Lungungu 5:21 - MUKANDA USANDU WA ZAMBI 1975

²¹ Tuhilwise kuli yena mwene Yehova tukahuzuluke! Pwisa matangwa jetu aha, ngwe apwile kunyima!

Mukanda Wa Zambi 1970

²¹ Mwene Zambi, tuhilwise kama kuli yena! Tuhilwise kama! Tuhilwishile kama uhenya wetu Ukulu.

Lungungu 5:21 Iomraidhean Croise

1 Yitanga Ya Mianangana 18:37

Yehova, ungwivwe kama. Ungwivwe hanga vungu lino akanyingike ngwo, Yehova iye Zambi, hanahilwisa mbunge jo nawa.

Miaso (Masamu) 80:19

Yehova Zambi-wa-Tujita, ututewulule kama. Pangulwisa meso je mba mutupuluka.

Miaso (Masamu) 80:3

Zambi, ututewulule kama, pangulwisa meso je mba mutupuluka.

Miaso (Masamu) 80:7

Ututewulule nawa, Zambi-wa-Tujita. Pangulwisa kama meso je mba mutupulluka.

Miaso (Masamu) 85:4

Tutewulule kama, yena Zambi ya ulamwino wetu, utenu we kuli yetu ukahwe kama.

Izaya 60:20

Tangwa lienu kulichi katoka nawa, kakweji wenu kechi kakatukako. Mumu Yehova makapwa pangu lienu lia mutolo, ni matangwa jenu a kulishimwoka kumakahwa.

Jeremia 30:20

Ana jo makapwa chizechene apwile kushi, ni chikungulwila cho muchikakola kumeso jami. Mungukahana kastigu kuli waze eswe maapinjisa.

Jeremia 31:18

Hinevwa A-Eframe nikutwa mikuma ngwenyi, Hiwangufumba mba nafumbiwa ngwe musamba wa ngombe yoze kanda amuhombwesa. Nguhilwise kama hanga ngukahuzuluke mumu uli Yehova Zambi yami.

Jeremia 31:4

Mungukutunga cheka nawa ena *virgem Izalele! Kumukatungiwa. Cheka nawa mukalipemesa ni tumikupiela ukaye ukahangane ni akwa kusehejela.

Jeremia 33:10

Yehova kanambe ngwenyi, Muno mwene enu nwakwamba ngwenu, Munapu mwa hululu, kumushi atu chipwe yimuna, ni mu yihunda ya Yunda, ni mu matapalo ja Yerusaleme muze munapu mwamokomoko, kumushi atu, chipwe akwa kutungako, chipwe yimuna, ngwami,

Jeremia 33:13

Mu yihunda ya ku milundu, mu yihunda ya mu Shefela, ni mu yihunda ya Negeve, mu chifuchi cha Mbenjamine, ni mu yihela ya kujingilika Yerusaleme, ni mu yihunda ya Yunda, yimuna kumakapalika nawa kushi lia moko ja mukwa kwaalula. Chocho kanambe Yehova.

Ezekiel 36:37

Mwene Yehova kanambe ngwenyi, Chino nawa mungutayiza akwa munyachi wa Izalele akete kuli yami, ngukaokese malunga jo ngwe mbunga ya mapanga.

Habakuke 3:2

Yehova, hinevwa lufuma we; ngunavwila woma chitanga che! Yehova, huzulula milimo ye hakachi ka miaka. Hakachi ka miaka uyisolole. Hakachi ka ufwatulo iwuluka keke.

Malaki 3:4

Henaho mulambu wa Yunda ni Yerusaleme muuwahila Yehova ngwe ha matangwa a shakulu, miaka ya kushi.