Malaki 2:16 - MUKANDA USANDU WA ZAMBI 1975

¹⁶ Yehova, Zambi ya Izalele kanambe ngwenyi, Mumu kulakula changupihila ni yoze mapihisa mazalo jenyi ni upupilo. Chocho kanambe Yehova-wa-Tujita. Kashika keyelenu kuli yenwene; kanda nupwa ni mafwefwe.

Mukanda Wa Zambi 1970

¹⁶ Mwene Zambi, Zambi ya Aisraele kanambe ngwenyi: “Nakubihilila ni mutu yoze malakula pwo lienyi. Nakubihilila ni uswii uze. Sako tachi, kanda ukolema chilakenyo che kuli pwo lie.”

Malaki 2:16 Iomraidhean Croise

Miaso (Masamu) 73:6

Kashika kulengumuka kuchaajingilika ku kota ngwe kalenge ka uhenya. Upupilo kuwapwa kuli ayo ngwe mazalo.

Yishima 28:13

Mweswe masweka uvulumunyi wenyi kechi kawaha; alioze mweswe maushikisa nikuumbila mawana keke.

Yishima 5:20

Mumu kuchi te ena mwanami, muliwahise ni pwo weka? Kuchi te mukwata ku tulo ya kandaka?

Izaya 28:20

Mumu muhela wahiha naye, mutu kahashile kutandalaho, ni kanyime wakeha naye, mutu kahashile kulifuka nenyi.

Izaya 50:1

Yehova kanambe ngwenyi, Mukanda wa noko, wa kumulakula ulihiwo, uze namulakwile nawo? Nanuhanyine tombo kuli iya hakachi ka akwa mikuli yami? Nwalanjiwile mumu ha uhenge wenu; ha Utanguko wenu ahumine noko.

Izaya 59:6

Wandajili wo kuuchi kupwa uzalo, niumwe mahasa kulifuka ni milimo yo. Yilinga yo yitanga ya uhenge, yitanga ya upupilo yili mu moko jo.

Luka 16:18

Mweswawo malakula mukwo-pwo, mambata weka, malinga utanji; ni mweswawo mambata yoze hanamulakula kuli mukwo-lunga, malinga utanji.

1 Korintu 7:10

Alioze kuli waze hanalimbata ngunambe, hindu hi yami ko alioze Mwene ngwenyi, Pwo kanda alihandununa kuli mukwo-lunga: