Malaki 1:12 - MUKANDA USANDU WA ZAMBI 1975

¹² Alioze yenu nwakulijilula ha kwamba ngwenu, Mesa ya Yehova hiyapwa ya luchisa, ni kulia chayo mutuhasa kuchilelesa.

Mukanda Wa Zambi 1970

¹² Alioze yenu nwakungulelesa muze nwakwamba ngwenu, chilumbilo chami chili chamokomoko, ni muze nwakulambula ho yakulia yize nwakulelesa.

Malaki 1:12 Iomraidhean Croise

2 Samuel 12:14

Hindu mwe mwana hiwasema kumafwa lume, mumu ha chino chitanga hiwahana kuli akwa kole ja Yehova unjililo wa kusaula.

Ezekiel 41:22

chilumbilo cha mutondo. Chizundamo chacho mbandu jitatu, usuhe wacho mbandu jiali, ni utohe wacho mbandu jiali. Mbango jacho, ni umanyino wacho, ni malumbu jacho yapwile ya mutondo. Mwe mutu yamba kuli yami ngwenyi, Yino ye mesa yili kumeso ja Yehova.

Ezekiel 44:16

O makanjilanjila mu zuwo liami lisandu nikukundama ku mesa yami kunguvumbika, no makafunga shimbi jami.

Hosea 13:9

Enu A-Izalele mungunwonwona mba iya manukwasa?

Alevi 18:21

Kanda uhana niumwe wa ana je akaatambule mu kahia kuli Moleke, ukajilule chocho jina lia Zambi ye. Yami Yehova.

Amose 2:7

Wano kakuliachila mitwe ya yiswale mu fufuta ya hashi; kakupiangula jila ya akwa lamba. Lunga ni tato kakupomba ni mwana-pwo umuwika chocho kanajilula jina liami lisandu.

Malaki 1:13

Nwakwamba ngwenu, Ayi yikatalo yipwa haha. Mba nwakunyekununa. Chocho kanambe Yehova-wa-Tujita. Nwakuneha waze akwachika hanji yitonji, hanji akwa misongo; chenacho nwakuneha mulambu! Te munguchitambula ku kwoko lie? Chocho kanambe Yehova.

Malaki 2:8

Alioze yenu hinwahambuluka mu jila; hinwatalingisa anji ni shimbi jenu; hinwalumbula usendo wa Levi. Chocho kanambe Yehova-wa-Tujita.

A-ROMA 2:24

Mumu jina lia Zambi kakulishililika hakachi ka akwa mavungu, mumu hali yenu, ngwe chinasonewa.