Malaki 3:12 - MUKANDA USANDU WA ZAMBI 1975

¹² Mavungu eswe makanutongola ngwo, Kunwawaha, mumu munukapwa chifuchi cha uwahililo. Chocho kanambe Yehova-wa-Tujita.

Mukanda Wa Zambi 1970

¹² Hohene mavungu eswe maakanuvuluka ngwo: ‘Kunwawaha,’ mumu chifuchi chenu muchikabwa muma mubema mwakutwama.”

Malaki 3:12 Iomraidhean Croise

Zakaria 8:23

Yehova-wa-Tujita kanambe ngwenyi, Ha matangwa aze kumi lia malunga a ku mavungu ja malimi eswe makakwata ku hina lia mutu umuwika Ka-Yunda nikwamba ngwo, Tutayize kuya ni yena mumu hitwevwa lufuma ngwo, Zambi hwali hamwe ni yenu.

Izaya 61:9

Ana jo makaanyingika hakachi ka mavungu; waze masemuka kuli ayo makaanyingika hakachi ka minyachi. Waze eswe makaamona makaatayiza ngwo, Atu a kuwahisa kuli Yehova.

Izaya 62:4

Kechi kanutongola nawa ngwo, A kwehuka; chifuchi chenu kechi kachitongola nawa ngwo, Cha woya. Alioze makanutongola ngwo, Uwahililo wami watwamamo; ni chifuchi chenu makachitongola ngwo, Cha ulo, mumu Yehova kanawahilila muli yenu, ni chifuchi chenu muchipwa cha ulo.

Luka 1:48

Mumu hanatale ulelu wa ndungo yenyi wa pwo; Mumu chize ku haliapwila ndo ku miaka, Yisemuko yeswe kumuyikanguvuluka ngwo, Kawaha.

Daniel 11:41

Makanjila nawa mu chifuchi cha uhenya, ni anji makaanunguna. Alioze wano makapuluka ku kwoko lienyi: Endome, ni Moape, ni akwa lutwe ja A-Amone.

Daniel 8:9

Mu mbinga yimwe mwasokele kambinga kakwo, yikatatuka kuhiana kutalikisa ku Sule, ni ku Chivumbuko, ni ku chifuchi cha uhenya.

Jeremia 33:9

Ni chihunda chino kumuchikapwa kuli yami jina lia uwahililo, ni uhaliso, ni uhenya kumeso ja mavungu eswe a hashi waze mevwa yipema yize yeswe mungwalinga. O kumakevwa woma ni kuchikima mumu ha yipema yeswe ni kuwaha cheswe mungwalingila.

Miaso (Masamu) 72:17

Jina lienyi kumulikalinduluka lia mutolo; jina lienyi kumulikalinduluka miaka yeswe tangwa mulikalinduluka. Atu eswe makaawahisa muli iye. Mavungu eswe makamuvuluka ngwo, Kawaha.

2 Sango Ja Mianangana 32:23

Anji anehene milambu kuli Yehova mu Yerusaleme, ni yuma ya ndando yikalu kuli Hezekia mwanangana wa Yunda; kashika chize ku matangwa aze iye watunjile kumeso ja mavungu eswe.

Shimbi 11:12

chifuchi anachifungu kuli Yehova Zambi yenu. Meso ja Yehova Zambi yenu kwaliho matangwa eswe, chize ku kuputuka cha mwaka ndo ha kusula cha mwaka.

Malaki 3:13

Yehova kanambe ngwenyi, Maliji jenu hapwa a tachi a kulimika ni yami. Hindu nwakwamba ngwenu, Kuchi twakwamba kulimika ni yena?

Izaya 62:5

Mumu chizechene ngwe mukweze kakumbata virgem, chocho ana jenu manumbata; chizechene ngwe sandungi kakwivwa chiseke ni mwe ndungi, chocho nawa Zambi yenu mevwa chiseke ni yenu.