Malaki 2:8 - MUKANDA USANDU WA ZAMBI 1975

⁸ Alioze yenu hinwahambuluka mu jila; hinwatalingisa anji ni shimbi jenu; hinwalumbula usendo wa Levi. Chocho kanambe Yehova-wa-Tujita.

Mukanda Wa Zambi 1970

⁸ “Alioze yenu mahako, hinwapiasuka mu jila yibema. Longeso lienu hiliapiangula anji. Hinwashiha Usendo uze nakolesele ni yenu.

Malaki 2:8 Iomraidhean Croise

1 MIANANGANA 16:11

Mba sasendote Urija yatunga chilumbilo nikulita ni cheseko chize cheswe mwanangana Ahaze hatuma, chocho sasendote Urija yachilinga hanga mwanangana Ahaze achiwane ha kukatuka ku Ndamaseku.

Nehemia 13:29

Ewuluke Zambi yami, mumu hachisa usasendote, ni usendo wa usasendote, ni wa A-Levi.

Miaso (Masamu) 119:102

Chahambulukile ku upatwilo we, mumu yena wangulongesele.

Miaso (Masamu) 18:21

Mumu hingunafungu majila ja Yehova, chehukile Zambi yami ni ungulungulu.

Yishima 12:8

Makachichimieka lunga nikulita ni mana jenyi; alioze makalelesa mukwa mbunge ya kupiya.

Izaya 30:11

Hichikenu ye jila, hambulukenu mu chikoka; kanda twivwa nawa ha kutwala kuli mwe Musandu wa Izalele.

Izaya 59:13

Twakuvulumuna, twakulikala Yehova, twakuhambuluka mu jila ya kukaula Zambi yetu, twakuhanjika kupinjisa ni kukolema, twakunyonga mu mbunge maliji a mahuza, twakwahanjika nawa.

Izaya 9:16

mumu tusongo twa vungu lino kakwapiangula, ni akwa kwakaula kanaazemuna.

Jeremia 17:13

Yehova, yena uli kutalatala cha Izalele. Akwa kukwehuka eswe mevwa sonyi. Waze eswe makakatuka kuli yena maasoneka hashi, mumu hanehuka Yehova, lie fuji lia meya a mwono.

Jeremia 17:5

Yehova kanambe ngwenyi, Kashingiwa mutu yoze unafuliela mutu, kakutenga atu a musunya kwoko lienyi, mbunge yenyi yakutewuluka kuli Yehova.

Jeremia 18:15

Alioze atu jami hananguvulama. Kakwochela insensu mazambi eka. Hanatalinga mu majila jo, mu matapalo akulu, hanakondoloka mu tumajila twa ku malumbu hi tapalo ko.

Jeremia 2:8

Asasendote kambile ngwo, Yehova kuli ali? Akwa kukwata ku shimbi kangunyingikine; akwa kuyula anguvulumwine; aprofeta aprofetezele ni jina lia Mbale, ni kukaula yuma kuyafumbwile.

Ezekiel 22:26

Asasendote jenyi hatangula shimbi jami ni kujilula yuma yami yisandu. Kasele chinyingi hakachi ka yuma yisandu ni yuma yeswayo; kalongesele atu kusa chinyingi hakachi ka yuma ya luchisa ni yuma yipema. Halelesa masambata jami, chocho yami napwa kuli ayo wa kujilula.

Ezekiel 44:10

Alioze A-Levi waze ayile kusuku ni yami nikunguhichika kukaula mahamba muze A-Izalele apiangukile; o makatambula kastigu yo.

Ezekiel 44:12

Se aavumbikile kumeso ja mahamba jo nikwalumuka chitalingiso cha uhenge kuli akwa munyachi wa Izalele, kashika ha kutwala kuli ayo, yami Mwene Yehova hinalishinga ngwami, Kumakatambula kastigu yo.

Ezekiel 44:7

Kanda nutayiza tundaka, yilima mu mbunge jo ni mu musunya wo, kunjila mu zuwo liami lisandu ni kuyijilula, muze nwakungulambula kulia chami, maji ni manyinga. Hinwatangula usendo wami ni yitanga yenu yeswe ya lwaji.

Hosea 4:6

Atu jami hanaonwona mumu ha kuhona yinyingi. Se hinwambila yinyingi, kashika ni yami ngunanumbila ku usasendote wami. Se hinwavulama shimbi ya Zambi yenu, ni yami nawa munguvulama ana jenu.

Alevi 21:15

kuchina majilula ana jenyi hakachi ka atu jenyi. Mumu yami Yehova mukwa kumusela ku usandu.

Zefania 3:4

Aprofeta jenyi alelu, akwa mafwefwe; asasendote jenyi kakuchisa yuma yisandu ni kutangula shimbi.

Malaki 1:6

Mwana kakulemesa tato; ni kavumbi kakuvwila woma mwata wenyi. Nyi nguli tatenu ulemu wami ulihiwo? Nyi nguli mwata woma nwakunguvwila ulihiwo? Chocho kanambe Yehova-wa-Tujita kuli yenu asasendote nwakulelesa jina liami. Enu nunambe ngwenu, Kuchi twalelesa jina lie?

Malaki 2:5

Usendo wa yami ni iye wapwile usendo wa mwono ni sambukila. Namuheleyo hanga akevwe woma; mba yanguvwilawo; yachikimina jina liami.

Kwalula 25:12

Kashika, amba ngwe, Ngunanwehe iye usendo wami wa sambukila.

Kwalula 25:13

Kumuukapwa kuli iye ni kuli ana jenyi kulutwe lienyi, we usendo wa usasendote wa mutolo; mumu te iye yevwa ukwa mumu hali Zambi yenyi, yafukila A-Izalele.

A-ROMA 14:21

Chinawaha kulitwamina kulia yifwo, chipwe kunwa vinyu, chipwe kulinga chuma chimwe chize mahukanyisa nacho ndumbwe, hanji matalinga, hanji malela.

Hebreu 3:12

Kanyamenu, mandumbu, kuchina hanji muyipwa muli umwe hakachi kenu mbunge ya ungulungulu ya kuhona Ufulielo, ha kukatuka kuli Zambi ya mwono.

1 Samuel 2:17

Kashika mulonga wa wano akweze wapwile unene chikolo kumeso ja Yehova mumu mulambu wa Yehova te hiwalumuka chizelwokeso kuli atu.

1 Samuel 2:24

Hi chocho ko anami; mumu lufuma ngunevu hi mupema ko. Nwakuvulumwisa atu a Yehova.

1 Samuel 2:30

Kashika Yehova Zambi ya Izalele kanambe ngwenyi, Chamwenemwene nambile ngwami, Munyachi we ni munyachi wa tatenu kumakenda kumeso jami ndo ku miaka ya mutolo. Alioze haliapwila Yehova kanambe ngwenyi, Chikapwe kusuku ni yami, mumu waze mangulemesa ni yami mungwalemesa, alioze waze mangulelesa kumakasauka.