Malaki 3:1 - MUKANDA USANDU WA ZAMBI 1975

¹ Ngunatumu kanganda kami akalulike jila yami kulutwe liami, mba Mwene yoze nunamufupu meza susumuku mu tembele yenyi. Yehova-wa-Tujita kanambe ngwenyi, Kanganda ka usendo yoze nunawahilila nenyi, kumanyi kaneza.

Mukanda Wa Zambi 1970

¹ Mwene Zambi Mukwa Ndundo Jeswe kanakumbulula ngwenyi: “Mungukatuma kanganda kami ni kungululikila jila. Hohene Mwene Zambi yoze nunatalatala kumeza susumuku ku zuwo lienyi. Kanganda yoze nunevwila usona kumeza akambujole Usendo wami.”

Malaki 3:1 Iomraidhean Croise

Miaso (Masamu) 110:1

Yehova kanambe kuli Mwene wami, ngwenyi, Twama ku chindume chami ndo mungupwisa akwa kole je chitwamo cha yiliato ye.

Kutuhuka 23:20

Mungutuma mungelo kulutwe lie mukukufunga mu jila, mukukuhetesa kuze hingunalulika.

Kutuhuka 23:21

Ulifunge kumeso jenyi, uhalakane ku liji lienyi. Kanda ukamuvwisa kupiha mumu iye kechi kukonekena uvulumunyi we, mumu jina liami lili muli iye.

Izaya 40:10

Mwene Yehova kaneza ni ndundo, kwoko lienyi linamukwachila chiyulo. Kwononona chenyi kaneza nacho, fweto yenyi yinamutetekela.

Izaya 63:9

Mu huli lio lieswe iye wamwene huli, mba mungelo wa kumeso jenyi waalamwinyine. Ni zango lienyi ni keke yenyi waakulile; waazundwile, waambachile matangwa eswe a shakulu.

Izaya 7:14

Kashika Mwene iye mwene makwaha chilayi. Nyingika, umwe *virgem maseseka, masema mwana wa lunga, mamuluka jina—Emanuele.

Izaya 9:6

Mumu kuli yetu hikwasemuka umwe kemba, kuli yetu hahana umwe mwana wa lunga. Chiyulo kumuchikapwa ha chipaya chenyi, ni jina lienyi mamuluka ngwo, Longeshi wa mana mukwa kukomwesa, Zambi ya Ndundo, Tata ya Miakulwila, Mwanangana wa Sambukila.

Hagai 1:13

Mba Hagaia mwe kanganda ka Yehova yambulula kuli atu lusango wa Yehova ngwenyi, Yehova kanambe ngwenyi, Kunguli hamwe ni yenu.

Malaki 2:4

Chocho mununyingika yami hinatuma shimbi yino kuli yenu, hanga usendo wa yami ni Levi ukakole. Chocho kanambe Yehova-wa-Tujita.

Malaki 2:7

Mumu mivumbo ya sasendote chatamba kufunga yinyingi. Chatamba atu akafupe shimbi ku kanwa lienyi, mumu iye kanganda ka Yehova-wa-Tujita.

Malaki 4:5

Mungunutuma profeta Eliya shimbu tangwa lize linene lia mwongo lia Yehova kanda Uchiheta.

Mateu 11:14

Nyi kachi munupala kuchitambula, iye mwe Eliya yoze meza.

Luka 1:76

Ewa, ni yena mwana, kumakakuvuluka ngwo, Profeta wa mwe Chitunda: mumu kumukaya kulutwe lia meso ja Mwene mukululika majila jenyi;

Luka 19:47

Iye wapwile nikulongesa tangwa ha tangwa mu tembele, ni asasendote akwa lutwe ni akwa kusonyeka ni akwa lutwe ja atu afupile kumwonwona.

Luka 2:11

Mumu musono, mu limbo lia David, Chilamwina kanasemuka kuli yenu, iye Kristu mwe Mwene.

Luka 2:38

Iye, nikukanduka ha ola yize yene, wasakwililile Zambi, wahanjikile ha kutwala kuli iye kuli waze eswe ataliletalile ukule wa Yerusaleme.

Luka 2:46

Kulutwe lia matangwa atatu, amuwanyine mu tembele, kanatwama mukachi ka alongeshi, kanaapanjika, kanaahula yihula.

Yilinga 19:4

Paulu wambile ngwenyi, Yoano chamwenemwene wapapachishile ni upapachiso wa kulikonyeka, nikwamba kuli atu, akafuliele yoze meza kunyima yenyi, Yesu te.

Yilinga 7:38

Yono wapwile mu chikungulwila mu puya, hamwe ni mungelo yoze wahanjikile kuli iye ha mulundu wa Sinai, ni hamwe ni tulamba twetu: iye watambwile maliji a mwono hanga akatweho: