel 6:20

Mba A-Mbete-Shemeshe ambile ngwo, Iya mahasa kumana kumeso ja Yehova, yono Zambi musandu? Kuli iya makanduka atweche yetu?