Malaki 2:10 - MUKANDA USANDU WA ZAMBI 1975

¹⁰ Te eswe hi tata umuwika ko? Katutangile kuli Zambi umuwika? Nyi chocho kuchi te twakulinga ni mafwefwe umwe kuli mukwo ni mukwo nikujilula usendo wa tulamba?

Mukanda Wa Zambi 1970

¹⁰ Eswe hituli ana a tata umuwika ko, nyi? Katutangile ko kuli Zambi umuwika, nyi? Kuchi mba twakukolema chilakenyo chetu umwe ni mukwo? Kuchi mba twakulelesa Usendo uze Zambi akolesele ni tushakulu twetu?

Malaki 2:10 Iomraidhean Croise

Nehemia 13:29

Ewuluke Zambi yami, mumu hachisa usasendote, ni usendo wa usasendote, ni wa A-Levi.

Jobe 31:15

Yoze wangutangile mu jimo kamutangile iye nawa? Ngwami umuwika watuwumbile mu jimo.

Miaso (Masamu) 100:3

Nyingikenu ngwenu, Yehova iye Zambi, iye watutangile, tuli ninyenyi. Tuli atu jenyi; tuli mapanga a ku kelo jenyi.

Kutuhuka 19:4

Nwamwene chize nalingile kuli A-Engitu, ngwe yami nanumbachile ha mapulwa ja pupa nikunuhetesa kuli yami mwene.

Kutuhuka 19:5

Kashika haliapwila, nyi munuzeya chamwenemwene ku liji liami nikufunga usendo wami, mba kumunukapwa kuli yami upite wami wa kutongola hakachi ka mavungu eswe, mumu hashi heswe ha mbala ha yami.

Kutuhuka 24:3

Mose yaya, yambulwila atu maliji eswe a Yehova ni chiyulo cheswe. Atu eswe akumbulwile ni liji limuwika ngwo, Maliji ano eswe Yehova hahanjika kumutukaalinga.

Kutuhuka 24:7

Iye yanda we mukanda wa usendo, yautanga hanga atu akevwe. O yamba ngwo, Ye yeswe hahanjika Yehova yetu kumutukayilinga. Kumutukononoka.

Izaya 43:1

Alioze haliapwila Yehova yoze waatangile yena Yakomba, yoze wakuwumbile yena Izalele, kanambe ngwenyi, Kanda wivwa woma mumu hinakukula; hinakutongola ha jina lie, uli niwami.

Izaya 43:15

Yami nguli Yehova, Musandu wenu, Tangi ya Izalele, mwe Mwanangana wenu.

Izaya 43:7

waze eswe naalukile jina liami, waze naatangile ha uhenya wami, ni kwawumba ni kwalinga.

Izaya 44:2

Yehova yoze wakutangile, wakuwumbile mu jimo makakukwasa, kanambe ngwenyi, Kanda wivwa woma kavumbi kami Yakomba, ena Yeshurene nakutongwele.

Izaya 51:2

Talenu kuli kalamba kenu Apalahama, kuli Sara yoze wanusemene, mumu shimbu te achili umuwika namusanyikine, namuwahishile, namupwishile anji.

Izaya 63:16

Mumu yena uli Tata, chipwe Apalahama katunyingikine, chipwe Izalele katutayijile. Yena Yehova, uli Tata. Chize ku shakulu jina lie ngwo, Mukwa-Kutukula.

Izaya 64:7

Kukushi yoze unatambika ha jina lie; yoze malisunga kukukwata. Mumu yena hiwasweka meso je kuli yetu, hiwatukunjika ku tachi ja uhenge wetu.

Izaya 64:8

Hindu, Yehova, uli Tata. Etu tuli uma, ena uli tengi. Etu eswe tuli chitanga cha moko je.

Jeremia 31:9

Meza nikulila, mungwakoka ni kwalembejeka. Mungwaendesa ku yitwetwe ya meya mu jila yimwe yalulama muze kechi katalinga; mumu nguli tato kuli A-Izalele. Eframe mwe mwanami mutangu.

Ezekiel 33:24

Mwana mutu, wano atwama mu yihela yino ya kwenyeka mu chifuchi cha Izalele kakwambamba ngwo, Apalahama wapwile mutu umuwika, hindu wazukile chifuchi; mba yetu tuli anji; hatwaha chifuchi tukachizuke.

Malaki 1:6

Mwana kakulemesa tato; ni kavumbi kakuvwila woma mwata wenyi. Nyi nguli tatenu ulemu wami ulihiwo? Nyi nguli mwata woma nwakunguvwila ulihiwo? Chocho kanambe Yehova-wa-Tujita kuli yenu asasendote nwakulelesa jina liami. Enu nunambe ngwenu, Kuchi twalelesa jina lie?

Malaki 2:11

Yunda halinga ni mafwefwe; halinga chuma cha kuvwisa lwaji mu Izalele ni mu Yerusaleme. Mumu Yunda hajilula tembele ya Yehova yize iye kanazange; hambata mwana wa zambi umwe wa tundaka.

Malaki 2:8

Alioze yenu hinwahambuluka mu jila; hinwatalingisa anji ni shimbi jenu; hinwalumbula usendo wa Levi. Chocho kanambe Yehova-wa-Tujita.

Mateu 10:21

Alioze mukulwana makakunjika mwanakwo ku kufwa, ni tato makunjika mwanenyi: ni ana makakatukila yisemi jo akaashihe.

Mateu 22:16

Atumine kuli iye tumbaji two, hamwe ni A-Heronde, ngwo, Longeshi, tunanyingika yena uli wamwenemwene, wakulongesa jila ya Zambi nikulita ni umwenemwene, kushi kuvwila woma niumwe: mumu kushi katonde kuli atu.

Mateu 3:9

kanda nushinginyeka kwamba muli yenwene ngwenu, Apalahama tuli nenyi kaka: mumu ngunambe kuli yenu ngwami, Chipwe ku mawe ano Zambi mahasa kusangula ana kuli Apalahama.

Luka 1:73

Shingo lize walishingile kuli kulwetu Apalahama,

Luka 3:8

Imenu kashika mihuko ya kutela kulikonyeka, kanda nuputuka kwamba mu mbunge jenu ngwenu, Apalahama tuli nenyi kulwetu; mumu ngunambe kuli yenu ngwami, Ku mawe ano Zambi kanahase kusangula ana kuli Apalahama.

Yoano 8:39

Amukumbulwile ngwo, Kulwetu iye Apalahama. Yesu yamba kuli ayo ngwenyi, Kachi nwapwa ana a Apalahama, kachi nwalinga yitanga ya Apalahama.

Yoano 8:41

Yenu nwakulinga yitanga ya tatenu. Ambile kuli iye ngwo, Yetu kutwasemukine ku utanji; Tata umuwika tukwete, iye Zambi.

Yoano 8:53

Yena uli munene Wahiana kulwetu Apalahama, mwenawo wafwile? Ni aprofeta afwile: unalipwisa iya?

Yoano 8:56

Kulwenu Apalahama walikwijile kumona tangwa liami; iye walimwene, wawahililile.

Yilinga 17:24

Zambi yoze watangile hashi ni yuma yeswe yiliho, iye se kapwa Mwenya lilu ni hashi, keshi kutwama mu matembele a kutangiwa ni moko;

Yilinga 17:25

chipwe keshi kumulingila ni moko ja atu ngwe anahono chuma chimwe, se iye mwene kakuhana kuli eswe mwono, ni mwiku, ni yuma yeswe;

Yilinga 17:26

iye watangile ku manyinga amuwika mavungu eswe a atu mukutwama ha kuzazuluka cheswe cha hashi, se afunjikile miaka yo yize waselele kushi, ni manjiza ja yihela yo:

Yilinga 7:2

Eshetevau wambile ngwenyi, Mandumbu ni atata, ivwenu ngwami, Zambi ya uhenya wasolokele kuli kulwetu Apalahama, muze apwile mu Mesopotamia, shimbu kanda atwama mu Ha-rane,

Yilinga 7:26

Ha tangwa likwo, wasolokele kuli ayo shimbu machizwela, wafupile kwawanyisa ni sambukila ngwenyi, Malunga, yenu nuli mandumbu; ika te nunalilingi chipi?

A-ROMA 4:1

Mba kuchi mutwamba? Apalahama kulwetu nikulita ni musunya hanawane chika?

A-ROMA 9:10

Hi chize ko wika; alioze Rebeka nawa se wasesekele ufumba kuli umwe, iye kulwetu Izake.

1 Korintu 8:6

Hindu kuli yetu, kwali Zambi umuwika, mwe Tata, yuma yeswe yinakatuka kuli iye, ni yetu tuli hali iye; ni Mwene umuwika, Yesu Kristu, kuli iye yuma yeswe yinakatuka, ni yetu kuli iye.

Efesu 4:25

Kashika nikumbila mahuza, hanjikenu umwenemwene mweswe ni mwenyembo wenyi; mumu tuli yihanda yimwe ya mukwo.

Efesu 4:6

Zambi umuwika, Tato ya eswe, yoze uli helu lia eswe, ni kuli eswe, ni muli yetu eswe.

1 Tesalonika 4:6

Niumwe kanda ahiana akavulumune ndumbwenyi ha chuma chino: mumu Mwene iye mukwa kukala yino yuma yeswe, chizechene ngwe twanwambulwilile kulu twashindakenyene chikolo.

Hebreu 12:9

Chikwo nawa, twapwile ni atata a mu musunya akutulamba ha kufumba, twaalemesene: Shinaho chikolo kutuchi kuzeyela kuli Tato ya maspiritu, tukapwe ni mwono, nyi?

Yoshua 24:3

Nachijile kalamba kenu Apalahama mu sali lia Lwiji, namusongwelele ndusu chifuchi cheswe cha Kanana. Nokesele ana jenyi. Namuhele Izake.