Malaki 1:11 - MUKANDA USANDU WA ZAMBI 1975

¹¹ Mumu chize ku Chivumbuko ndo ku Chitokelo jina liami liafumana hakachi ka mavungu, ni kweswe kakwochela insensu jina liami nikuhana mulambu wa kulinanga, mumu jina liami liafumana hakachi ka mavungu. Chocho kanambe Yehova-wa-Tujita.

Mukanda Wa Zambi 1970

¹¹ Chize ku mbango yimuwika ya hashi ndoo ku mbango yikwo atu kaakungulemesa. Kweswe kaakungwochela yuma ya vumba libema ni kungulambula milambu yize yinalite. Eswe kaakungufumanyisa!

Malaki 1:11 Iomraidhean Croise

1 Sango Ja Mianangana 16:25

Mumu Yehova munene, chatamba kumuhalisa chikolo. Chatamba kumuvwila woma kuhiana mazambi akwo eswe.

Miaso (Masamu) 111:9

Hanatumu ukule kuli atu jenyi. Hanahana shimbi ya usendo wenyi ku miaka ya mutolo jina lienyi lisandu; kole ni woma.

Miaso (Masamu) 113:3

Chize ku kuvumbuka cha tangwa ndo ku kutoka chalio, jina lia Yehova akalihalise.

Miaso (Masamu) 138:5

Ewa, kumembila majila a Yehova, mumu ulemu wa Yehova unene.

Miaso (Masamu) 141:2

Kulemba chami chikalite kumeso je ngwe insensu. Muze munguzundula moko jami chikapwe ngwe mulambu wa chingoloshi.

Miaso (Masamu) 45:17

Mungwaewulwisa jina lie ndusu ku Yisemuko yeswe, kashika atu makakuhalisa ku miaka yeswe ya mutolo. Kuli Njimba mukwa lutwe. Wa ana a Kora Ha Alamote. Mwaso.

Miaso (Masamu) 48:10

Ngwe jina lie lili hashi heswe Zambi, chocho nawa kakukuhalisa hashi heswe. Kwoko lie lia chindume Hazala tò ni ululi.

Miaso (Masamu) 48:11

Mulundu wa Zaione Ukawahe; ana ja Yunda ja mapwo akawahilile, mumu ha upatwilo we.

Miaso (Masamu) 50:1

Mukwa Ndundo, Zambi, Yehova hanahanjika. Hasanyika hashi chize ku chivumbuko cha tangwa ndo ku Chitokelo.

Miaso (Masamu) 65:9

Wakunangisa hashi nikuhinjilaho meya; wakuwahisaho chikolo. Lwiji wa Zambi kazala ni meya; wakwaaha tiliku muze hiwalulika hashi chocho.

Miaso (Masamu) 67:2

Hanga akanyingike jita ye hano hashi, ni ulamwino we hakachi ka mavungu eswe.

Miaso (Masamu) 86:9

Mavungu aze eswe watangile kumeza akawayile kumeso ja yena mwe Mwene, akachichimieke jina lie.

Miaso (Masamu) 96:8

Hanenu kuli Yehova ulemu wa jina lienyi. Nehenu mulambu nukanjile mu yize yenyi.

Izaya 12:4

Mba mukamba ha tangwa lize ngwe, Sakwililenu Yehova, vulukenu jina lienyi; fumanyisenu yitanga yenyi hakachi ka mavungu; ambujolenu ngwenu, Jina lienyi hanangama.

Izaya 12:5

Imbenu uhaliso kuli Yehova mumu halinga yuma ya uhenya; chuma chino chikafumane hashi heswe.

Izaya 19:21

Mba Yehova kumakalisolola kuli A-Engitu, no manyingika Yehova ha tangwa lize. Mamuwayila ni yitapo ni milambu ya kulumba. Malilakenya ni shingo kuli Yehova, mba malinga yilakenyo yo.

Izaya 30:27

Jina lia Yehova Unakatuka kusuku nikuyila ni kahia ka utenu wenyi ni mwishi ulá pwi unafwinjiko. Mivumbo yenyi yinazala ni ufwatulo, limi lienyi linapu ngwe kahia ka kulalisa.

Izaya 45:6

hanga atu akanyingike chize ku kuvumbuka cha tangwa ni ku Chitokelo— kukushi niumwe mukwo shina yami mwene. Yami nguli Yehova, mba mukwo wakuhi.

Izaya 54:5

Mumu Tangi ye iye lunga lie, jina lienyi Yehova-wa-Tujita. Musandu wa Izalele iye Mukwa-Kukukula, kakumutongola ngwo, Zambi ya hashi heswe.

Izaya 59:19

Chocho akwa Chitokelo mavwila woma jina lia Yehova. Akwa Chivumbuko mavwila woma uhenya wenyi. Mumu meza ngwe muhwiji wa tachi wa kushinjika ni fuji ya Yehova.

Izaya 66:18

Mumu ngunanyingika yitanga yo ni manyonga jo, mba nguneza ngukakonge mavungu eswe ni malimi akeze akamone uhenya wami.

Jeremia 10:6

Kukushi niumwe walita ni yena Yehova, uli munene, ni jina lie linene ni ndundo.

Jeremia 10:7

Iya kechi kukuvwila woma, ena Mwanangana wa mavungu? Chino chinakute mumu hakachi ka akwa mana a mavungu ni mu yifuchi yo kukushi umwe walita ni yena.

Jeremia 4:2

nyi munulishinga ngwenu, Ni mwono wa Yehova ni umwenemwene, ni kulita, ni ululi mba mavungu maliwahisa muli iye, ni muli iye nawa malisamba.

Daniel 2:45

chizechene ngwe nwamwene liwe lia kupula ku mulundu, hi ni kwoko lia mutu ko, mba Mapalwola utale, ni unengu, ni uma, ni prata, ni oru. Mwe Zambi munene halweza kuli mwanangana chize muchikapwa kulutwe. Chilota cha pundu, ni ulumbunwiso wacho wamwenemwene.

Amose 9:12

hanga akazuke masalila ja Endome, ni mavungu aze eswe hanaaluku jina liami. Chocho kanambe Yehova mukwa kulinga chuma chino.

Mika 5:4

Kumakamana nikulisa mbunga yenyi ya mapanga mu tachi ja Yehova; mu ulamba wa jina lia Yehova Zambi yenyi. O kumakatwama kawape, mumu henaho iye kumakapwa munene ndo ku masongo a hashi.

Zefania 2:11

Yehova mapwa kole ni woma ha kulimika no. Ewa, makahongesa mazambi eswe a hashi, mba yifuchi yeswe ya mavungu makahetamina kuli iye, mweswe kuma kwenyi.

Zefania 3:9

Ha mwaka uze mungwalumuna kuhanjika cha mavungu chikapwe kuhanjika chipema hanga eswe akatongole jina lia Yehova nikumulingila ni mbunge yimuwika.

Zakaria 8:7

Yehova-wa-Tujita kanambe ngwenyi, Mungukalamwina atu jami ku chifuchi cha ku Chivumbuko ni ku chifuchi cha ku Chitokelo.

Malaki 1:14

Akashingiwe mukwa kwonga auze kali ni kuji mu limba lienyi, mba mamulakenya ni shingo alioze malambula kuli Mwene chize Chinapiha. Mumu Yehova-wa-Tujita kanambe ngwenyi, Nguli mwanangana munene, ni jina liami kakulivwila woma hakachi ka mavungu.

Malaki 3:3

Iye makatwama ngwe mukwa kuwahisa ni kupemesa prata. Makapemesa ana ja Levi, nikwawahisa ngwe oru ni prata ndo maneha milambu yize yinalite kuli Yehova.

Kwalula 7:74

Musenge umuwika wa oru wa kumi lia shekele, wa tò wa insensu.

Mateu 28:19

Yénu kashika, nukatayise tumbaji a ku mavungu eswe, nikwapapachisa mu jina lia Tata, ni lia Mwana, ni lia Spiritu Musandu:

Mateu 8:11

Alioze ngunambe kuli yenu ngwami, Anji a ku Chivumbuko ni ku Chitokelo kumakeza, makatwama ku mesa hamwe ni Apalahama, ni Izake, ni Yakomba mu wanangana wa malilu.

Luka 1:10

Chizavu cheswe cha atu te kanalembe haze ha ola ya insensu.

A-ROMA 12:1

Kashika, ngunaliumbu kuli yenu mandumbu, ku keke ya Zambi, nutumbikile mijimba yenu chitapo cha mwono, chisandu, chakupemena chikolo kuli Zambi, uno we uvumbiko wenu wakulita ni kunyonga cha mana.

A-ROMA 15:16

Hanga ngukapwe kavumbi ka Kristu Yesu kuli akwa mavungu, nikulinga ngwe uvumbiko wa sasendote mu sango lipema lia Zambi, hanga akwa mavungu akapwe mulambu wa kupemena chikolo, kanausela ku usandu kuli Spiritu Musandu.

Filipu 4:18

Alioze yuma yeswe nguli nayo; nguli nayo ya kulumbama: ngunazala tò, se natambwile kuli Epafwonditu yuma yize nwatumine, lupembo mupema, chitapo cha kupemena chikolo kuli Zambi.

2 A-TESALONIKA 1:12

hanga akachichimieke jina lia Mwene wetu Yesu muli yenu, ni yenu muli iye, nikulita ni vumbi lia Zambi yetu ni lia Mwene Yesu Kristu.

1 Timoteu 2:8

Ngunazange malunga akalembe kweswako, nikuzundula moko asandu, keshi utenu hanji kuyambashana.

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.

Usolwelo 15:4

Mwene, iya kechi kakuvwila woma, iya kechi kuchichimieka jina lie? Mumu yena wika uli musandu; mumu mavungu eswe kumakawayila kumeso je; mumu yilinga ye ya ululi hanayisolola.

Usolwelo 5:8

Mba muze te handa mukanda, akwa mwono awana ni makumi aali a makulwana ni makulwana awana afulamanyine kumeso ja mwe Mwana-panga, mweswe ni kalialia ni misenge ya oru ya tò ni insensu, yenayo yilemba ya asandu.