Lungungu 5:7 - MUKANDA USANDU WA ZAMBI 1975

⁷ Tulamba twetu avulumwine, ni musono keshiko; yetu tunatambula lamba lia uhenge wo.

Mukanda Wa Zambi 1970

⁷ Tushakulu twetu haanavulumuna, alioze haliabwila keeshi ko, hiyetu tunamono lamba mumu ha milonga yo.

Lungungu 5:7 Iomraidhean Croise

Ubutukilo 42:13

O ngwo, Etu ngamba jenu tuli kumi lia malunga ni malunga aali eswe ana ja lunga umuwika mu chifuchi cha Kanana. Mwe kanuke kwali ni musono hamwe ni tata. Umuwika keshiko.

Ubutukilo 42:36

Tato Yakomba yamba kuli ayo ngwenyi, Hinwangutokesa ana jami. José keshiko, ni Simeone keshiko, ni Mbenjamine nunambe kumutwala. Yuma yino yeswe yangushata yami.

Jobe 7:21

Kuchi te kuchi kukonekena mutonga wami, kuchi kuchiza uhenge wami? Mumu haliapwila mungupomba mu mavu; mukangufupa, ami chishiko.

Jobe 7:8

Liso lia yoze kanangumona kechi kangutala nawa; shimbu muchingutala hinaya.

Kutuhuka 20:5

Kanda ukafukama kuli ayo, chipwe kwalingila, ka, mumu yami Yehova Zambi ye, nguli Zambi ya ukwa, nikufwetesa ana uhenge wa atato ndo ku chisemuko chamuchitatu ni chamuchiwana cha waze akunguvwila kole;

Jeremia 14:20

Yehova, tunatayiza ungulungulu wetu, ni uhenge wa tulamba twetu, mumu hitunakuvulumuna.

Jeremia 16:11

Mba muwamba kuli ayo ngwe, Yehova kanambe ngwenyi, Mumu tulamba twenu hanangwehuka, hanakaula mazambi eka nikwalingila nikwawayila, hanangwehuka; kafungile shimbi yami.

Jeremia 16:12

Ni yenu hinwawana tulamba twenu, mumu mweswe kanakaula upale wenyi mwene upi ni wa pami, kasolo kungwivwa.

Jeremia 31:15

Yehova kanambe ngwenyi, Liji limwe analivu mu Rama, kulila mbimbi; kulila chisasu. Rakele kanalilila ana jenyi. Katayile amulembejeke hali ana jenyi, mumu keshiko.

Jeremia 31:29

Ha matangwa aze kechi kwamba nawa ngwo, Atato halia uva jisasu mba mu makanwa ja ana mwapangaminya.

Ezekiel 16:58

Linatambula fweto ya usolo we ni ya yitanga ye ya lwaji. Chocho kanambe Yehova.

Ezekiel 18:2

Kuchi chinalumbunuka kuta chishima chino kanji kanji ha kutwala ku chifuchi cha Izalele ngwo, Atato halia uva jisasu, mba mu makanwa ja ana mwapangaminya?

Zakaria 1:5

Tulamba twenu kuli ali? Aprofeta? Te kali ni mwono miaka yeswe?

Kwalula 14:18

Yehova, iye makoke kutenuka, utu wa zango lienyi kuwalumbama, nikukonekena uhenge ni uvulumunyi, ngwenyi, kechi kuhasa kusambisa mukwa kuhia. Alioze kakufwetesa ana uhenge wa yisemi ku chisemuko chamuchitatu, ni ku chamuchiwana.