Malaki 2:6 - MUKANDA USANDU WA ZAMBI 1975

⁶ Shimbi liamwenemwene liapwile mu kanwa lienyi; chipi nichimwe kachiwanyine ha mivumbo yenyi. Waliendelele ni yami ni sambukila ni ululi; watembwile anji ku uhenge.

Mukanda Wa Zambi 1970

⁶ Yaalongesa umwenemwene, hi kwonga ko. Te kaakulikata ni yami. Kaalingile ko yibema ayo ene wika, alioze yaakwasa atu akwo anji hanga ehuke yibi.

Malaki 2:6 Iomraidhean Croise

Ubutukilo 17:1

Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

Ubutukilo 6:9

Yino ye yisemuko ya Noe. Noe wapwile mukwa ululi, keshi kapalia mu chisemuko chenyi. Noe waliendelele ni Zambi.

Miaso (Masamu) 119:142

Ululi we kuwapwa wa mutolo. Shimbi ye we umwenemwene.

Miaso (Masamu) 119:151

Yena Yehova uli hakamwihi. Shimbi je jeswe kujapwa we umwenemwene.

Miaso (Masamu) 37:30

Kanwa lia mukwa ululi kuliakuhana mana, limi lienyi kuliakuhanjika chiyulo.

Miaso (Masamu) 37:37

Usele chinyingi hali mutu mungunu; tala mwe mukwa kululama, mumu songo lienyi mulipwa sambukila.

Yishima 5:2

hanga ukafunge maseliekela; mivumbo ye yikafunge yinyingi.

Jeremia 23:22

Alioze nyi kachi apwile mu punga yami, kachi alumbunwine maliji jami kuli atu jami, kachi aatembwile ku jila yo yipi ni ku wupi wa yilinga yo.

Daniel 12:3

Waze ali ni mana kumakapanguka ngwe pangu lia mwilu. Waze matewulwila anji ku ululi makapanguka ngwe matongonoshi ndo ku miaka yeswe ya mutolo.

Hosea 4:6

Atu jami hanaonwona mumu ha kuhona yinyingi. Se hinwambila yinyingi, kashika ni yami ngunanumbila ku usasendote wami. Se hinwavulama shimbi ya Zambi yenu, ni yami nawa munguvulama ana jenu.

Mateu 22:16

Atumine kuli iye tumbaji two, hamwe ni A-Heronde, ngwo, Longeshi, tunanyingika yena uli wamwenemwene, wakulongesa jila ya Zambi nikulita ni umwenemwene, kushi kuvwila woma niumwe: mumu kushi katonde kuli atu.

Marku 12:14

O muze ahetele, yamba kuli iye ngwo, Longeshi, tunanyingika yena uli wamwenemwene, kushi kuvwila woma niumwe; mumu kushi ni katonde kuli atu, alioze kuwakulongesa jila ya Zambi ni umwenemwene, ngwetu, Muchilita ni shimbi shina kuhana lijimu kuli Sesare, nyi? Shina ka?

Luka 1:6

O, eswe aali, apwile akwa ululi kumeso ja Zambi, kanende mu maliji eswe a shimbi ni upatwilo wa ululi wa Mwene, keshi kapalia.

Luka 20:21

O amuhulile, ngwo, Longeshi, tunanyingika yena wakwamba, wakulongesa ni ululi, kushi katonde kuli atu, alioze wakulongesa jila ya Zambi nikulita ni umwenemwene.

Yilinga 26:18

Mukulawisa meso jo, hanga akatewuluke ku milima ndo ku pangu, ku tachi ja Satana ndo kuli Zambi, hanga akatambule ukonekeno wa milonga, ni chihinga hakachi ka waze hanaasela ku usandu ku Ufulielo kuli yami.

Shimbi 33:10

Makalongesa Yakomba upatwilo we. Makalongesa Izalele shimbi je. Makasa insensu kumeso je. Makasa milambu ya kulumba ya muwundu ha chilumbilo che.

Shimbi 33:8

Ha kutwala kuli Levi yamba ngwenyi, Tumimi twe ni Urimi we, kuyili kuli mukwa uwayilo we, yoze wamwesekele ku Masa, walitachikile nenyi ku meya a Meripa.

Shimbi 33:9

Yoze te wambile ha kutwala kuli tato ni naye ngwenyi, Chaasele mbunge. Katayijile usoko wenyi. Katalile kuli ana jenyi. Mumu wafungile liji lie, katangwile usendo we.

Usolwelo 14:5

Mu makanwa jo kawanyine mahuza niamwe, keshi kapalia.

1 Samuel 2:12

Ana ja Eli o apwile atu amokomoko. Kanyingikine Yehova.