Malaki 2:2 - MUKANDA USANDU WA ZAMBI 1975

² Yehova-wa-Tujita kanambe ngwenyi, Nyi kunuchi kupanjika ni kuchisa mu mbunge kuchichimieka jina liami mungutuma shingo hali yenu. Yiwape yenu munguyishinga, chipwe haliapwila hinayishinga kulu mumu chino chuma kunwachisele mbunge.

Mukanda Wa Zambi 1970

² Chanutamba kungulemesa ha yize nwakulinga. Nyi kunusolo kubanjika yize ngunambe, mungunushinga. Mungulunga nawa yuma yize nwakutambula ha milimo yenu ya uhako. Ni mwene, hinayishinga kulu, mumu kunwasele ko mbunge ku Shimbi jami.

Malaki 2:2 Iomraidhean Croise

Miaso (Masamu) 69:22

Mesa yo yikalumuke kambwila kumeso jo. Muze matwama nikuhwima, chikalumuke muheto kuli ayo.

Yishima 3:33

Shingo lia Yehova lili ha zuwo lia chingulungulu, alioze kakuwahisa muze mwatwama mukwa ululi.

Izaya 42:25

Kashika wazukwile hali iye kusasaminya cha utenu wenyi, hamwe ni ndundo jenyi ja jita. Wamuchochekele kahia kwa kujingilika, alioze kuchamulumbunukine. Wamwochele alioze kachisele mbunge.

Izaya 47:7

Yiwamba ngwe, Munguyula miaka yeswe, kashika yino yuma kwayisele mbunge, chipwe kwiwuluka songo liayo.

Izaya 57:11

Iya wamuvwilile woma ni mwongo, kashika wahanjikile mahuza, kwangwiwulukile, kwangunyongene chipwe kamuwika? Nahola kwami ha shimbu linene, kashika kwanguvwilile nawa woma.

Jeremia 34:17

Kashika Yehova kanambe ngwenyi, Kunwononokene kuli yami kwambujola utuswilo, mutu mweswe kuli usoko wenyi ni kuli mwenyembo wenyi. Kashika yami mungutusula hali yenu katana, ni chilungo, ni kapunga. Chocho kanambe Yehova. Kumunukapwa chuma cha lwaji ku mavungu eswe a hashi.

Ezekiel 3:7

Alioze akwa munyachi wa Izalele kechi kukwivwa, mumu kazangile kungwivwa yami. Mumu akwa munyachi wa Izalele eswe kali ni mahuma akalu, ni mbunge ja pami.

Hagai 1:6

Hinwalima chinji, alioze hinwacha chikepe. Nunali, alioze kunwakuchile. Nunanu alioze pwila kuyahwile. Nwazala, alioze eswe chishika nunevu. Ni yoze wakulingila fweto, kakulingila fweto akayise mu njeke yikwete yituwa.

Hagai 1:9

Nwataliletalile chinji, alioze chapwile chikehe, ni muze nwachinehene ku zuwo nachifujile—opu! Yehova-wa-Tujita kanahula ngwenyi, Kuchi te? Mumu ha zuwo liami lize Unatwama lia kupuzula shimbu yenu nunahondangana mutu mweswe ni zuwo Henyi mwene.

Malaki 2:1

Kashika, enu asasendote, shimbi yino kuli yenu yili.

Malaki 3:9

Nunashingiwa ni shingo mumu ha kwiya kuli yami, lie vungu lienu lieswe.

Luka 17:18

Kaawanyine niamwe akuhiluka nikuchichimieka Zambi, shina yono chilambala wika.

Yoshua 7:19

Henaho Yoshua yamba kuli Akane ngwenyi, Mwanami lemesa Yehova Zambi ya Izalele, ukashikise kuli iye. Ngwambulwile chize walinga. Kanda unguswekelacho.

1 Petulu 4:11

Kachi umwe mahanjika ahanjike ngwe iye liji lia Zambi; kachi umwe mavumbika, avumbike ngwe ku ngolo jize akumwaha Zambi: hanga mu yuma yeswe achichimieke Zambi ku tachi ja Yesu Kristu, yoze uhenya ni ndundo niyenyi ndo ku miaka yeswe ya mutolo. Amene.

Usolwelo 14:7

Iye yamba ni liji linene ngwenyi, Ivwenu woma wa Zambi, numuchichimieke; mumu ola ya upatwilo wenyi hiyeza: wayilenu yoze watangile lilu ni hashi ni kalunga-lwiji ni mafuji ja meya.

Usolwelo 16:9

Ni atu apapiwile ni chivukuminya chinene: mba ashililikile jina lia Zambi, yoze wapwile ni chiyulo ha lamba lino: aiioze kalikonyekene akamuchichimieke.