Malaki 2:7 - MUKANDA USANDU WA ZAMBI 1975

⁷ Mumu mivumbo ya sasendote chatamba kufunga yinyingi. Chatamba atu akafupe shimbi ku kanwa lienyi, mumu iye kanganda ka Yehova-wa-Tujita.

Mukanda Wa Zambi 1970

⁷ Milimo ya mahako yili kulongesa yinyingi yamwenemwene ya Zambi. Atu chaatamba kuya kuli ayo hanga aalongese upale wami, mumu mahako kaali tunganda twa yami Mwene Zambi Mukwa Ndundo Jeswe.

Malaki 2:7 Iomraidhean Croise

1 MIANANGANA 16:11

Mba sasendote Urija yatunga chilumbilo nikulita ni cheseko chize cheswe mwanangana Ahaze hatuma, chocho sasendote Urija yachilinga hanga mwanangana Ahaze achiwane ha kukatuka ku Ndamaseku.

1 MIANANGANA 16:16

Chocho sasendote Urija yalinga nikulita ni shimbi jeswe mwanangana Ahaze yamwaha.

2 Sango Ja Mianangana 30:22

Ni Hezekia yahanjika ni kulembejeka A-Levi eswe waze alongolokele ni uvumbiko wa Yehova. Chocho alile ndusu chiwanyino cha matangwa shimbiali, nikulambula yitapo ya milambu ya sambukila, nikushikisa kuli Yehova, Zambi ya tulamba two.

2 Sango Ja Mianangana 31:4

Chikwo nawa yatuma atu a mu Yerusaleme akahane chihanda cha asasendote ni A-Levi hanga o akalitumbikile ku shimbi ya Yehova.

Ezra 7:10

Mumu Ezera te hanase mbunge yenyi kufupa shimbi ja Yehova, ni kujilinga, ni kulongesa A-Izalele yiyulo ni upatwilo.

Ezra 7:25

Ni yena, Ezera, nikulita ni mana a Zambi ye aze uli no, ukatongole akwa kuyula ni ngaji akayule atu eswe ali lize sali lia Lwiji, waze eswe ananyingika shimba ja Zambi ye. Ni yoze kajinyingikine umulongesejo.

Yishima 5:2

hanga ukafunge maseliekela; mivumbo ye yikafunge yinyingi.

Longeshi 5:5

Kulakenya ni kufweta ka achi chipi; Shinaho kanda ulakenya nichimwe.

Izaya 42:19

Iya wapwa kapuputa ngwe kavumbi kami? Iya wapwa kafwa-matwi ngwe kanganda kami yono ngunatumu? Iya wapwa kapuputa ngwe yoze unalitumbikila kuli yami? Iya wapwa kapuputa ngwe kavumbi ka Yehova?

Izaya 44:26

kakukolesa liji lia kavumbi kenyi, kakulinga longeso lia mikeji jenyi; kakwamba ha kutwala ku Yerusaleme ngwenyi, Atu matwamamo; kakwamba ha kutwala ku yihunda ya Yunda ngwenyi, Kumuyikatungiwa; mungutungulula yize yapuzuka.

Jeremia 15:19

Kashika Yehova kanambe ngwenyi, Nyi muhiluka mungukuhuzulula, mba mukamana kumeso jami. Nyi muwamba chize chinaleme, hi chize ko chamokomoko, kumuopwa ngwe kanwa liami. O matalikisa kuli yena, hi yena ko mutalikisa kuli ayo.

Jeremia 18:18

Henaho ambile ngwo, Tuyenu tukatwame punga Jeremia. Mumu shimbi kuyichi kutokela sasendote, hanji chiyulo kuli mukwa mana, hanji liji kuli profeta. Tuyenu tukamulambe ni limi. Kanda tupanjika ku maliji jenyi niamwe.

Jeremia 2:8

Asasendote kambile ngwo, Yehova kuli ali? Akwa kukwata ku shimbi kangunyingikine; akwa kuyula anguvulumwine; aprofeta aprofetezele ni jina lia Mbale, ni kukaula yuma kuyafumbwile.

Ezekiel 22:26

Asasendote jenyi hatangula shimbi jami ni kujilula yuma yami yisandu. Kasele chinyingi hakachi ka yuma yisandu ni yuma yeswayo; kalongesele atu kusa chinyingi hakachi ka yuma ya luchisa ni yuma yipema. Halelesa masambata jami, chocho yami napwa kuli ayo wa kujilula.

Ezekiel 7:26

Lamba linakaula lamba. Saki jinakaula saki. Kanafupu usolwelo kuli profeta alioze ye shimbi hiyatoka kuli sasendote, ni chiyulo hichatoka kuli makulwana.

Daniel 11:33

Ni akwa mana hakachi ka atu makalongesa anji. Hindu makafwa ni katana, ni kahia, ni ufunge, ni kwapwisa ngwe upite wa jita, matangwa anji.

Hosea 4:6

Atu jami hanaonwona mumu ha kuhona yinyingi. Se hinwambila yinyingi, kashika ni yami ngunanumbila ku usasendote wami. Se hinwavulama shimbi ya Zambi yenu, ni yami nawa munguvulama ana jenu.

Alevi 10:11

Nukalongese A-Izalele yiyulo yeswe yize Yehova haakunjika kuli Mose.

Zefania 3:4

Aprofeta jenyi alelu, akwa mafwefwe; asasendote jenyi kakuchisa yuma yisandu ni kutangula shimbi.

Hagai 1:13

Mba Hagaia mwe kanganda ka Yehova yambulula kuli atu lusango wa Yehova ngwenyi, Yehova kanambe ngwenyi, Kunguli hamwe ni yenu.

Zakaria 7:3

akahule asasendote a zuwo Iia Yehova-wa-Tujita ni aprofeta ngwenyi, Changutamba kulinyenga ni kulitwamina kulia ha kakweji wamuchitano chizechene ngwe nakulinga miaka yino yinji nyi ka?

Malaki 3:1

Ngunatumu kanganda kami akalulike jila yami kulutwe liami, mba Mwene yoze nunamufupu meza susumuku mu tembele yenyi. Yehova-wa-Tujita kanambe ngwenyi, Kanganda ka usendo yoze nunawahilila nenyi, kumanyi kaneza.

Kwalula 27:21

Amane kumeso ja sasendote Eleazare, iye mamuhulila ku upatwilo wa Urimi kumeso ja Yehova; ku liji lienyi o akapwe nikutuhwoka, ni ku liji lienyi akapwe nikunjilanjila, neye ni A-Izalele eswe hamwe nenyi, che chikungulwila cheswe.

Yoano 13:20

Pundu, pundu, ngunambe kuli yenu ngwami, Yoze matambula mweswe mungumutuma, mangutambula yami; ni yoze mangutambula, matambula yoze ngutumine.

Yoano 20:21

Yesu kashika wambile kuli ayo cheka nawa ngwenyi, Sambukila kuli yenu: chizechene ngwe Tata hanangutumu, chocho ni yami nawa ngunanutumu.

Yilinga 16:17

Iye nikukaula kunyima ya Paulu ni yetu, wakololokele ngwenyi, Wano atu e ndungo ja Zambi mwe Chitunda, waze akunwambulwila jila ya ulamwino.

2 Korintu 5:20

Kashika yetu tuli tunganda twa Kristu, ngwe Zambi kanaliumbu ku liji lietu: tunahanjikila Kristu nikuliumba ngwetu, Wanenu ni Zambi.

Galashia 4:14

chize chapwile chuma chikalu kuli yenu mu musunya wami kunwachilelesele, chipwe kunwalitunyinecho; alioze nwangutambwile ngwe mungelo wa Zambi, ngwe Kristu Yesu.

Shimbi 21:5

Asasendote, ana a Levi akundame, mumu Yehova Zambi yenu hanaatongola, kumuvumbika, mukuwahisa ni jina ha Yehova, mba nikulita ni liji lio chocho akapatule kulihangujola cheswe ni kulilamba cheswe.

Shimbi 24:8

Nukanyame ni musongo wa mbumba, nutale kanawa, nulinge nikulita ni yeswe manulongesa kuli asasendote, A-Levi, ngwe hinaamba, chocho nukanyame kulinga.

1 Tesalonika 4:8

Kashika yoze malituna, malituna hi atu ko, alioze Zambi, yoze wakunwaha Spiritu yenyi Musandu.

1 Samuel 2:17

Kashika mulonga wa wano akweze wapwile unene chikolo kumeso ja Yehova mumu mulambu wa Yehova te hiwalumuka chizelwokeso kuli atu.