Malaki 1:6 - MUKANDA USANDU WA ZAMBI 1975

⁶ Mwana kakulemesa tato; ni kavumbi kakuvwila woma mwata wenyi. Nyi nguli tatenu ulemu wami ulihiwo? Nyi nguli mwata woma nwakunguvwila ulihiwo? Chocho kanambe Yehova-wa-Tujita kuli yenu asasendote nwakulelesa jina liami. Enu nunambe ngwenu, Kuchi twalelesa jina lie?

Mukanda Wa Zambi 1970

⁶ Mwene Zambi Mukwa Ndundo Jeswe kanambila mahako ngwenyi: “Mwana kakulemesa tato, ni kavumbi kakulemesa mwata wenyi. Yami nguli tatenu, kuchi mba kunushi kungulemesa? Nguli mwata wenu, kuchi mba kunushi kungusa vumbi? Nwakungulelesa, hindu nwakuhula ngwenu: ‘Ngwe kuchi nwakungulelesa?’

Malaki 1:6 Iomraidhean Croise

Miaso (Masamu) 123:2

Ngwe meso ja akwa milimo matala ku kwoko lia mwata wo, ngwe meso ja mwana-pwo matala ku kwoko lia ndona yenyi, chocho meso jetu kanatale kuli Yehova Zambi yetu ndo matuvwila vumbi.

Kutuhuka 20:12

Lemesa tatenu ni noko, hanga matangwa je akapwe anji mu chifuchi chize Yehova Zambi ye kanakwehe.

Yishima 17:6

Ajikulu kapwa chipangula cha makulwana; uhenya wa ana, atato.

Yishima 30:11

Kuchili chisemuko chakutukana atato; keshi kuwahisa anaye.

Yishima 30:17

Liso lize liakuyunga tato, Kakulelesa lufumbo wa naye; yikwakwalo a mu chikulo makalitombongona; ana ja pupa makalilia.

Izaya 1:2

Malilu, panjikenu. Hashi, neha matwi je. Mumu Yehova hanahanjika. Hinalela ana ni kwahoka, alioze hanangukatukila.

Izaya 43:23

Kunwanehene kuli yami mapanga ha milambu ya kulumba. Kunwangulemesene ni yitapo yenu. Ami chanuvwishile kulema ni milambu, chanukatalishile ni libano.

Izaya 45:10

Lamba kuli yoze mamba kuli chisemi ngwenyi, Yika unaseme? Hanji kuli pwo ngwenyi, Unafumbajala neka?

Izaya 64:7

Kukushi yoze unatambika ha jina lie; yoze malisunga kukukwata. Mumu yena hiwasweka meso je kuli yetu, hiwatukunjika ku tachi ja uhenge wetu.

Izaya 64:8

Hindu, Yehova, uli Tata. Etu tuli uma, ena uli tengi. Etu eswe tuli chitanga cha moko je.

Jeremia 23:11

Ni profeta ni sasendote eswe ni aali yitanganyanyi. Chipwe mu zuwo liami hinawana ungulungulu wo. Chocho kanambe Yehova.

Jeremia 3:4

Ngwami haliapwila wangusanyika ngwe, Tata, uli sepa lia ukweze wami—

Jeremia 31:9

Meza nikulila, mungwakoka ni kwalembejeka. Mungwaendesa ku yitwetwe ya meya mu jila yimwe yalulama muze kechi katalinga; mumu nguli tato kuli A-Izalele. Eframe mwe mwanami mutangu.

Jeremia 35:16

Ana ja Jonadabe mwana Rekabe hafunga shimbi yize kalamba ko waahele, alioze vungu lino kuliangwononokenene.

Ezekiel 22:26

Asasendote jenyi hatangula shimbi jami ni kujilula yuma yami yisandu. Kasele chinyingi hakachi ka yuma yisandu ni yuma yeswayo; kalongesele atu kusa chinyingi hakachi ka yuma ya luchisa ni yuma yipema. Halelesa masambata jami, chocho yami napwa kuli ayo wa kujilula.

Hosea 12:8

Eframe hanambe ngwenyi, Ewa, alioze nguli pichi, hinapita yuma yinji ya yami mwene. Alioze upite wenyi weswe kuuchi kuhasa kufwika uhie wenyi nilimwe tangwa.

Hosea 4:6

Atu jami hanaonwona mumu ha kuhona yinyingi. Se hinwambila yinyingi, kashika ni yami ngunanumbila ku usasendote wami. Se hinwavulama shimbi ya Zambi yenu, ni yami nawa munguvulama ana jenu.

Hosea 5:1

Enu asasendote, ivwenu chino! Enu munyachi wa Izalele, panjikenu! Enu munyachi wa mwanangana, halakanenu! Upatwilo unatwala kuli yenu, mumu hinwapwa kambwila ku Mizepa, hinwapwa wanda wa kuta ku Tabore.

Alevi 19:3

Enu eswe mutu ni mutu nukalemese noko ni tatenu. Nukafunge Sambata jami. Yami Yehova Zambi yenu.

Zefania 3:4

Aprofeta jenyi alelu, akwa mafwefwe; asasendote jenyi kakuchisa yuma yisandu ni kutangula shimbi.

Malaki 2:1

Kashika, enu asasendote, shimbi yino kuli yenu yili.

Malaki 2:10

Te eswe hi tata umuwika ko? Katutangile kuli Zambi umuwika? Nyi chocho kuchi te twakulinga ni mafwefwe umwe kuli mukwo ni mukwo nikujilula usendo wa tulamba?

Malaki 2:8

Alioze yenu hinwahambuluka mu jila; hinwatalingisa anji ni shimbi jenu; hinwalumbula usendo wa Levi. Chocho kanambe Yehova-wa-Tujita.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Mateu 15:4

Mumu Zambi wahanyine shimbi ngwenyi, Lemesa tatenu ni noko: chikwo nawa, yoze mahanjika yipi hali tato hanji naye, akafwe.

Mateu 15:6

Mba kuchamutambile kulemesa nichimwe tato hanji naye. Hinunalelesa liji lia Zambi mumu ha ndongo jenu.

Mateu 19:19

Lemesa tatenu ni noko, uzange mwenyembo we chizechene ngwe wakulizanga yena mwene.

Mateu 6:9

Ngwe chino kashika lembenu ngwenu, Tata uli mu malilu, jina lie lipwe lisandu.

Mateu 7:21

Hi mweswe ko mamba kuli yami ngwenyi, Mwene, Mwene, makanjila mu wanangana wa malilu, alioze yoze wakulinga upale wa Tata yoze uli mu malilu.

Marku 10:19

Unanyingika maliji a shimbi ngwo, Kanda ushiha, Kanda ulinga utanji, Kanda wiya, Kanda ushindakenya mahuza, Kanda ulaka, Lemesa tatenu ni noko.

Marku 7:10

Mumu Mose wambile ngwenyi, Lemesa tatenu ni noko; chikwo ngwenyi, Yoze mahanjika yipi hali tato hanji naye, akafwe lume:

Luka 10:29

Alioze iye, nikuzanga kulisambisa, wambile kuli Yesu ngwenyi, Mba mwenyembo wami iya?

Luka 18:20

Unanyingika shimbi ngwo, Kanda ulinga utanji, kanda ushiha, kanda wiya, kanda ushindakenya mahuza, lemesa tatenu ni noko.

Luka 6:36

Pwenu akwa keke kashika chizechene ngwe Tatenu nawa iye mukwa keke.

Luka 6:46

Kuchi te nunanguvuluka ngwenu, Mwene, Mwene, alioze kunushi kulinga yuma yize ngunambe?

Efesu 6:2

Ngwo, Lemesa tatenu ni noko; yenayo ye shimbi yitangu yikwete chilakenyo,

Shimbi 1:31

Ni mu puya, nwamwenemo ngwe Yehova Zambi yenu anumbachile ngwe lunga mambata mwanenyi, mu jila yeswe nwayilemo, ndo nwejile kuno.

Shimbi 32:6

Chocho munukundulula kuli Yehova, enu atu a uhepuke ni lwelia? Te hi tatenu ko? Yoze wanutangile, wanuwumbile, wanukolesele?

Shimbi 5:16

Lemesa tatenu ni noko ngwe Yehova Zambi ye yakwamba, hanga matangwa je akapwe anji, hanga Utwame kawape mu chifuchi chize Yehova Zambi ye kanakwehe.

1 Petulu 1:17

Nyi kachi nwakumutongola ngwenu, tata yoze keshi katonde, kakupatula nikulita ni chitanga cha mutu ni mutu, endenu ni woma, wenyi wenu weswe: